انا قلت اخويا انت هاتقلب على خالد ليه بس ؟
هوا الراجل الظاهر قالك الجواز هايحرق بما فيه الكفاية ( دم و اعصاب و سعرات حرارية ) فا مفيش داعي يحرق حاجة تاني بالسجاير
عرض للطباعة
انا قلت اخويا انت هاتقلب على خالد ليه بس ؟
هوا الراجل الظاهر قالك الجواز هايحرق بما فيه الكفاية ( دم و اعصاب و سعرات حرارية ) فا مفيش داعي يحرق حاجة تاني بالسجاير
نفهم من كده
إننا ممكن نضرب حجرين بعصفور واحد
يعني
نجوز شنوري .. وبالتالي يبطل السجاير
هو فين شنر صحيح؟؟ مش باين؟؟
4 سجاير فقط النهاردة
هو عز دخل ف تحدي الاقوياء العظماء الفطاحل ؟؟
يبقا كده تمام
عز وخالد .. الإتنين مشفوطين . أول مايبطلوا هيبقلظوا بإذن الله
ماشاء الله بجد عقبال ماخلصت الموضوع كان نصف الناس بتبطل عقبالى ياااارب انا كنت بشرب احمر سنيتن لحد لما كنت خلاص صدرى باظ مش ابطل بقى دلوقتى بشرب ابيض كنت علبتين دلوقتى بشرب حوالى 10 سجاير كل ده بعد لما الواحد فكر انه يخطب يارب الواحد يبطلها
من ساعه اخر مشاركه لياه هنا مشربتش ولا سيجارة داخل ف اليوم التالت اهوة
ههههههههههههههههههههههههه هههههههههههه هى دى المشكله ..واحده فى الاستخبث و محدش هياخد باله ههههههههه
بص انا عشان اضغط على نفسى بعمل الاتى :
1-معرف مصر كلها انى مبطل سجاير ..عشان مشربش ادام حد .هيبقى شكلى وحش بقى :)
2-مبقفش مع حد و يشرب ادامى ..ولا يركب معايا العربيه ..بس عشان مزهقش ..لو واحد بيشرب سيجاره مش بمشى ..بخليه هو يمشى هههههههه
3-جايب سلاكات سنان حاططها فى بؤى :)
4-شاغل نفسى دايما ..عشان مفكرش فى الحوار ..
ربنا يقوينا انا خايف يتقبض عليا بسبب البلطجه دى
ههههههههههههههههههههههههه هههههههههههههه
هموت من الضحك
حلوة الوصايا العشر لتبطيل السجاير دي
والله كلها صح انا فعلا معرف االدنيا كلها اني مبطل علشان محدش يعزم علياه وطبعا ربنا يكفينا شر الصحاب والناس الي مش عايزاك تبطل :d
وبتجنبهم لان فشل اول محاوله كان بسبب احتكاك بناس بتشرب برده التدخين السلبي بيرجع واكتر من الاول كانك بتعوض بالظبط
حلو موضوع سلكات السنان ده والله الواحد يجربه فكرة جميله جدا :d
هنبقا زملا زنزانه واحده شكلها كده
الله ده احنا طلعنا بلديات
لما سمعت الطرشوبي قلت يا منصورة
يا محله الفرع الحزين بتاعه الوحيد الي عندنا عند عمارات الاوقاف ده بس زحمه مبعرفش اركن علي ما اشتري الي انا عايزة كده ممكن اشتريها اغلي بقا صح 5.25 ولا حاجه
هههههههههههههههههههههه
بالرغم من حبي الشديد لكل أنواع و اشكال و طرق التدخين , و لصالح الوطن و المجتمع و الأسرة , و بعد معاناة لمدة 25 يوم من الآلام الشديدة و عدم القدرة على التنفس و عدم الاستطاعة على بذل اي مجهود بسيط نتيجة لقلة الاكسجين في الرئتين و بالتالي في الدم ... قررت منذ الامس صباحا الامتناع تماما عن التدخين و اعتبار السجاير من اعدء الوطن و الطابور الخامس و اللهو الخفي و اعتبار الشيشة من الاصابع الخفية .
بناء على ما تقدم و مع توافر ادلة التدخين في السجاير و الشيشة و البايب و السيجار و الجوزة و البوري و الكنشة تم تقديمهم جميعا للنيابة العسكرية التي قامت بتحويلهم للقضاء العسكري النزيه الذي حكم بالاعدام عليهم جميعا . و كلنا امل في تحسن القدرة على التنفس و الحركة من جديد .
و الله الموفق
3 ايام من غير سجاير و لا شيشة و لا اي نوع من انواع التدخين
دلوقتي بقيت اقدر اخد نفسي شوية الحمدلله
بس لسه شوية على ما الرئتين تتحسن و البلغم يقل شوية
للاسف حالتين بس ماكنتش بشرب فيهم سجاير
اثناء وجود والدى
اثناء النوم
وبما ان والدى اتوفى مافيش حل ادامى ابطل السجاير غير النوم
عاوز منووووووووووووووووووووووو م
يا باشاش انا اقولك على حاجة تخليك تبطل فعلا ...........
انا من 20 يوم خدت دور برد و البلغم قفل الرئتين لدرجة ان تقريبا الاكسجين اللي داخل اقل من احتياج الجسم و بالتالي بقى اي مجهود صغير يخليني انهج و زي ما اكون طلعت 10 ادوار جري و نفسي مقطوع و بكح كحة ناشفة و كنت بحس ان زوري مشقق من كتر الجفاف .... و كمان الكحة مش عايزة بقف خالص و البلغم في زوري و مش قادر اطلعه و لا قادر ابلعه ....
و مفيش دوا عامل اي حاجة معايا و طبعا احساس بالبرد رهيب لأن الدم مش مغذي الخلايا كويس و نايم قدام الدفاية و بروح الشغل مش قادر اتحرك بالرغم من ان شغلي كله حركة و تنطيط و كمان في الهوا و بالتالي بقيت بروح اقعد ساعتين و احس اني بقالي سنة قاعد في المصنع و مش قادر اخد نفسي .....
و لما بروح البيت مش قادر اطلع السلم و بريح بين كل بسطة و التانية .....
الصراحة كارثة لما تكون دي حالتك الصحية و عندك 35 سنة ............ امال لما اوصل 70 هعمل ايه !!!!!
بس الحمدلله بعد 5 ايام تقريبا نفسي اتحسن و حالة الرئتين افضل كتير و البلغم قل بنسبة كبيرة ..
الف سلامه عليك بس باردو انت ماقولتش على الحل كل الناس عارفه اضرار التدخين ايه وانا عارف ايه العلاج وعارف ايه المشكله بس مش عارف اوصل لحل
العلاج هو الرياضه وده احسن حل وافضلهم وانجحهم بس مشكله الرياضه هى الوقت والكسل ياعنى انا دلوقتى شغلى فى وسط البلد وخروجى من الشغل من الساعه 3 وممكن توصل ل 7 بالليل حسب الشغل اللى وراك وانا ساكن فى فيصل والنادى فى المهندسين يبقا كده مافيش غير الاجازه اللى هى جمعه وسبت واللى بتكون كلها مشاوير فالمشكله عندى هى مشكله وقت لو قدرت اوفر 3 او 4 ساعات فى اليوم او كل يومين يبقا انا بطلت تدخين
وانا صغير كنت اسرع واحد فى اصحابى واخواتى وكنت يوميا كوره فى النادى لغايه لما وصت الثانوى يمكن من ساعتها ماشوطش حتى كوره ولا جريت ياعنى داخل فى اكتر من 12 سنه لما حاسس انى لو جريت اولعبت رياضه هازيق :grinder:
10 علب مارلبورو أحمر في الشهر
= 130 جنيه
إلا لو بشرب كحول فممكن الإستهلاك يوصل ل12 او 14 علبة حسب عدد السهرات
افتكرت نكته قط اتسطل وماشي يطوح ويقولك انا اسد
بصراحه مش عايز اضحك ف هكتبها
(انا بضحك)
طيب لو دخان ابيض مع ميه يبقي ايه؟