| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 9 1 2 3 4 5 6 ... الأخيرةالأخيرة
النتائج 1 إلى 10 من 83

  1. #1

    الصورة الرمزية me_medoo

    رقم العضوية : 117629

    تاريخ التسجيل : 09Dec2011

    المشاركات : 2,672

    النوع : ذكر

    الاقامة : القاهرة- الشيخ زايد

    السيارة: اكسينت Rb 2012

    السيارة[2]: YARIS

    دراجة بخارية: اسكوتر

    الحالة : me_medoo غير متواجد حالياً

    Thumbs up صرخـــــــة مواطن مصري ؟؟ أرفعو الجمارك - Facebook Twitter whatsapp انشر الموضوع فى :

    hasad">

    نفسي أصرخ من زمان وأقول بعلو الصوت أرفعو جمارك العربيات ... وخلو الشعب يعيش بأه .

    لحد أيمتى هنفضل كده ... الناس الاقل مننا راكبين أحلى عربيات وأحنا المصريين لمن أتقدمنا وأطورنا دخلنا التوكتك لمصر .

    العربية مش رافهية العربية أساس من أساس أي أسرة مصرية وضرورة حياتية ... أحياناً شغلك كلو بيعتمد على العربية ... أحياناً حياتك كلها بتعتمد على العربية ... فليه تجمركلي حياتي ... وليه تحسسني بأني مواطن درجة تانية أقل من الدول العربية ... وبعدين أنتو بتقولوا بتحمو الصناعة المصرية هيا فين الصناعة المصرية أحنا بنقفل عربيات تاريخها انتهى من العالم بقالو سنين وسنين ... وبعدين عربية جايه من بلادها بقرشين ومتقفله صح الصح وفيها كل التكونلوجيا تقوم تشيلي كل حاجه منها وتقولي رافاهية ودلع وملهاش لازمة وتدفعني عليها الطاق طاقين ..

    طيب اليابانين تبعو وأنتجو وعمل أجمل تصاميم وأجمل وسائل أمان وصرفو وتعبو ومصاريف داعيه ومصاريف تطوير وفي النهايه باعو عربيتهم ب 10.000 دولار تيجو انتو تبوعهالي 20.000 دولار ليه يعني حاطين رجل على رجل وتكسبوا أكتر من الناس الي بتصنع وتتعب ... طيب الراجل اليباني الي بيبيع عربيتو ب 10.000 دولار دي كسب فيها ممكن 1000 دولار لان 9000 دولار دي سعر تكلفة العربية ... لكن الحكومة عندنا تاخود على العربية 10.000 دولار جمارك بمناسبة أيه عملو ايه ولا صنعو أيه هما .

    وبعدين انتم بتاخدو الجمارك دي من مين الفلوس دي من مين مش من عيالكم ولاد البلد شقى عمرهم وتعبهم ويمكن تمن غربتهم ومرمطيتهم ... ده بدل ما تدونا فلوس أعانة بطالة بتاخدو مننا فلوس .

    ويجيلك واحد يقلك لا اصل لو رفعو الجمارك الناس كلها هتشتري عربيات أحسن حاجه ويطلعو فلوس مصر بره ... وكنوزها ... طيب ماهو في جمارك والناس كده ولا كده بتشتري وبطلع فلوسها بره ... هو في عربية أنتاج محلي محترمة واحنا قلنالكم لأ مش هنشتريها ... واحد تاني يقلك هما حطين الجمارك علشان البانزين ميخلصش ، بنزين ايه الي يخلص بس . الجمرك لا مبرر له .

    ويا أخي يا أخي خدت الجمرك الي انتا عاوزو على الاقل سيب ليا الاوبشن الي في العربية اتهنى بيه ... مش بعد ما اشتري عربية الاقي العربية الخليجي جية فيها وفيها وفيها واتوماتيك وفتحت سقف وجنوط وجي بي ار اس والعربية المصري الي أغلى منها بعشر مرات فيها تكيف وكسيت وبور بس وشبابيكها اوكر ... اوكرررررررررررررر الناس بره بأه عندهم عربيات بتشتغل ببصمت صوت وفيها بلتوث أساسي ووأحنا لسه بنتفح شبابيك عربيتنا بالاوكر علشان الجمارك حراااااااااااام واللهي العظيم حرام .

    فانا نفسي لو عاوزين يخلو الجمارك خلوها اذا فيها مصلحه لمصر انا معرفهاش ... بس على الاقل خلي الاوبشن في العربية من غير جمرك جمركو بس المتور ...على السي سي ولو يعني تكرمتم أرفعو الجمارك عن العربيات الي اقل من 1600 سي سي وخلو الشعب يعيش ويتهنى باليومين الي فضليلنو في حياتو ... وصدقوني حتى مشكلة الموصلات هتتحل مشكلة الزحمة بسبب العربيات المهكعة العطلانة في كل شارع هتتحل ... الناس هترمي عربيتها القديمه بأه وتلاقي عربيات تتكهن لأن خلالالالالالالاص تاريخ صلاحيتها انتهت أنتهت بقالها عشرين سنة ده الفرنساوين بيجو مصر ويستغربو ان العربية البيجو 504 حاطين وحده بس بكل فرنسا بالمتحف واحنا لسه هنا مشغلينها تكوسة وملاكي وأخر حلاوووووووووة وعلشان نحل مشكلة استهلاكها العالي من البنزين قلبنها غاز ياسلالالالالالالالالالام على العبقرية المصرية يا سلام بدل ما نشيلها ونرميها ونكهنها لا نخترع مطور ليها غاز ، طيب ياخويا مدام انتا عبقري كده ومخترع طب متخترعولنا كده عربية جميلة مصرية 50 % حتى وركب عليها متورمستوبيشي لانسر زي ما الصين ما عملت .

    المهم يا عباقرة بلادي ... الاير باج ده مش رفاهيه ... الجي بي ار اس ده مش رفاهية ده ضرورة من ضوروات العربية الجنوط الاسبور دي مش رفاهيه لأنها بتثبت العربية وبتمنع كتير من الحوادث وتقلل من استهلاك البانزين وكفايه كده الواحد يمشي في الشارع يشوف عربيات تفتح النفس مش عربيات مهكعة عطلانة وسد الطريق والعربيات وراها أمم وكل واحد ماشي في الشارع يقعد يزوق فيها شوية .

    أرفعو الجمااااااااااااااااارك حتى لو عن الاوبشن بتاع العربية وخلو الشعب يعيش بأه ...





  2. #2

    الصورة الرمزية me_medoo

    رقم العضوية : 117629

    تاريخ التسجيل : 09Dec2011

    المشاركات : 2,672

    النوع : ذكر

    الاقامة : القاهرة- الشيخ زايد

    السيارة: اكسينت Rb 2012

    السيارة[2]: YARIS

    دراجة بخارية: اسكوتر

    الحالة : me_medoo غير متواجد حالياً

    افتراضي -

    ده حتى التكيف مش رفاهية

    والا مكنوش عملوه ... ده بالعكس أحياناً كتيرة السواق يتخنق من الزحمة والطريق الي واقف والدنيا مولعة وصوت الكلكسات والزمامير ... وعفار ، ويوصل لدرجة من الهيجان والانفعالية الغير مبررة لدرجة لو واحد بس كسر عليه ولا زمرلوا ينزل يتخانق معاه ويموتو بعض والدم ينزل للركب وكل ده علشان التكيف والشمس والحر ملهلبه نفوخه السواق لازم يكون متوفر له جميع سبل الراحة ... علشان يستحمل قرف الشوارع وقرف السواقة ولا ايه رأيكم ياشباب ؟


  3. #3

    الصورة الرمزية toty_305

    رقم العضوية : 109210

    تاريخ التسجيل : 02Aug2011

    المشاركات : 1,315

    النوع : ذكر

    الاقامة : cairo

    السيارة: Hyundai Accent RB-auto

    السيارة[2]: Opel Corsa A

    دراجة بخارية: .

    الحالة : toty_305 غير متواجد حالياً

    افتراضي -

    يوجد الأن جمرك و المبيعات عاليه جدا في جميع الفئات السعريه (لاحظ السيارات فوق 150 الف مغرقه الدنيا عادي يعني ) يبقى يشيل الجمرك ليه هيا الشوارع ناقصه و كل واحد على اده ....ده رأي


  4. #4

    aif

    الصورة الرمزية aif

    رقم العضوية : 3914

    تاريخ التسجيل : 31Dec2007

    المشاركات : 9,343

    النوع : ذكر

    الاقامة : العباسية المنطقة .... مش المستشفى

    السيارة: فيرنا 2007

    السيارة[2]: سيراتو 2011

    دراجة بخارية: مش وش ذلك ههههه

    الحالة : aif غير متواجد حالياً

    افتراضي -

    تقصد الغو الجمارك ... او شيلو الجمارك ..... او خفضوا الجمارك ....... لكن بلاش ارفعو الجمارك الله يكرمك
    خليك دقيق في الالفاظ ....... دول بيتلككو .... ممكن يرفعوها الى الضعف

    يظن الناس بي خيرا وإني ... لأشقى الناس إن لم ترض عني
    ومالي حيــلة إلا رجــائي ... وعفوك إن عفوت وحسن ظني
    محاسب / احمد ابراهيم


  5. #5

    الصورة الرمزية me_medoo

    رقم العضوية : 117629

    تاريخ التسجيل : 09Dec2011

    المشاركات : 2,672

    النوع : ذكر

    الاقامة : القاهرة- الشيخ زايد

    السيارة: اكسينت Rb 2012

    السيارة[2]: YARIS

    دراجة بخارية: اسكوتر

    الحالة : me_medoo غير متواجد حالياً

    افتراضي -

    ياسيدي معاك حق
    بس انا ليه ادفع في حاجه الطاق طاقين ... طيب ماهو الفلوس الي بتاخودها الدولة في الجمارك انا اولى بيها أنا وعيالي .

    انتا عارف حضرتك 150.000 جنيه دي المفروض تركبني عربية bmw 3 موديل 2012

    وهنا في مصر يمكن متجبلكش هونداي فول اوبشن ومتكملش حتى تمن عربية أسكودا ؟؟؟؟؟
    فليه ادفع كتير في حاجة تسوى أقل ؟ هو هنا السؤال ؟


  6. #6

    الصورة الرمزية me_medoo

    رقم العضوية : 117629

    تاريخ التسجيل : 09Dec2011

    المشاركات : 2,672

    النوع : ذكر

    الاقامة : القاهرة- الشيخ زايد

    السيارة: اكسينت Rb 2012

    السيارة[2]: YARIS

    دراجة بخارية: اسكوتر

    الحالة : me_medoo غير متواجد حالياً

    افتراضي -

    اقتباس المشاركة الأصلية كتبت بواسطة aif مشاهدة المشاركة
    تقصد الغو الجمارك ... او شيلو الجمارك ..... او خفضوا الجمارك ....... لكن بلاش ارفعو الجمارك الله يكرمك
    خليك دقيق في الالفاظ ....... دول بيتلككو .... ممكن يرفعوها الى الضعف :o_stupid[1]:
    ههههههههههههههههههه معاك حق لبكره يصدقو ويغلوها ههههههههههههههه


  7. #7

    الصورة الرمزية toty_305

    رقم العضوية : 109210

    تاريخ التسجيل : 02Aug2011

    المشاركات : 1,315

    النوع : ذكر

    الاقامة : cairo

    السيارة: Hyundai Accent RB-auto

    السيارة[2]: Opel Corsa A

    دراجة بخارية: .

    الحالة : toty_305 غير متواجد حالياً

    افتراضي -

    كلامك برده معقول بس هما ممكن يقلل الجمرك و يزود في ضريبه الترخيص و يرفع الدعم عن البنزين بتوع الأقتصاد مش هيغلبوا عشان يجيوا فلوس للدوله من الأخر المواطن هيدفع يعني هيدفع


  8. #8

    الصورة الرمزية tutankhamoun

    رقم العضوية : 2452

    تاريخ التسجيل : 04Oct2007

    المشاركات : 8,022

    النوع : ذكر

    الاقامة : ج ع ع .... للآسف الشديد

    السيارة: Proton Gen2 ...2007

    السيارة[2]: Proton Gen2 ...2007

    دراجة بخارية: لا يوجد

    الحالة : tutankhamoun غير متواجد حالياً

    افتراضي -

    ضد تخفيض الجمارك 100 % على السيارات
    و أحنا مش زي دول الخليج (لا في توفر الطرق الواسعة الفاضية - و لا في عدد السكان و في في توفر البنزين اللي هناك زي المياه بتاعة النيل عندنا )

    100 % مع بناء بنية تحتية للمواصلات العامة (مترو - قطارات - أوتوبيسات محترمة )

    إنما تخفيض جمارك لا و ألف لا (ده رأيي الشخصي )
    في سويسرا الناس بتركب عجل و عندهم العربية حاجة مضرة بالبيئة
    و عادي الناس عايشة و زي الفل
    مش كل بلد ظروفها زي التاني و لازم نعيش زيهم بالظبط

    [img2]http://i59.tinypic.com/2vxpukz.jpg[/img2]


  9. #9

    الصورة الرمزية walidzakzok

    رقم العضوية : 27012

    تاريخ التسجيل : 06Dec2008

    المشاركات : 1,421

    النوع : ذكر

    الاقامة : CAIRO-ABUDHABI

    السيارة: لوجان 2013 اوتو

    السيارة[2]: نصر 128

    دراجة بخارية: هوندااا

    الحالة : walidzakzok غير متواجد حالياً

    افتراضي -

    لا لتخفيض الجمارك نعم لتظبيط الطرق والشوارع...يا راجل هيا البلد مستحملة العربيات اللي فيها اساسا!!!!!

    واخرتها ايه معاكي يا بلد!!!!!!!!!


  10. #10

    الصورة الرمزية hossam_elwani

    رقم العضوية : 13051

    تاريخ التسجيل : 16Jun2008

    المشاركات : 10,009

    النوع : ذكر

    الاقامة : اسكندريه

    السيارة: كروز هاى لاين 2013 بفضل الله

    السيارة[2]: هوندا ثم مرسيدس ثم بيجو 504 ثم نوبيرا 2 ثم نيسان صنى

    دراجة بخارية: no

    الحالة : hossam_elwani غير متواجد حالياً

    افتراضي -

    hasad">

    بس النقطه الفاصله فى الموضوع ده الطرق

    الطرق فى مصر لالالالالالالالالالالالال الالالالالالاتتحمل عربيات بشكل مضاعف لو اتشالت الجمارك حنمشى بلسنتى متر مش بالكيلو متر وده بيحصل فعلا النهارده فى القاهره ولسه الى جى احلى

    لكن لو فيه منظومة طرق تمام يبقى اى اعتبار وحجه تانيه ملهاش اساس من الصحة

    وشكرا



 
صفحة 1 من 9 1 2 3 4 5 6 ... الأخيرةالأخيرة

المواضيع المتشابهه

  1. عاجل للاهميه انا مواطن مصري
    بواسطة hoky في المنتدى المنتــــــدى الاجتمــاعى
    مشاركات: 4
    آخر مشاركة: 21-01-2012, 09:54 PM
  2. حوار مع مواطن مصري أصيل (بلال فضل)
    بواسطة Abdo_Eldesokey في المنتدى المنتــــــدى الاجتمــاعى
    مشاركات: 14
    آخر مشاركة: 13-12-2009, 10:24 PM
  3. ::: دعاء مواطن مصري مطحون :::
    بواسطة Ahmed Selim في المنتدى المنتــــــدى الاجتمــاعى
    مشاركات: 4
    آخر مشاركة: 26-11-2008, 12:46 PM
  4. فضفضه مع مواطن مصري
    بواسطة Islam_galal في المنتدى المنتــــــدى الاجتمــاعى
    مشاركات: 15
    آخر مشاركة: 28-05-2008, 01:48 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2