تحياتي الي جهاز حمايه المستهلك ( اداني حقي )

**mero100** · 03-01-2012 08:50 PM

للأمانه الغساله محترمه جدا جدا جدا و واسعه من جوه و شغاله زي الفل

فيما عدا موضوع سله الاطباق و بالفعل هما غيروا نوع السله في الانتاج الجديد

و المشكله بتاعتي حاعتبرها ان الموظف هناك مش فاهم فين حق الشركة و فين حق المستهلك مش اكتر

و اخويا جايب واحده نفس النوع و الموديل بس السله اللي جوه هيه الجديده المطوره و شغاله بجد زي الفل

مشكلتي اللي حكيتها ليست عيب في المنتج.... بقدر ما هي عيب في الموظف اللي شغال في الشركة و بيرد علي مشاكل العملاء بصوره خاطئه .....و احنا فهمناه خلاص ازاي يحل مشاكل المستهلكين لو لهم حق :-)

كغساله اطباق انصح بشرائها لانها ممتازه فعلا و ضمانها 7 سنوات ....و في منها موديلين ...االاول : زي بتاعتي بتتحط فوق رخام المطبخ و فعلا كبيره و بتشيل حلل و اطبااق و كل اللي عاوز تغسله و فيها 4 او 5 برنامج تقريبا
و االثاني : هوة موديل زي غساله الملابس و بيتحط بين خشب المطبخ زي غساله الملاابس و بيتعمله صرف زييها بالظبط .
الغساله لاتحتاج صيانه فعلا لاني بستعملها من 3 سنوات و نصف و ذلك احقاقا للحق .... بخلاف موضوع السلات و تم حله بنوع مجلفن الكتروستاتيك غير قابل للصدأ .

**الغزالى** · 03-01-2012 09:21 PM

الى بيدى ضمان بيعدى الى 5 سنين .. ال جى - وسامسونج .. اوليمبك ... فارجح انها حاجه تبع اوليمبك ... لان ال 2 التانين ... حاجه قمه الرقى فى التعامل

**نور القمر** · 03-01-2012 11:22 PM

لا فريش سنتين بس

**Rsarabia** · 03-01-2012 11:51 PM

يونيفرسال ؟؟؟؟؟؟؟؟؟؟؟
غسالة الاطباق بتاعتى مطلعة عينى و مشتغلش الا 3 مرات و بايظة و خدوها عندها يصلحوها و رجعوها تانى و لسه العيب زى ما هو و كل مرة بدى تيبس قد كدا و كل مرة ييجى واحد غير الاولانى و طبعا بتكسف و بدله تبس جديد و فى الاخر العيب زى ما هو :)

**mero100** · 04-01-2012 08:56 PM

المشاركة الأصلية كتبت بواسطة rsarabia

يونيفرسال ؟؟؟؟؟؟؟؟؟؟؟
غسالة الاطباق بتاعتى مطلعة عينى و مشتغلش الا 3 مرات و بايظة و خدوها عندها يصلحوها و رجعوها تانى و لسه العيب زى ما هو و كل مرة بدى تيبس قد كدا و كل مرة ييجى واحد غير الاولانى و طبعا بتكسف و بدله تبس جديد و فى الاخر العيب زى ما هو :)

واضح انك نوع تالت من المستهلكين انا مذكرتوش في موضوعي :-)

انت من النوع اللي بيتكسف و يتحرج و حقه بيضييييييييييييييييييع

يا تري هاتعمل ايه طيب معاهم؟

هل موضوعي افادك؟؟؟؟

اظن كاتبلك كل الخطوات تفصيليا

و كماااااان اتصلوا بيا اول امبارح بيسألوا و بيتطمنوا ان كل حاجة تمام ... اه و الله .... تحس انهم حد قلبه عليك .... بلدنا زي ما فيها سلبيات .....فيها ايجابيات يا جماعه ... احمدك يااااااااااااا رب .....حاجة زي دي بتتدي الواحد دفعه و امل

فاهمنني طبعا و حاسيين بيا :-)

**mohamed2002** · 04-01-2012 10:12 PM

والله ياباشا ياريت كلنا نبقي زيك ايجابيين وفعلا جهاز حماية المستهلك عامل شغل بس لازم فاتورة ضريبية

**mero100** · 04-01-2012 11:13 PM

المشاركة الأصلية كتبت بواسطة mohamed2002

والله ياباشا ياريت كلنا نبقي زيك ايجابيين وفعلا جهاز حماية المستهلك عامل شغل بس لازم فاتورة ضريبية

مش بالضروره .....ممكن يبقي معاك الضمان و مختوم بختم المحل و يكفي ....بس ده في حاله انك عاوز ترجع الجهاز و تاخد فلوسك او تستبدله خلاال اول 14 يوم من تاريخ الشراء

بعد ال 14 يوم بيبقي تعاملك مع الشركة المصنعه طبقا للضمان ...و هنا عالاقل لازم يكون ضمانك معاك ...و يفضل مختوم بختم الموزع او المحل اللي اشتريت منه ....و طبعا يفضل يكون معاك فاتوره .....و لو انه مش شرط ....يكفي الضمان .....لان ممكن واحد بتضيع فاتورته و معاه الضمان ....

لذلك : لازم وانت بتشتري الجهاز انك تفتح الضمان و تخلي البائع يكتبلك بياناتك و تاريخ الشراء و يختم ....و طبعا مفيش مستهلك بيعمل كدة.... بس ده هوة الصح .

جهاز حمايه المستهلك لاحظت انه بيحاول يقف معاك من خلال اي مستند معاك .

**azmeralda** · 05-01-2012 02:31 PM

fs hkh ghp/j hk [ihj. plhdm hglsjig; ]i fdijl tugh ,d[df hgpr,r tn hgph[hj hgfsd'm hggn .n ;]i g;k juhg,h frn tn uvfdm legh sluj ;jdv hki fdr,g uk]kh lk hglah;g ]n hght ,hk kh]v p] dho] pri tn lwv dfrn hkj h;d] tn lwv
hdi vhd;, tn hg;ghl ]i

سمعت فعلا حكايات عن اعادة الحقوق من الجهاز بس فى الحاجات البسيطة

لكن لو مشكلة عربية مثلا يبقى انت اكيد فى مصر وان عندهم الاف الشكاوى ضد شركات السيارات وزيرو ونادر لما حد ياخد حقه فى حاجة زى كده
ايه رأيكو فى الكلام ده

**mero100** · 06-01-2012 08:18 AM

انا سألتهم في موضوع السيارات ده .... قالولي سياسه الاستبدال و الاسترجاع تنطبق علي السيارات زيها زي اي سلعه في خلال 14 يوم من تاريخ الشراء ..... اعتقد المشاكل التانيه بتكون بعد ال 14 يوم و دي بتطبق فيها شروط الضمان .....يعني مثلا ممكن حد مثلا شاري سيااره موديل كذا و داخل الضمان و عنده علبه دركسيون باايظه ....طبعا مش كل المستهلكين بيعرفوا انها بايظه .....لكن ممكن حد فاهم اوي و بيعرف انها بايظه و بيطلب من التوكيل تغييرها ....طبعا في التوكيل بيعاندوا و يقولولوا لأ دي سليمه ....بيروح المستهلك يشتكي و بيتحدد ميعاد و جلسه و بيجيبوا مدير عام الصيانه في الشركة و مسئول من المصنع لو السياره تجميع مصري .... و غالبا غالبا بنتتهي الجلسه بأن التوكيل بيقول ( إن الله حق ) و بيقولوا للمستهلك احنا تحت امرك و حنغيرلك اي حاجة عاوز تغيرها و دة لو كان فعلا له حق ......

بعض التوكيلات بتنكر العيوب او من وجهه نظرها ان مفيش عيوب .....

في الحاله دي بيبقي الفيصل هوه لجنه من كليه الهندسه تتقريبا بتتبقي علي حسااب المستهلك لكي تفصل في الموضوع و غالبا بيدوا المستهلك حقه ..... معرفش بقه هل لو طلع للمستهلك حق بيرجعولوا المصاريف اللي دفعها رسوم للجنه ؟؟؟؟....لانها بتكون في حدود 900 جنيه للسيارات الحديثه ..

دي مسالتش فيها :-))

اللي بحكيهولكم ده مش كلام انشاء ......ععضو معانا هنا عمل كل الخطوات دي و غير 2 مساعدين و 2 مقص ...و 2 طنبوره و 2 بلي عجل .......اتثبت انه عنده عيوب فعلا .... و خد حقه :-)

الموضوع: تحياتي الي جهاز حمايه المستهلك ( اداني حقي )

LinkBack

أدوات الموضوع

عرض

-

-

-

-

-

المواضيع المتشابهه

رقم حمايه المستهلك كام ؟؟

سعيد الالفى رئيس جهاز حمايه المستهلك فى برنامج الحياه اليوم

عيوب الافيو وجهاز حمايه المستهلك

جهاز حمايه المستهلك - تحديث

جهاز حمايه المستهلك

الكلمات الدلالية لهذا الموضوع

المفضلات

المفضلات

ضوابط المشاركة