الموضوع: الى كل خبراء اللانوس

السلام عليكم و رحمة الله و بركاته
اخوانى فى المنتدى
انا عندى عربية لانوس2005 لسه اول عربية ليا بقلها معايا اقل من ستة اشهر
و لعدم خبرتى بالسيارات و الصيانه تم تغيير فلتر الزيت و البنزين و سير الكاتين و الدينمو و تيل امامي
و تم تغيير الزيت و كانت العربية عامله حوالى 82000كم وتم تغيير زيت بنوع موبيل 5000
* السؤال ( معلش هاكتر عليكو شوية بس اخوكو عديم الخبرة فى هذا المجال و الموضوعات ده كلها قلقاني اوى و خصوصا انا معرفش ميكانيكي كويس و ان الميكانيكى اللى انا رحتله حسيت انه بشتغلنى اوى)
اولا : و قبل ما اصل الى 88000كم قولت اغير الزيت المهم بدل ما ادخل بنزينة موبيل دخلت بالغلط بنزينة التعاون و اتحرجت اخرج من البنزينة من غير ما اغير الزيت لما اكتشفت انى دخل غلط(السؤال) هل زيت التعاون هايخربلى الموتور ولا ايه النظام و على فكرة انا غيرت زيت ابو جركن اصفر بسعر 99ج للجركن
ثانيا : من حوالى ثلاث اسابيع حدث معى موقف غريب اوى هو ان لمبة check نورت عندى فى العربية وطبعا علشان انا شخصية قلوق جداً سألت و رحت لكهربائي و كشف ع الكمبيوتر وقالى ان بوابة البنزين هى اللى مديه الاشارة ده وانه ظبط الموضوع و اخد فى وشه 30ج ( واللى اكدلى انه بكلم صح هو انى كنت مفول و التفويله خلصت بمعدل 140ك للصفيحة البنزين) و هو بعد الموضوع ده اصبح استهلاك السيارة بمعدل 180كم لصفيحة البنزين بعدل ما كان قبل مشكلة الcheck ده كانت الصفيحة بتعمل حوالى 230كم( السؤال هل فى مشكله تانية هى السبب فى ارتفاع معدل استهلاك البنزين بالشكل ده؟)
ثالثا : انا دى الوقت بلاحظ ان مؤشر البنزين بينزل بمعدل 2لتر لما بشغل العربية الصبح _السؤال هل يوجد مشكله فى العربية عندى فى موضوع البنزين ده ولا انا اللى بتوهم؟
رابعا : منذ حوالى اسبوعين لوحظ وجود اثار زيت فى الدواسه بتاعت العربية مش عارف هو جاى منين بس بيتهيئلى انه جاي من عند دواسة البنزين حد يعرف ايه المشكله؟
خامسا : منذ فترة حوالى شهر لوحظ ارتفاع صوت الموتور واظن انه من ناحية السيور (كاتينة او دينامو مش عارف) بس انا لسه مغير السيور و على فكرة العربية دى الوقت عامله 92500كم
هل اغير السيور ام الموضوع محتاج تظبيط
افيدونى افادكم الله
معلش سؤال اخير _ حد يعرف مركز صيانه دايو لانوس يكون مضمون ومش حراق اوى علشان انا بصراحة حطيت كل اللى معايا فى العربية ده و ممعايش ولا مليم الا المرتب (انا ساكن فى القلعة)
وتفضلوا جميعا بوافر التقدير

[bor=#00ffdd]

المشاركة الأصلية كتبت بواسطة mmamdouh

ياريت تنقل انطباعك عن الميكانيكى دة لانى بعدى من عندة كتير و بشوف عربيات دايو كتير قدامة فا واضح ان بيجيلة شغل كتير بس للاسف مش عارف هو ايه نظامة

mmamdouh

[/bor]
و الله يا استاذ ممدوح انا شايف انه كويس نسبيا وخصوصا لما رحتله تانى علشان مشكله الباور هو ظبطهالى معرفش عمل ايه (بس انا حاسس بردك ان الباور لسه تقيل شويه) هو جاب كلابه و نزل تحت الدركسيون وتقريبا فك مسمار أو قرط عليه مش عارف بس الباور بعدها فك التقل شويه
المهم انى حاسس انه فاهم كويس بيعمل ايه _بس بالنسبة للمصنعية معرفش هي كده كتير ولا مظبوطه مش عارف