-
مرور النزهة
انا كنت باجدد رخصة السيارة النهاردة و كان المرور التابعة له السيارة قديما مرور مصر الجديدة
النهارده لما روحت قالوا لى ان مرور النزهة اشتغل و عنوانى بالبطاقة يتبع هذا المرور
انا قلت فى عقل بالى ان النهارده كله ضاع و مش حالحق اخلص الرخصة و محتاجة يوم ثانى
المهم انا كنت فى مرور مصر الجديدة الساعة التاسعة صباحا و اخذت شهاد المخالفات و خلصت التأمين و اشتريت الورق و طفاية حريق جديدة و طلعت بيهم على النزهة و فوجئت بالنظافة و الذوق فى التعامل لابعد الحدود كذلك صالة الاالتعامل مع الجمهور بها 2 كودلدير ماء و سجاد مفروش على الارض و ورورد صناعية و تليفزيون و مرواح و حمامات ممتازة
بالاضافة الى الموظفين الموجودين هناك فى قمة الذوق + مدير الوحدة رائد / خالد عمارة فى منتهى الذوق و البشاشة مع كل الناس
المهم انا خلصت الفحص و الورق و تسليم اللوحات و استلام اللوحات الجديدة و كنت خارج من المرور الساعة 12 ( يعنى من ساعة دخولى مرور مصر الجديدة لغاية خروجى من مرور النزهة ثلاث ساعات فقط )
يا رب الحالة دى تبقى موجودة على طول و تنتشر هذه العدوى لبقى وحدات التراخيص
-
-
لو انت عارف مترو النزهة اللى بيودى مساكن شيراتون عند اخره تلف يمين تلاقيه على طول
او لو انت ماشى فى الدائرى من ناحية كالتكس لغاية ما توصل محطة موبيل اللى على الاوتوستراد هو فى ظهرها على طول
-
الله يبشرك بالخير يا أستاذ إيهاب
والله أنا كنت باحمل هم يوم المرور المقرف بتاع مصر الجديدة ده
شكرا مرة أخرى
-
ماشاء الله ياريت كل وحدات المرور تبقى بالمستوى الجميل ده
من شهرين كده جددت رخصه القياده الخاصه و بصراحه ماعرفتش اتقدم خطوه واحده فى الأجراءات
إلا انتى كلمت واحد معرفه فى المرور هو اللى خلصهالى و برضه اتأخرت
بس لازم نعذر الموظفين هناك لأن فيه كميه بشر و ناس غريبه و مزعجين
غير برضه اللى داخلين جوه المكاتب بواسطه و عايزين يخلصوا ورقهم الأول
فالموظف مش ملاحق على البشريه اللاى على الشباك ولا الوسايط و المعارف
بس حلها يبقى فيه تنظيم اكتر و موظفين اكتر
-
ربنا ييسر لكم الامور ان شاء الله
ملحوظة : انا كنت رايح من غير واسطة و لا توصية و الحمد لله خلصت الرخصة
انا صورت كام صورة من داخل الوحدة ان شاء الله ابقى انزلهم لكم
-
عقبال مصر كلها, قولوا معايا اميــــــــــــــــــــــ ــــــــــــــن
-
أجاركم الله على مرور بين السرايات أعوذ بالله ! أنا عانيت هناك تماما كان معايا تصريح ينتهى كل 3 شهور الحمد لله ربنا تاب علينا و بقى معانا رخصة 3 سنين :D
-
مين فين دة في مصر دة؟؟! صحيح انا شفت المراوح والتلفزيونات في مرور مدينة نصر بس الباقي دة اول مرة اسمع عنه!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!
-
السلام عليكم
يا جماعة دا علشان لسه جديد و مابقاش عليه زحمه إتفرجوا عليه بعد سنة ولا إتنين حيبقى عامل إزاى :(
Content Relevant URLs by
vBSEO 3.6.0 PL2