إلى مالكى جراند بونتو..ماهى عيوب ومزايا السيارة؟؟

**Investor** · 26-05-2008 10:27 AM

ماهى عيوب ومزايا السيارة ؟
مثل الثبات .. العفشة .. صوت الموتور .. قوة الآداء .. الصالون (مدى اتساعه، راحة الكراسى، الشكل العام له) .. استهلاك البنزين.. عوامل الأمان.. الكماليات.. أسعار قطع الغيار والصيانة ...إلخ
أرجو ذكر العيوب بموضوعية (مافيش عربية مافيش فيها عيوب).. دون التعصب لها؟
كمان ياريت كل واحد يذكر عربيته عاملة كام كيلومتر ؟؟
وإذا كان عمل أى إصلاحات .. وتكلفة هذه الإصلاحات ؟
مدى ملائمة السعر بالنسبة لإمكانيات السيارة ؟
تقييمه للوكيل ومراكز الخدمة التابعة له ؟
أخيرا إذا اتيح لك قرار الشراء مرة أخرى هل تشترى جراند بونتو أو تفكر فى سيارة أخرى (مع ذكر نوع السيارة الأخرى إذا كانت الأجابة بنعم)؟

**Nistelrooy** · 04-06-2008 12:19 PM

ياريت الاخوة يردوا : )

**fahd_628** · 04-06-2008 01:43 PM

بص يا باشا العربية ممتازة جدا جدا من ناحية الكماليات و الأمان ( 2 ايرباج و يقال انهم زودوهم بقو 4 و Abs و Ebd ) و الثبات كويس جدا و الصالون وسعة جيد جدا و شكلة تحفة و التقفيل و الخامات ممتازين

المشكلة فيها الموتور 1400 سى سى 77 حصان و دية نقطة ضعف فيها لو انت بتحب الجرى و الكلام دة ! + ان التوكيل مش 100 100 حسب ما اسمع !

**Dr.A.Nabil** · 06-06-2008 12:30 AM

انا عندي بونتو العاديه 2003

ممتااااازه...

واعرف واحد عنده جراند بونتو... كان راكب قبليها جولف موديل 2000

بيشكر في الجران بونتو اكتر من الجولف

ركبت معاه مره..

وب 140 كم في الساعه... وكنت حاسس انه ماشي على 80..

عفشه مريحه..
قطع غيار : معندش فكره اوي... بس اكيد زي عندي مش غاليه.

الصالون بتاعها حلو...

الكيييف... احسن من عندي
بس ماشتوش في الحراره العاليه في عز الشمس والحر..

التابلوه شيك وجميل..

الباور غير عادي... وهمي

السحب بتعاها مش عالي قوي..

بس زي ما قال اخونا قهد...

اوماترا اللي هو التوكيل.:... تقييمه تحت الصفر