حد جرب centrum silver +50 adults ؟

**mero100** · 02-01-2012 08:06 PM

والدي 70 سنه و طبعا الذاكره بقت تضعف بصوره ملحوظه و المشي عنده بقي مهزوز جدا
اقترح عليا صيدلي صديقي centrum silver +50 adults و في منه for men بدل adults
حد جربه من الاعضاء ؟
او فيه دكتور صيدلي يفدني عن الدواء لاني جبته لوالدي و لسه مدتهلوش
جبتله +50 adults

**ah-gawad** · 09-01-2012 12:00 AM

انا عندي 36 سنة و مواظب علي ال centrum silver بس للاسف انا مش فاكر هل عليه +50 و لا لأ بس بجد لما جربته هو كده حاجة من الاخر ممتاااااااااااز

**Haitham10** · 09-01-2012 02:36 AM

طب نفهم معاكم طالما لكل الاعمار ومفيد
واسعاره

**ah-gawad** · 09-01-2012 10:32 PM

هي العلبة فيها 120 قرص ب 150 جنيه

**mostafa53** · 15-01-2012 04:57 PM

المشاركة الأصلية كتبت بواسطة mero100

والدي 70 سنه و طبعا الذاكره بقت تضعف بصوره ملحوظه و المشي عنده بقي مهزوز جدا
اقترح عليا صيدلي صديقي centrum silver +50 adults و في منه for men بدل adults
حد جربه من الاعضاء ؟
او فيه دكتور صيدلي يفدني عن الدواء لاني جبته لوالدي و لسه مدتهلوش
جبتله +50 adults

معلش ياعمرو إنت يمكن تزعل من كلامى بس قصدى المصلحة. إنت مستخسر فى أبوك إن طبيب أمراض عصبية يفحصه ويشخص حالته ويديه علاج مظبوط بدل العك اللى انت بتعمله. Centrum ده مجرد فيتامين أيه علاقته بمشكلة والدك. أسف ياعمرو بس إنت نرفزتنى

**mero100** · 28-01-2012 12:11 PM

المشاركة الأصلية كتبت بواسطة mostafa53

معلش ياعمرو إنت يمكن تزعل من كلامى بس قصدى المصلحة. إنت مستخسر فى أبوك إن طبيب أمراض عصبية يفحصه ويشخص حالته ويديه علاج مظبوط بدل العك اللى انت بتعمله. Centrum ده مجرد فيتامين أيه علاقته بمشكلة والدك. أسف ياعمرو بس إنت نرفزتنى

و الله يعني بصراحة لو نصيحتك بالشكل ده .... يبقي متلزمنيش

و محدش جبرك علي الرد و لا تقديم نصيحه ..... دا انت بجد اكتر حد نرفزني من اول ما بقيت عضو هنا .

و ياريتني كنت شفت مشاركتك في وقتها عشان كنت اعرف ارد عليك كويس لانها مشاركه جاهله بتفترض السوء و البخل في الناس .....( حسبي الله و نعم الوكيل ) .

اخواني الاعضاء : توضيح لموقفي و سبب استفساري عن الدواء عشان محدش متسرع يقول عليا اني بخيل و بعك .
انا والدي رافض تماما يروح لأي دكتور مخ و اعصاب ... انا اللي بروح للدكاتره بداله و بشرح حالته بالظبط و باخد معايا كل التقارير و الدكاتره هما اللي بيتفهموا الحاله و بيكتبوا فيتامين b مركب كحقن و حاجات تانيه .

انا من كتر ما بحب والدي : سألت اكتر من صيدلي ثقه ....و قالولي centrum silver +50 ممتاز و طبعا وزاره الصحه مش معتمداه هنا ....و عشان كده بييجي متهرب .... و عشان كده الدكاتره مبتكتبوش عشان المرضي ميقولوش انهم بيكتبوا حاجة مش موجوده في السوق ....

المالتي فيتامين ده مخصوص لأمراض الشيخوخه موجود ععند صيدليه العزبي يا جماعه ب 160 ج العلبه و الحمد لله كان ا.د . طلعت المدني ....رشح الدواء ده لوالدي .... ف كنت بلم معلومات عنه نظرا لعدم تداوله . و الحمد لله الدواء جاب نتيجه ملحوظه بعد 15 يوم من الاستخدام .

اعذروني لعصبيتي بس فعلا نرفزني بشكل غير عادي
انا عمري ما طلعت نرفزتي في مشاركه ابداااااااااا

بعتذر