ايه الموضوع اللى كله دخان ده حد يفتح الشباك وانتم تبطلوا شرب البتاعة دى انا نفسى اشرب بايب على فكرة
عرض للطباعة
ايه الموضوع اللى كله دخان ده حد يفتح الشباك وانتم تبطلوا شرب البتاعة دى انا نفسى اشرب بايب على فكرة
الظاهر كده يا عم فارما فى توارد افكار بينى و بينك ... تصدق بالله كنت عاوز اعمل موضوع امبارح عن المدعوقه ده و كنت ناوى ابطل بعد ما صدرى عامل زى الشخشيخه .... المهم انا بشرب فيسروى ازرق عليه فى اليوم 8.50 يعنى لكشه محترمه فى اخر الشهر و بقالى كده شهر بشرب نوع صينى حقير ليه فله بنى شكله عاجبنى و العلبة بتاعته كويسه لغاية ما جابت اجلى .... بش مشربش فى البيت و حريص جدا ان عيالى ميشوفونيش و انا بدخن ....
زى ما قال شنورى طول ما الواحد صاحى طول ما الولاعه شغاله انا عن نفسى باشرب سجاير من 12 سنه وفى اخر 3 سنين اقل حاجه علبتين فى اليوم ياعنى متوسط 60علبه فى الشهر ومابشربش غير مارلبور احمر ياعنى اكتر من 800ج فى الشهر ويوم ما اختفت من السوق ونزلوا الصينى والحاجات المضروبه اشتريت شيشه ودلوقتى سجاير وشيشه وعندى قناعه انى مش هابطلها مش عارف ليه ياعنى لما علبه سجاير تمنها يوصل ل 14ج من اصل 4 ج خلال 10 سنين ولسه بتشربها يبقا مافيش فايده
حاليا روثمان
ونفسي اشرب علبة يوميا واحدة والتبطيل دة عاوز تغيير كامل لحياة الواحد وفترة بعيد عن الجو الي هو فيه
غالبا من علبه ونص لعلبتين
ولو في اصحاب وعزومات سجاير ممكن اوصل لتلت علب
وعلي فكره بلاش تشربوا الانواع الي مش معروفة لانها فعلا مجهولة ومعدتش علي وزارة الصحة ومتهربه .. والعلبه ب2 جنيه اصلها اي نوع
أحمد
ولا علبة في اليوم
0 ج في اليوم
0 ج ف الشهر
والحمد لله رب العالمين
ربنا يديمها علينا نعمة
وعقبال كل البيشربوا
انا بقالي 10 ساعات مشربش
و ضارب بتاع يجي 10 عسليات ده غير اللب و التوفي و السندوتشات
انا النيكوتين ابتدى يسيطر عليا بس انا هحاول اناضل على قد ما اقدر
ادعولي و النبي
بجد نفسي ابطلها
تعبان منها جداً
يارب يا مسهل
على فكرة انت بتقول كلام مهم جدا .. دى حاجه اسمها الارتباط الشرطى .. ودى عشان معظم ثقافتنا من الاعلام .. اللى ربط لنا بين حاجات كتير فاسدة و صورها بشكل كويس.
يعنى مثلا الاعلام صور ان أى حد بيشرب بايب برنس أو انسان مهم أو ذو منصب .. و العكس صحيح لو كان الاعلام صور لنا اللى بيشرب بايب انه شمام مثلا .. كان كلنا حصل عندنا نفور من الموضوع ده.
زى برضه ان الشنب دليل على الرجولة و اللى بشنب ده معلم أو جدع أو راجل ملو هدومه .. و لو حلق شنبه يقولوا عليه اتخلى عن رجولته .. مع ان الشنب أصلا مأمور بحلقه فى الدين .. و مالوش أى علاقه بالرجولة .. ما الصرصار له شنب :biggrin24:
فياريت بجد نفكر كده قبل ما ناخد فكرة عن حاجه معينة .. الحاجه دى أصلا صح ولا غلط.
أخى الكريم شد انتباهى الاية المذكورة فى توقيع حضرتك وكلمة حضرتك(مش هبطل)
وطرأ على بالى سؤال هل المدخن يدخن فى سبيل الله ولو مات بسبب التأثير السىء لها هيكون موته فى سبيل الله؟
هل تعلم انى اتوقع يوم القيامة جبال من الحسنات سوف اخذها من كل المدخنين الذين مروا بجوارى واذانى دخانهم؟
هل تعلم انى دائما ادعوا كلما مر بى مدخن ان اللهم فعافه او خذه وارحنا من شره؟
لماذا تجهر بتمسك بما يؤذيك فى دينك ودنياك فاحظر ان تضيق فضل الله ففضل الله واسع واعلمنا ربنا انه عند ظن عبده به فاحسن الظن بالله واعلن انك تتمنى التخلص منها عسى الله ان يعافيك
وتقبل تحياتى