إستشارة قانونية في عربية متباعة بتوكيل

**A.Saad** · 03-01-2012 09:50 PM

انت لو مش عامل عقد ابتدائى كلمة واحدة تتقال اخبطوا دماغكم لان بوفاة وكيلك الى هو ابو الواد الامور ده يبقى التوكيل انتهى قانونا لكن لو عامل عقد يبقى اتباعت ليهم وهما اللى ينقلوا ملكية على فكرة حتى لو جالك امين شرطة او ابراهيم شرطة مترحش معاه الا لو معاه امر ضبط واحضار من النيابة اللى فيها محل اقامتك ومدته سارية لكن استدعاء لقسم او نيابة مش شرط اجبارى تروح ويفضل مترحش وتبعت محامى علشان محدش يقرفك لاى سبب او يقولك تباب للعرض على التيابى

**احمد المصرى** · 04-01-2012 08:47 AM

العربيه كدا ممكن تكون عامله مشكله لان نيتهم مش سليمه اطلاقا ولو انت عملت توكيل جديد يبق العربيه كانت بتاعتك مده السنه ال انت بعتها فيها وثانيا ممكن يقولك انت بايع العربيه مرتين يعنى فى كل الاحوال غلط عليك لو الناس دى عملت مشكله تانى اعملهم محضر فى القسم علشان تريح بالك من المشكله دى خالص

**Hussein_Emara** · 04-01-2012 11:25 AM

الف شكر لحضراتكم على الاهتمام, بعد مشورتكم و مشورة المعارف, انا حعتبر الكلام ده كأنه محصلش و مش حروح استلم الانذار, و لو الناس دي ظهرت تاني حيبقى قدامي حل من اتنين, يا اما اروح اثبت الكلام في محضر في القسم او لو كلموني استخدم تهديد انهم يرجعوا العربية بدل ما اتهمهم بسرقتها, يمكن التهديد ده يخليهم يراجعوا نفسهم.

الله يرحمه الحاج الي اشترى مني العربية كان راجل محترم.

**Hussein_Emara** · 10-01-2012 01:56 PM

اخر الاخبار, البيه عملي محضر في القسم اني رافض اني اسجل العربية باسمه و جالي استدعاء على القسم بخصوص المحضر ده

رُحت القسم اشوف فيه إيه, لقيته عاملي محضر اداري ان رافض اتعاون مع الورثة في نقل ملكية العربية بشكل ودي, قعدت مع امين الشرطة الي ماسك المحاضر هناك, كان راجل كبير في السن, بيقولي ليه كده, حكيتله الحكاية كلها, و الحركات الي الولد عملها, قالي انت عملت طيب انك مسمعتش كلامه, و ثبت الكلام ده ف المحضر الي هو عملهولي.
الامين قالي اني ممكن اعمل توكيل بالبيع للورثه نتيجة سقوط التوكيل بوفاة الاب, و ده مفيهوش ضرر عليا, و قالي ممكن تسأل الموظف في الشهر العقاري عشان لبقى مطمئن, و بكده تبقى مطمن ان الولد متكتف و ميعملش حركات نص كم في اهلة و ابقى رضيت ضميري.

انا مش عايز من الناس دي حاجة لا ابيض و لا اسود, كل الي عايزه انهم يحلوا عن دماغي, إيه رأي حضارتكم, اكمل كده صح ولا فيه حاجة غلط؟

**Amr Axel** · 10-01-2012 02:02 PM

المشاركة الأصلية كتبت بواسطة hussein_emara

اخر الاخبار, البيه عملي محضر في القسم اني رافض اني اسجل العربية باسمه و جالي استدعاء على القسم بخصوص المحضر ده

رُحت القسم اشوف فيه إيه, لقيته عاملي محضر اداري ان رافض اتعاون مع الورثة في نقل ملكية العربية بشكل ودي, قعدت مع امين الشرطة الي ماسك المحاضر هناك, كان راجل كبير في السن, بيقولي ليه كده, حكيتله الحكاية كلها, و الحركات الي الولد عملها, قالي انت عملت طيب انك مسمعتش كلامه, و ثبت الكلام ده ف المحضر الي هو عملهولي.
الامين قالي اني ممكن اعمل توكيل بالبيع للورثه نتيجة سقوط التوكيل بوفاة الاب, و ده مفيهوش ضرر عليا, و قالي ممكن تسأل الموظف في الشهر العقاري عشان لبقى مطمئن, و بكده تبقى مطمن ان الولد متكتف و ميعملش حركات نص كم في اهلة و ابقى رضيت ضميري.

انا مش عايز من الناس دي حاجة لا ابيض و لا اسود, كل الي عايزه انهم يحلوا عن دماغي, إيه رأي حضارتكم, اكمل كده صح ولا فيه حاجة غلط؟

زي مقولتلك محضر و كده تمام تروح بقي للشهر العقاري و تفهم و تحكي اللي حصل بس بدون ذكر بيانات احكي اللي حصل و شوف الرد و الاجراءات لأنهم برده ادري بشغلهم

بالتوفيق ان شاء الله

**Hussein_Emara** · 10-01-2012 02:21 PM

المشاركة الأصلية كتبت بواسطة axel

زي مقولتلك محضر و كده تمام تروح بقي للشهر العقاري و تفهم و تحكي اللي حصل بس بدون ذكر بيانات احكي اللي حصل و شوف الرد و الاجراءات لأنهم برده ادري بشغلهم

بالتوفيق ان شاء الله

الف الف شكر يا متر, ربنا يكرمك, و بالتوفيق ان شاء الله في الليسانس.

**Hussein_Emara** · 10-01-2012 02:31 PM

المشاركة الأصلية كتبت بواسطة mr_sameh

انا هقولك الخلاصه طبعا اللي بيعملوه ده من باب الضغط عليك المحضر والانذار ليس لهم قيمه
المحضر هيتم حفظه في خلال شهر بالكتير وترجع عليه ببلاغ كاذب
بلاش تعمل توكيل تاني بالبيع لانك كده هتحط نفسك في مشكلة بيع العربيه لاكتر من مره وممكن يعملك محضر نصب
هما مارديوش يحطوا العربيه في محضر حصر التركه علشان ينقلوها من بره بره وكده هما واقعين في تزوير
بلاش تعمل توكيل تاني وده شانهم

انا بحاول اني اخلص من الفيلم ده, و انا كده اثبت في المحضر ان كل حاجة بناءً على طلبهم.
انا بس عامل خاطر للراجل الطيب الى انا اتعملت معاه, الله يرحمه.
انا حسأل في الشهر العقاري زي ما الزميل اكسل قال, لو فيها اي مشكلة يبقى يحلوا مشاكلهم بعيد عني.

**Hussein_Emara** · 10-01-2012 09:56 PM

انا جه في دماغي فكرة غريبة شوية

الواد ده انا معرفوش, و اصلا مش مرتاحله بسبب الكلام الي حصل من الاول, إيه الي يضمن انه مباعش العربية اصلا و عامل الفيلم ده كله نصباية من اي نوع, ابتزاز بقى و لا سرقة, مفهمش في الحاجات دي قوي. و اجي انا زي الشاطر اعمل توكيل تاني للورثة و ابقى بتصرف فيما لا املك. هل ده وارد ولا انا الي الهلاوس عندي عليت؟
انا مش مطمئن خالص للموضوع, بس عايز اخلص من الوش الي عملينهولي, مش كل كام يوم اسيب شغلي عشان اروح القسم مرة و المحكمة مرة.
فعلا محتار جدا.

-

الموضوع: إستشارة قانونية في عربية متباعة بتوكيل

LinkBack

أدوات الموضوع

عرض

-

-

-

-

-

-

-

-

المواضيع المتشابهه

استشارة قانونية

استشارة قانونية

قوانين الزواج المصرى .. إستشارة قانونية

لية موديلات الاسبيرنزا متباعة مستعملة كتيير

هل من الممكن اشتري عربيه بتوكيل من صاحبها وهوايضا شريها بتوكيل برضو

الكلمات الدلالية لهذا الموضوع

المفضلات

المفضلات

ضوابط المشاركة