رعشه "برجلة خيفيفة" عند الدوارة في الصباح

السلام عليكم:
لي استفسار بخصوص الاتي
أثناء الدوارة اليوم في الصباح " حوالي 8:00ص" و درجة الحرارة كانت تقريبا 10 ..أول ما دوست على ال start العربية دارت عادي بس بعدين حسيت برعشة كده "برجلة على خفيف..تحس ان سرعة دوران الموتور غير منتظمة" استمرت لمدة حوالي 20 ثانية مع العلم بأن ال أر بي ام كان عادي و في معدله الطبيعي... بعد 20 ثانية تقريبا كل شئ عاد لطبيعته بدون أي مشاكل .. بعدين بطلت العربية و دورتها تاني دارت عادي جدا الحمد لله.......... المشكلة ان الموضوع ده تاني مرة يحصل الاسبوع ده بنفس الكيفية و كانت أول مرة تحصل أول أمبارح .... كلمت التوكيل قالي احتمال يكون كويل... فيا ريت لو حد صادفه حاجة زي كده أو عنده خبرة بالموضوع ده ( السادة الوحوش الأفاضل)على سبيل سيادة الكولونيل خالد د.أ عبدالمقصود, مستر أيمن مومو, فرحات باشا و بقيه الناس المحترمة يدلى بالنصيحة و لكم جزيل الشكر(العربية موديل 2008 ماشيه 26000كم )

هل عداد RPM كان بيلعب..يعني نزل لتحت كأنه هايقطع وبعدين علي لفوق؟؟ انا سمعت رأي قبل كدا بيقول: في البرد الزيت بيتحرك من الكرتيرة ببطئ في الدوار الأولانية في الشتا خصوصا لو عربيتك بتركن والعجل الامامي اعلى من الخلفي

عموما لو الموضوع دا ماحصلش معاك قبل كدا في الشتاء القارص دا يبقى عموما راجع على:
- الكولر cooler
- الكويلات والبوجيهات
- فلاتر البنزين والهواء
- واخيرا طلمبة البنزين

عندي شعور ان الخبراء حجيبو سيرة ترس الديفيزر... انتظرهم

ترس الديفزور بيعمل صوت حكة الصبح..

اقتباس:

---

المشاركة الأصلية كتبت بواسطة ecybrarian

هل عداد rpm كان بيلعب..يعني نزل لتحت كأنه هايقطع وبعدين علي لفوق؟؟ انا سمعت رأي قبل كدا بيقول: في البرد الزيت بيتحرك من الكرتيرة ببطئ في الدوار الأولانية في الشتا خصوصا لو عربيتك بتركن والعجل الامامي اعلى من الخلفي

عموما لو الموضوع دا ماحصلش معاك قبل كدا في الشتاء القارص دا يبقى عموما راجع على:
- الكولر cooler
- الكويلات والبوجيهات
- فلاتر البنزين والهواء
- واخيرا طلمبة البنزين

---

يا باشا أولا 1000شكر على ردك و اهتمامك؛؛ ثانيا انا الموضوع ده ماحصلشي قبل كده خالص إلا أول امبارح الصبح و النهارده الصبح برده؛ كمان ال rpm الحمد لله طبيعي جدا و بيكون عند 0.8 تقريبا على ال n والمرتين اللي حصل فيهم الموضوع ده كنت راكن ومستوي العجل الامامي و الخلفي تقريبا واحد؛؛؛؛؛؛ هل ده ممكن يكون ان فيه كويل أو بوجيه أو ابلاتين مش بايظ بس محتاج يتنضف.مثلا بسبب تراكم أتربه أو صدأ ؟؟

كان عندى مشكله مشبهه ليسا عاملها اول امبارح.بعد مغيرت الكولر والفلاتر ونضفت حساس السبيد راحت الحمد لله .جرب تنضف حساس السبيد الاول ممكن تتحل متغياروش علاطول

شوف بقى فى كذا سبب يخلى الموتور يترج على خفيف فى البرد القارص اول الدوران
1. ممكن انت تكون حاطط زيت لزوجتة 20w40 الى هو بيقولوا علية 5000 ودة ممكن يعمل كدة لانة مش بيوصل لاجزاء الموتور الى فوق بالساهل وهو بارد لان لزوجتة عالية ومينفعش فى الميجان اصلا.. لو دة الامر حط زيت لزوجتة 5w40 او 0w40 وهتلاقى الكلام زبت معاك...

2. مفتكرش انو كويل...
3. ممكن ترس الديفزر (مش لازم يعمل الصوت الشهير بتاعة للاخوة الى بتقول انو لازم يعمل صوت) بس هو بسبب رجة خفيفة فى الماتور لغاية ما ضغت الزيت جواة ينتظم )
4. متشغلش باللك بس شوف انت حاطط زيت اية لو ال 5000 غيرة لانة مش هينفع فى البرد مع ميجانتك

اقتباس:

---

المشاركة الأصلية كتبت بواسطة shawkylotfy

شوف بقى فى كذا سبب يخلى الموتور يترج على خفيف فى البرد القارص اول الدوران
1. ممكن انت تكون حاطط زيت لزوجتة 20w40 الى هو بيقولوا علية 5000 ودة ممكن يعمل كدة لانة مش بيوصل لاجزاء الموتور الى فوق بالساهل وهو بارد لان لزوجتة عالية ومينفعش فى الميجان اصلا.. لو دة الامر حط زيت لزوجتة 5w40 او 0w40 وهتلاقى الكلام زبت معاك...

2. مفتكرش انو كويل...
3. ممكن ترس الديفزر (مش لازم يعمل الصوت الشهير بتاعة للاخوة الى بتقول انو لازم يعمل صوت) بس هو بسبب رجة خفيفة فى الماتور لغاية ما ضغت الزيت جواة ينتظم )
4. متشغلش باللك بس شوف انت حاطط زيت اية لو ال 5000 غيرة لانة مش هينفع فى البرد مع ميجانتك

---

ياباشا شكرا لاهتمامك بس انا أصلا لسه عامل صيانة ال 25 في التوكيل و كنت مغيرالزيت والفلترفي صيانة ال 20 في التوكيل برده وانا محافظ علي عمل الصيانات الدوريه في معادها و في التوكيل

اقتباس:

---

المشاركة الأصلية كتبت بواسطة hady

ياباشا شكرا لاهتمامك بس انا أصلا لسه عامل صيانة ال 25 في التوكيل و كنت مغيرالزيت والفلترفي صيانة ال 20 في التوكيل برده وانا محافظ علي عمل الصيانات الدوريه في معادها و في التوكيل

---

على فكرة موضوع مهم جدا
يا ريت كل وحش من الوحوش ينقلنا خبرته في الموضوع ده
أنا أعرف هنا ميكانيكي اسمه خالد ( ورشه أحمد و خالد) أنا بصراحة ماتعاملتش معاه بس ناس صحابي قالولي عليه و شكرو فيه
كمان هناك شركة المهندس بتاعت المهندس طلعت و كان رفع لسته قبل كده ب أسعار بعض قطع الغيار و كان عامل عليها أوفر لأعضاء المنتدى مخصوص

متابع

المشكلة ديه ظهرت معايا مرتين في الميجان بتاعتي وبرضه كانت الصبح بدرى والجو تلج
وعشان انا عربيتى قربت على معاد الصيانه قلت انه احتمال كبير يكون البوجيهات فيهم واحد بيقطع الصبح

اقتباس:

---

المشاركة الأصلية كتبت بواسطة Hady

على فكرة موضوع مهم جدا
يا ريت كل وحش من الوحوش ينقلنا خبرته في الموضوع ده
أنا أعرف هنا ميكانيكي اسمه خالد ( ورشه أحمد و خالد) أنا بصراحة ماتعاملتش معاه بس ناس صحابي قالولي عليه و شكرو فيه
كمان هناك شركة المهندس بتاعت المهندس طلعت و كان رفع لسته قبل كده ب أسعار بعض قطع الغيار و كان عامل عليها أوفر لأعضاء المنتدى مخصوص

---

يا راجل..احمد وخالد إللي في صقر..دول دكاترة رينو..ما شاء الله عليهم وبعدين مش بتوع اشتغالات..دول لو بيعرفوا يشتغلوا على renault clip يبقوا كدا خلصوا على كل حاجة في العربية فعلا..معاهم كهربائي اسمه رامي منضم إليهم حديثا حافظ ضفاير الميجان..كان الفتيس بتاعي مش متشاف بالكمبيوتر وهو حل المشكلة في 5 دقائق..كان في pin مش لاقط في علبة الفيوزات في الكبود..بس خلاص

وحوش صباح الفل
أنا روحت لخالد اللي في صقر قريش
هو يبدو فعلا أنه شخصية محترمة و يعرف ربنا
شاف العربية,, قالي دور ..دورت.. بص على ال rpm...سمع صوت الموتور... شد الفيشة بتاعت حساس السرعة...بص فيها و ركبها تاني.... سألني على حالة ال rpm لما موضوع الرجرجة ده حصل قلتله كان تمام "العادي يعني" أول ما بدور العربية بيبقى على 1000و بعدين بينزل ل مابين ال 700 و ال 800
قالى مافيهاش حاجة و اطمن

طيب كويس..كنت خليته يبص لك بالمرة على الكولر

وحوش ؛ للأسف موضوع الرعشه اتكرر النهارده ؛ الجديد ان الرعشه حصلت بعد ما دورت ب 4 دقايق يعني الموتور كان سخن (مؤشر الحراره كان عند تاني شرطه؛؛ مش عارف بقى أطلع على التوكيل ولا ايه

وحوش ؛ للأسف موضوع الرعشه اتكرر النهارده ؛ الجديد ان الرعشه حصلت بعد ما دورت ب 4 دقايق يعني الموتور كان سخن (مؤشر الحراره كان عند تاني شرطه؛؛ مش عارف بقى أطلع على التوكيل ولا ايه

اقتباس:

---

المشاركة الأصلية كتبت بواسطة hady

وحوش ؛ للأسف موضوع الرعشه اتكرر النهارده ؛ الجديد ان الرعشه حصلت بعد ما دورت ب 4 دقايق يعني الموتور كان سخن (مؤشر الحراره كان عند تاني شرطه؛؛ مش عارف بقى أطلع على التوكيل ولا ايه

---

وحوش؛ صباح الفل؛؛ الحمد لله العربية بقت تمام و حبيت أنقل ليكو تجربتي لعلها تفيد أخرين؛؛؛ أنا ببساطة شديده لما موضوع الرعشة اتكرر و العربية كانت دايرة لفتره (كانت سخنة يعني‏)‏ شكيت ان يكون فيه حاجة في دورة البنزين فا قولت أبدأ بالبنزين؛ رحت اشتريت منظف الرشاشات و حطيته مع التفويله و قلت أشوف لعل و عسى ؛ الكلام ده كان يوم الخميس اللي فات؛؛ وتابعت من يوميها لحد النهارده الحمد لله لم تتكرر هذه الرعشه بالرغم اني كنت بدورها الصبح بدري و درجة حرارة الجو كانت بتبقي 7 درجات في بعض الايام؛؛

الحمد لله طلعت حاجة بسيطة

اقتباس:

---

المشاركة الأصلية كتبت بواسطة ecybrarian

الحمد لله طلعت حاجة بسيطة

---

الحمد لله طبعا................ أشكرك يا باشا على اهتمامك

طريقه حط منظف الرشاشات ازاى ؟ يعنى استنى لما التنك يفضى ؟ اصل انا عندى نفس المشكله فى الكليو

اقتباس:

---

المشاركة الأصلية كتبت بواسطة r_gamal1

طريقه حط منظف الرشاشات ازاى ؟ يعنى استنى لما التنك يفضى ؟ اصل انا عندى نفس المشكله فى الكليو

---

لا خالص..حطها في اي تفويلة..دا لما تلاقي بنزبن الأول :-))))

طيب يا جماعه انا عندي الرعشة ديه الصبح بدرى بس او لما بيكون الجو برد جامد والعربية مركونة بقالها فترة ولما بتحصل الرعشة ديه rpm بنزل شويه ومجرد 20 ثانية والرعشة تروح والـ rpm بيظبط وكله بيبقى تمام ومش بتحصل حاجه تانية

اقتباس:

---

المشاركة الأصلية كتبت بواسطة hady

وحوش؛ صباح الفل؛؛ الحمد لله العربية بقت تمام و حبيت أنقل ليكو تجربتي لعلها تفيد أخرين؛؛؛ أنا ببساطة شديده لما موضوع الرعشة اتكرر و العربية كانت دايرة لفتره (كانت سخنة يعني‏)‏ شكيت ان يكون فيه حاجة في دورة البنزين فا قولت أبدأ بالبنزين؛ رحت اشتريت منظف الرشاشات و حطيته مع التفويله و قلت أشوف لعل و عسى ؛ الكلام ده كان يوم الخميس اللي فات؛؛ وتابعت من يوميها لحد النهارده الحمد لله لم تتكرر هذه الرعشه بالرغم اني كنت بدورها الصبح بدري و درجة حرارة الجو كانت بتبقي 7 درجات في بعض الايام؛؛

---

كنت عايز اسال حضرتك هل الرعشة مرجعتش تانى بعد ما حطيت منظف الرشاشات ولا بعد كام يوم رجعت تانى؟؟ و يا رت تقولى اجيب منين منظف الرشاشات ده و طريقة استخدامة... انا عندى نفس المشكلة دى بقالها شهور من اول الشتاء و مش عايزة تروح و مش عارف اعمل اية... بس انا عربيتى فيرنا... و متشكر لحضرتك على الافادة.

اقتباس:

---

المشاركة الأصلية كتبت بواسطة devil_storm

كنت عايز اسال حضرتك هل الرعشة مرجعتش تانى بعد ما حطيت منظف الرشاشات ولا بعد كام يوم رجعت تانى؟؟ و يا رت تقولى اجيب منين منظف الرشاشات ده و طريقة استخدامة... انا عندى نفس المشكلة دى بقالها شهور من اول الشتاء و مش عايزة تروح و مش عارف اعمل اية... بس انا عربيتى فيرنا... و متشكر لحضرتك على الافادة.

---

السلام عليكم
أولا : الحمد لله الرعشة مرجعتشي تاني مع العلم اني حاليا فولت التفويلة التانية "بعد التفويلة الاولى اللي حطيت فيها منظف الرشاشات"و التانك تقريبا فيه نصه دلوقتي
ثانيا: منظف الرشاشات اللي جبته هو نوع اسمه STP أمريكاني هس عبوه تقريبا على ما اتذكر 330مم لونها فضي و مكتوب عليه injection cleaner كانت بحوالي 30 جنيه من بنزينة توتال اللي على الاوتوستراد -المعادي- خلي بالك منتجات STP فيه منها انواع كتيرة لاغراض مختلفة يعني فيه نوع تاني مثلا لتنظيف دورة الوقود كاملة " ناوي أجيبه ان شاء الله بس قدام شوية"
ثالثا : الطريقة بقى سهلة جدا و هي انك و انت بتفول التنك بتاع عربيتك حط محتويات العبوة بتاعت STP كاملة مع البنزين أثناء التفويل " اديها للراجل بتاع البنزينة يفضيهالك في التانك"
جرب كده و شوف و لو ماجابتشي نتيجة عندك جرب تحط منظف دورة البنزين كده لو المشكلة ماتحلتشي شوف كهربائي كويس يبصلك على البوجيهات و أسلاك الكهربا الموصلة للبويجيهات أو الموبينه اللي بتبقى متوصلة بالبوجيهات.... كمان اتأكد الاول ان فلتر الهواء عندك تمام و لو محتاج يتغير غيره و بالتوفيق ان شاء الله

والله عندي نفس المشكله وسايبها على الله

اقتباس:

---

المشاركة الأصلية كتبت بواسطة hady

السلام عليكم
أولا : الحمد لله الرعشة مرجعتشي تاني مع العلم اني حاليا فولت التفويلة التانية "بعد التفويلة الاولى اللي حطيت فيها منظف الرشاشات"و التانك تقريبا فيه نصه دلوقتي
ثانيا: منظف الرشاشات اللي جبته هو نوع اسمه stp أمريكاني هس عبوه تقريبا على ما اتذكر 330مم لونها فضي و مكتوب عليه injection cleaner كانت بحوالي 30 جنيه من بنزينة توتال اللي على الاوتوستراد -المعادي- خلي بالك منتجات stp فيه منها انواع كتيرة لاغراض مختلفة يعني فيه نوع تاني مثلا لتنظيف دورة الوقود كاملة " ناوي أجيبه ان شاء الله بس قدام شوية"
ثالثا : الطريقة بقى سهلة جدا و هي انك و انت بتفول التنك بتاع عربيتك حط محتويات العبوة بتاعت stp كاملة مع البنزين أثناء التفويل " اديها للراجل بتاع البنزينة يفضيهالك في التانك"
جرب كده و شوف و لو ماجابتشي نتيجة عندك جرب تحط منظف دورة البنزين كده لو المشكلة ماتحلتشي شوف كهربائي كويس يبصلك على البوجيهات و أسلاك الكهربا الموصلة للبويجيهات أو الموبينه اللي بتبقى متوصلة بالبوجيهات.... كمان اتأكد الاول ان فلتر الهواء عندك تمام و لو محتاج يتغير غيره و بالتوفيق ان شاء الله

---

متشكر لرد حضرتك التفصيلى... ان شاء الله حجرب و يا رب المشكلة تتحل

ياباشا نضف بوابة الهواء(أير منفلد)، و شوف النتيجة
لو عملتها تاني حطها على الجهاز للكشف عن حساس الكرنك

بالتوفيق