مين الناس اللي شغالة في التوكيل اللي دخلت تدافع ؟؟؟ حضرتك تعرفهم ؟؟؟ ياريت تقولنا عليهم علشان إحنا مش عارفينهم !!!!!!!!!!!!!!!!
عرض للطباعة
يا جماعة لاداعى للجدال
كل واحد ليه رائ يحترم وعنده اسبابه الى جعلته مقتنع بالرائ بتاعه - فبلاش الجدال وكلنا هنا بنساعد بعض مش اكثر وربنا يديم المحبة بنا دائماً
ممكن مثال للأسعار دي؟
الاسعار في التوكيل تقريبا طبيعيه ماعدا بعض البنود الغير استهلاكيه
اما البنود الاستهلاكيه تقريبا طبيعيه بالمقارنه بالتوكيلات التانيه
أسعار أي توكيل غالية
و ده مش توكيل بروتون فقط أو توكيل عز العرب فقط (الكلام ده مش دفاع عن عز العرب ) أنا مش شغال معاهم على فكرة
فيه حاجات أسعارها طبيعية (لأنك كمان بتأخد ضمان التركيب ) و فيه حاجات أسعارها عالية قوي .
و أي توكيل هاتلاقي عنده قطع غيار معقولة في السعر و قطع أخرى غالية عن الطبيعي .
اكتر ناس ممكن تعرف الكلام ده اللي بيتعامل مع توكيلات كتيرة .
إنما اللي أغلب تعامله مع محلات قطع غيار و ميكانيكية طبعا ده بيكون صدمة و ده شئ طبيعي أي انسان ممكن يحصله .
إنما عز العرب مش أغلى و مش أرخص من التوكيلات الآخرى .
المشكلة فى اسعار المصنعيات فى التوكيل : حوالى 110 او 120 جنيه فى الساعة !!!!!!!!!
مثلا صيانة 5000 ب 350 جنيه عبارة عن زيت و فلتر ب 35+115 ( زيت معدنى ) = 150 جنيه و الباقى 200 جنيه مصنعية ، يعنى تغيير فلتر زيت ب 200 جنيه !!!!!!!!
صيانة 60 الف : بحوالى 2000 جنيه قطع الغيار بحوالى 1400 و المصنعية حوالى 600 جنيه ( اربع او خمس ساعات)
اكيد مفيش حد ممكن يختلف معايا ان مصنعية الصنايعى 120 جنيه فى الساعة كتير ( هو مش جراح مخ و اعصاب )
فى بعض قطع الغيار اسعارها خرافية زى التيل الامامى : 800 جنيه ( يعنى اغلى من تيل المرسيدس و البى ام )
بس الحمدلله ان القطع الغالية دى مش كتير و باقى القطع اسعارهها زى باقى التوكيلات و انا كانت اغلى شوية