المشاركة الأصلية كتبت بواسطة hossam_elwani
عايزين تفاعل اكتر فى الموضوع ده لانه مهم جداا لى ولاى شخص مقبل على الشراء؟؟
لان فى الغالب النتيجه هيا الى حتحسم اختيارى
وانا فى رأيى التوكيل ملوش لازمه لانه فى اغلب الاحوال (ولا اعمم ) لايتحمل اى اصلاح على حسابه ودايما يلف ويدور لتحميل مالك السيارة تكلفة اى مشكلة بتحصل فى فترة الضمان
الكلام دة مش مظبوط اطلاقا او على الاقل لم يحدث معى او مع كل مالكى البروتون (عز العرب) ومعروف انة مش من افضل التوكيلات الموجودة اى عيب صناعة بيتكفل بية الوكيل وبدون اى تبرير ايا كان وعن تجربة شخصية اكتر من مرة
الضمان اهم حاجة فى العربية
نصيحة : العربية اللى من غير ضمان زى البطيخة بالظبط يا تطلع مفيهاش مشاكل يا عيب صناعة واحد بس يخليك تلف حوالين نفسك وتدفع اللى وراك واللي قدامك والمنتدى مليان بالقصص دى
متزعلش منى بس انا دايما بقتنع ان اللى بيقول ان الضمان وهمى ومش عارف اية دايما يا بيبقى عايز يبرر لنفسة او يوفر فلوس علشان يستفيد بيهم فى عربية تانية مواصفات اعلى بدون ضمان
ناهيك عن حضور كل الصيانات ودفع مبالغ كبيره فى كل زيارة للصيانه...... وممكن تتعمل بشكل دورى فى اى مركز خدمه احترافى بنص التمن