الموضوع: مشكلة في علبة الفيوزات اللي في الكبوت

يا ترى المشاكل دي سببها إيه .. والا دي مشكلة زي اللي حصلت مع كريم أبو ليله. أفيدوني أفادكم الله.[/quote]
آسف (كريم أبو ليليه) وليس أحمد أبو ليليه.

المشاركة الأصلية كتبت بواسطة Akram

روح لكهربائي بيفهم و معلش هتتعب و روح للكهربائي اللي في الدقي ,
و عنوانه ميتوهش (بعد منزل كوبري الدقي في إتجاه الأورمان بعد مكتبة سمير و على على اليمين في الناصية) ,
و يا ريت لو تغير الدراع و تحط الأصلي (إذا مكنش فيه مشكلة) ,
و خللّي الجديد إحتياطي , أو لو حد في المنتدى عايزه , فيه قسم اسمه تبادل الهدايا بين الأعضاء
http://www.nilemotors.net/Nile/forumdisplay.php?f=75

و لو هتغير كتاوت انا سمعت ان الكتاوت الجديدة مش أصلي و بتبوظ بسرعة , و فيه كهربائية بتنصح بإنك تجيب إستيراد , ابقى اسأل الكهربائي اللي في الدقي على الموضوع ده.
================================================

================================================

هو اسمه حسام (ابو ليلية) .....

شكراً جزيلاً ليك يا اكرم .. وإن شاء الله فيه كهربائي ناحية قسم عين شمس جسر السويس دلوني عليه اصدقائي دلوقتي هروحله بعد الشغل وقالولي عليه كويس جداً هروح واشوفه هيقدر يعمل ايه

أنا فعلاً مركب الأصلي دلوقتي، وبالنسبة للجديد مفيش مشاكل اني اخليه استبن عندي

مش عارف أعمل ايه في مشكلة الكتاوت دي لو ملقتش الأصلي .. لما اشوف الكهربائي هيقول ايه.

أما بالنسبة للأخ حسام أبو ليليا فهو غني عن التعريف .. لكن أنا كنت أقصد الأخ كريم أبو ليله اللي حصلت معاه مشكلة ضفيرة الكهرباء اللي راح لها التوكيل.

المشاركة الأصلية كتبت بواسطة KarimAbulEla

الاخ العزيز محمد عبد الصمد

فعلا افضل حل هو استشارة كهربائى جيد يكون على دراية بمشاكل كهرباء الدايو لان فى معظم الاحيان بيبقى العيب اللى محيرك يكون يحدث لاخرين و معروف حله و تفضل انت تحل فى حاجات تانية
زى ما حصل معايا و حصل مع اخرين و طالما عرفت مكان كهرباء كويس و مضمون فى اصلاح كهرباء ( الدايو ) يبقى اتكل على الله

بالمناسبة انا اسمى كريم ابو العلا

الأخ الفاضل كريم أبو العلا (عذاراً لأني كتبتها أبو ليله على حسب نطقي ليها بالانجليزي)
أشكرك على ردك الكريم يا كريم

أنا رحت أمس للكهربائي اللي قالولي عليه زملائي .. وقبل ما اروحله عديت على الحرفيين وأنا راجع من الشغل علشان اجيب كتاوت استيراد، وجبتها بس أعتقد اني اتخميت في ثمنها (30 جنيه بعد فصال من 40) .. مطولش عليكو رحت بيها للكهربائي .. الراجل مريح نفسياً وكانت الحلول كالآتي:
1- غير لي الكتاوت اللي انا كنت شاكك فيه انه مضروب (قاللي الكتاوت مفيهوش حاجة وكويس) وحط الاستيراد، وقالي اللي سيح مكانه في العلبة الكتاوت القديم لما باظ، وبالنسبة للجزء السايح دا فمفيهوش مشكلة خالص ومتقلقش منه، على فكرة انا سألت في الحرفيين على علبة الفيوزات عند واحد فقط اللي انا جبت منه الكتاوت وقالي الأسعار 450 مليانه (بالفيوزات والكتاوت) 250 فاضية (من غير فيوزات وكتاوت) أعتقد أنها اشتغاااااااااله جامدة. على حسب كلام الكهربائي.
2- الذراع القديم بتاع الملتي فنكشن شغال وزي الفل (المشكلة كانت في الكتاوت اللي باض) زي ما قلت لك قبل كده.
3- الفيوز بتاع الكلاكس كان بيضرب علشان فردة من فرد الكلاكس بتعمل قفله (أنا كنت لما بضرب كلاكس كنت حاسس أنه مخنوق والنور بيرعش معاه) شال فيشة الفردة البايظة وحطنا الفيوز بتاعه 10 والكلاكس صوته فاق وبقى أفضل بكثير، والنور بطل يرعش، وقاللي انت محتاج تغير الفردة اللي بايظه.
معلش طولت عليكم.

مبروك يا أ/ محمد ,
بس خللي بالك مش كل مشكلة ممكن يحلها الكهربائي ده ,
فيه بعض المشاكل بتحتاج كهربائي يكون عنده أجهزة و إمكانيات ,
زي لو لمبة التشيك نورت يبقى لازم تروح لكهربائي عنده سكانر للدايو ..