الموضوع: الشكوى ليك يارب ؟ معاكسات التيلفون

من قيمت كام سنة قررت أني أزود دخلي وأفتح مطعم علشان زيادة دخل جمب الوظيفة لأن مصاريف تقلت علي وبقت تكسر الظهر وتقطم الوسط .. وأهي حاجه في الحلال ... أحسن ما أمد أيدي لأي حد أو أكول حاجة حرام وأكل عيال حرام .

المهم ربنا كرمني وفتحت مطعم ولأني براعي ربنا وبشتغل بزمة وضمير ربنا كرمني فيه أخر كرم وقررت أتوسع .. ومن هنا بدئت المشاكل .


كان من ساعتها بدء تجيلي اتصالات ومحدش يرد اتصالات ومحدش يرد بشكل غبي ... يعني خمسين مره في اليوم ، المهم لحد ما مره أتكلمت وقلتلو عاوز أيه وانا عملتلك ايه وانت مين قالي شوية كلام عبيط بشكل مسج والي فهمتو منو أنو مش عاوزني أتوسع لأني كده باخود منو رزقو وزبينو .قمت بعتلو مسج وقلتلو يا أخي الرزق ده بتاع ربنا والسايغ جمب السايغ والارزاق على الله .

بس باين عليه مقتنعش بل بالعكس زادت اتصالاتو .
ومسجاتو المهم رحت منزل على موبايلي برنامج لحجب المكالمات ... قام الاخ أستلم تيلفون المحل الاربع تيلفونات ومن ساعت من نفتح لغاية منسك وهو بيقعد يرن ... وعملي حاجه لطيفه خالص انو موتلي الدلفري عندي خالص وقضى عليه والزباين الي دخله المحل تقول أأأأأأأأأأأأأأه مانتو ربنا كرمكم بقيتو تستكبرو تردو على التيلفون ههههههههههههه وتعبرو الناس الي بتحبكم وبتتصل بيكم .

المهم اتصلت على شركة اتصالات قلتلهم ياجماعه ساعدوني قلك عفواً منقدرش نساعدك روح لمباحث التيلفونات يا فندم وأعمل محضر واحنا نجبلك بينات الخط .سعداء بخدمت حضرتك يافندم في اتصالات ههههههههههه

المهم رحت زي ما قالي على مباحث التيلفونات الي لا بتهش ولا بتنش ... ورحت وريت الراجل هناك المسجات وكميت الاتصالات ، الراجل الحقيقه ذوهل قالي ده واحد قاعد ليل نهار فاضيلك ... المهم عملي محضر ورحت لغيتو كمان بخمسيناية كده علشان يهتم .

وسئلتو هياخد وقت الموضوع قالي لا بالكتير يوم يومين وانا اجبلك قرارو قلت حلووو ... بعد يومين اروحلو يقولي لسه لسه لسه المهم بعد اسبوعين قالي هتروح لنيابه في الحته الفلانية وتسئل المحضر وصل ولا لسه ... وفعلا بعد اسبوع رحت على النيابه قالولي لأ انت تروح لقسم الشرطة التابع ليه وقولوا مبعتوش المحضر ليه فقمت رايح على القسم ، في القسم قالي لا روح عند استاذ فلان رئيس القلم وقلو دور كويس احنا بعتنالك المحضر ... رحت عندو قالي والله العظيم موصليش حاجه المهم بعد ثلاث شهور طلعت على رئيس النيابة قلتلو الموضوع كذا كذا كذا سبحان الله وفعلا ظهر المحضر أخيراً ..


والراجل الي بيتصل زي ماهو لا مل ولا كل ليل ونهار ... المهم قالي بتاع النيابه بتاعتنا احنا هنبعت المحضر لنيابه تانية في الجيزة في الدور السابع مش عارف تقريباً مكتب المدعي العام حاجه زي كده ... وروح بعد 10 أيام كده اسئل عليه ... وفعلاً بقيت كل يوم وكل أسبوع رايح جي جي رايح . لأن المحضر تم حفظوو فكانت النيابه عوزه المحضر يطلع تاني وطلع المحضر وراح لنيابتي وبعدين نيابتي راحت حولت المحضر كمان لنيابة الجيزة الدور السابع برضوو بس عند موظف تاني المهم المهم في الاخرررررررررررررررررررر بعد مرور سنة .

قالي خلاص احنا بعتنا خبر لشركة اتصالات انها تجبلينا بينات الخط ده . هههههههههههههه أخيرااااااااااااااااااااا اااااااً


المهم ادوني رقم أمين شرطة أمين الشرطه قالي هيا الشركة في التجمع الخامس وبروحلهم كل يوم سبت تعالي السبت الي بعدو نروح سوى (كان عاوز واحد يوصلو الاخ ) .

المهم وفضلنا شهور وشهور وشهور وشهور ان شركة اتصالات تبعت خبر قمت رايحلهم لقسم الشؤون القانونية ... وكان سعتها الثورة قامت والبلد اتبهدلت قام قالي يابيه أصل في حوادث خطف وتهديد وعندنا قواضي كتير أهم من معاكسات بتاعت حضرتك والعملية بتاخود وقت ... قلتلو وقت لأيه بالضبط علشان تجيب بينات خط بينات خط على الكمبيوتر كل الي هتعملو تضغط برينت والكمبيوتر يطبع لوحدووو .

المهم الدلفري مات عندي والناس مبقتش تيجي المحل عندي خالص لأني أهملت محلي وأكل عيشي وبقيت أجري ورة الاتصالات الي وصلت كل يوم 105 اتصال على الموبايل الواحد معاكسات في اربع موبايلات 440 اتصال في اليوم .


وعلى مسجات شتيمة وقلت أدب ... المهم قامت الثورة كملت كمان علينا والناس قعدت في بيوتها وقام العمال كمان بيطالبو بزيادة مرتبات فقمت قفلت المطعم خالص .

وكل ده وشركة اتصالات بتقولي سعداء بخدمت حضرتك يا فندم في أتصالات ... واتخرب بيتي . ولسه محدش جبلي بينات الخط

المهم رميت رقم تيلفوني في الزبالة ... وجبت خط جديد لدرجة حصل عندنا حالت وفاه مفيش واحد عرف بالوفاة ولا في حد جه عزا لأن محدش يعرف حتى رقمي الجديد وكان حاجة تحزن .

وجبت رقم تاني ... جديد بس سبحان الله ازاي كمان اتعرف رقم متعرفش ده بيدي ده رقمي وعلى ده الحال ...

ورجع اخينا يتصل بس قلت اتصالاتو يعني بمعدل كل ساعة اتصال لغياة صلاة الفجر ويبدء تاني يوم الساعه 12 الظهر لغاية ما ربنا ألهمني بفكرت الكول فيلتر الاي عملها اتصالات .. وفعلاً عملتها واتمنعت الاتصالات خالص ... راح اخينا اشترى خط جديد ... رحت ضايفو كمان لخدمت الكول فيلتر ... فراح العبقري عمل ايه بأه يبعت مسجات بليزززززززززززز كول مي كل شويه وكل ثانية وكل لحظه ويتصل على خدمت الشباك الي هيا مكالمة على حساب المستخدم . كل شوي

وكل ما أجي أكلم شركة اتصالات يقولي سعداء بخدمة حضرتك يا فندم بس مع الاسف انا مفيش في أديا حاجه بس ممكن ألغيلك خدمت الرسائل دي خالص من موبايلك لا تبعت ولا تستقبل ... هههههههههههه قلتلو طيب ما تلغي لي الخط بالمره كمان ..

طيب انا الموقف ده حصلي وانا رجل طيب ما بال لوحصل لأخت حضرتك ولا المدام بتاعت حضرتك هتعمل سعادتك أيه ... قبل ما تجوبني فكر شوية أختك ولا مراتك حبيبتك بيكلمها واحد حقير كل ثانيه غلاسة ومسجات قلة أدب هتعمل معاه أيه هترمي الخط بتاعها ... ماشي واشتريت خط جديد وحصل نفس الحكاية برضو هتعمل ايه ؟؟؟؟؟؟؟؟

دي مصيبه وكرثة ... الموضوع متحركش غير لمن وكيل نيابة اتعرض لسخافات ومعاكسات وراح يطلع بينات الخط بسلطتو راح ملقاش بينات وصعد الموضوع للصحافه والمسئولين وبعدين الموضوع نام بل ماااااااااات ، والخطوط الجديدة بس هيا الي بتتسجل برقم البطاقة واسم جدك من ناحية الام لكن الخطوط القديمه شغاله الله ينور من غير لا صاحب ولا رقيب ولا حسيب ... حتى اني بكلم واحد ضابط صحبي في قسم النجده قالي يووووووه تعاله شوف المسخرة الي عندنا كل شوية واحد يتصل يقول ألحقوني انا مولع انا حران حد يجي يطفيني هههههههه والي يتصل عليهم بالليل الحقوني انا في الشارع الفلاني حد يبعتلي عربية أتاري بسرعه ويطلع عيل -------- بيدلع وبيهزر .

والي يتصل علينا ويقول ألووو النجد أيوه يافندم أأمر ... يقوم يرد عليه الله يخليك أبعتلي واحد فول وأربعة طعمية هههههههههه .

المشكلة عندنا بنستخدم التكونلوجيا استخدام خاطئ ... وبنسخرها في السخفات وقلة الادب فأيه رأيكم أعمل أيه في بلد مفهاش قانون ولا حفظ حقوق الناس وشركة بتداري على عملائها وكل همها خط شغال وكروت بتتشحن بس ومش فالحين غير يقولولك سعداء بخدمت حضرت يا فندم وانا أسف جداً مفيش في اديا حاجه قدر أساعد فيها حضرتك ... جرب كده اتصل على 333 واطل منهم اي حاجه او لو عندك مشكلة وأتحداك أنو يحلهالك كل الي هيقولهولك انا هقدم لحضرتك طلب وفي خلال 48 ساعة هنرد على حضرتك ونفضلك ... وانا بكرر اعتذاري مفيش في اديا حاجه مفيش في اديا حاجه مفيش في اديا حاجة وهما دول خدمة العملاء الي مبيخدموش خالص وسعداء بخدمة حضرتك يافندم شكراً بأتصالك باتصالات .

اسف للأطالة : ياريت لو حد عندوحل لمشكلتي ويقدر يساعدني يبقى كتر خيروو ... ولو في واحد مر بمشكلة مشابهه ياريت يعرضها علينا علشان نفيد ونستفيد ونتشارك الأراء .