الموضوع: تقييم سيفيك الجيل التامن ما لها وما عليها

المشاركة الأصلية كتبت بواسطة yalahwy2010

كلامك والله بيحببنى فى العربية......واللى مخلينى مقتنع بيه انك كنت راكب باسات
انا كان معايا ميجان فالمقارنة هى اللى بتخلينى أقول الملاحظات اللى قولتها
هو صحيح بالنسبة لوصلة ال usb ....هى بتركب فى التوكيل؟؟؟؟..........وبكام؟؟؟
وبالنسبة للسماعات ......هو لو انا اشتريت بايونير........مش تبقى أحسن وأوفر؟؟؟؟
بالنسبة للمساعدين......أنا احتمال اركب الصدادات اللى سمسم قال عليها فى موضوع تعلية الهوندا.........بحيث لو العربية شالت عدد وقابلت مطب وحش....ماتحكش
وهى بقالها معايا شهرين......حكيت مرتين بس
ربنا يسترها...والف شكر على الرد

بص حضرتك انا بفضل تجيب سماعات التوكيل الا لو حضرتك شوفت البايونير راكبه على نفس الكاسيت و عجبتك بس خلي بالك من المضروب
بالنسبه لكابل الusb حضرتك اسأل عليه في التوكيل و كان استاذ هيثم جايبه من الحرفيين بس مش فاكر بكام ولو عايز تجيب من الاخر هاتلك DVD فلاي اوديو عامل في حدود 4500 صوته احسن من الاصلى و فيه اكولايزر و بلوتوث و كاميرا و USB و جى بي اس و شكله تحفه عشان بييجي بربع التابلوه الاصلي بتاع العربيه

المشاركة الأصلية كتبت بواسطة semsem kane

تقرير ممتاز جدا ياباشا وموضوع

الفضل يرجع لحضرتك ياما استفدت من تقاريرك او ردودك و اتمنى تكون سعيد في حياتك الجديده

المشاركة الأصلية كتبت بواسطة HISHAM80

تقرير تحفه بس حضرتك نسيت الكراسي الجلد وفرش الباب حلويين جدا وكفايه ان سيفيك العربيه الوحيده الي ملهاش اعطال جسيمه زي العربييات التانيه بس مشكلتها الوحيده انها واطيه شويه خصوصا في المطبات الي عملينها الاهالي هيا نفس ارتفاع عربييات تانيه زي كورولا بس مش نفس ارتفاع أوبل أو أوكتافيا

للاسف انا معاي الفئه اللي من غير جلد طبيعي عشان تفرق 10000 جنيه و قلت ابقى اعمله عموله بس لقيت واحد نصحني ان الفرش التركيب بيضيع احساس النعومه و الاحتواء و خصوصا لفقرات الظهر فكبرت دماغي
و فعلا العربيه مقارنة بالجديد تعتبر بدون مشاكل جوهريه و متوازنه في كل العناصر يعني مثلا هتلاقي معظم ال 1600 في بلدنا بينزل بره 1800 فما فوق فهتلاقي الاوروبي بط بلدي في السحب فتلقى عربيه قمه في الفخامه زي الاوكتافيا سحبها ضعيف او عربيات بتجري بس بدون ثبات او امان زي الكوري
وعربيات طلقه و فخامه و امان بس للاسف الفتيس غير ملائم للزحام و درجات الحراره العاليه
زي VW TSI
واقل حاجه الواحد ينقل عليها ترضيه BMW 320i بضعف تمن السيفيك VTI

كلامك مظبوط 100 %

يا جماعه استفسار بسيط

انا فى حد صاحبى قالى ان السيفك 2009 و 2010 نزلت اعلى من اللى قبلها 2007 و 2008 فالكلام دا صح ولا اية

هوا بيقول ان من 2008 العجل اكبر واعلا و بالتالى العربية عليت اكتر عن الارض
انا اللى انا كنت متخيلة ان الاثنين جنوط 16 و مفيش فرق
ياريت لو حد عند فكرة يقولى

تقرير جميل و منظم، انا العربيه معايا ما شفتش منها غير كل خير و هي في الحقيقه عربيه من احلي العربيات اللي الواحد ساقها في حياته .