انا في مشكله ومحتاج رأيكم

**X_MM_X** · 03-01-2012 05:25 PM

انا في واحده اتقدمتلها فيه ارتياح بيني وبينها - الصراحه حاسس انها كويسه والله أعلم -

المهم والدها قلناله هنجهز بالنص وهتجوز بعد سنه ونص

المهم انا وضعي مسافر بره مصر وبنزل كل فين وفين

فقولت للبنت هجيب الشبكه مع الجواز - معييش حاليا يكفي- وكنت هجيبلها دبله ومحبس واي حاجه خفيفه

فرجعت قالتلي لا اوكي مفيش مشكله انك متجبش حاليا بس لما تنزل تاني تجيب الشبكه هيه عارفه اني احتمال انزل بعد 6 شهور - احتمااال لسه مش عارف - فقلتلها اوكي طيب لو منزلتش انا لسه مش متأكد بس اول ما انزل تاني هجيبها

فقالتلي خلاص خلي مامتك تجيبها - رحت داخل فيها شمال قلتلها هوه اهم حاجه عندكو تيجي وخلاص هوه انا اللي هجيبها مش امي فرجعوا وقالوا خلاص مفييش مشكله لما تنزل 6 شهور سنه مش فارق

بس الصراحه الموضوع ده قلقني فسألتها امال موضوع القايمه والمؤخر نظامه ايه قالتلي تعالى اقعد مع بابا وافهم منه

رحت للراجل فبيقوللي تكتب العفش لما يججي كله باسم البنت والمؤخر نص المهر - مش فاهم يعني نص تمن العفش كله ولا اللي هيجيبوه بس -

خيلاني رفضوا الكلام ده - والدي متوفي - عندنا في عيلتنا مفيش بنت اتكتبلها حاجه اهم حاجه الراجل كله ده كلام مالهوش اهميه لو طلع الراجل اي كلام وليه مبدأ التخوين من الاول مفروض ده جواز وفيه رضا من الطرفيين على بعض - وده رأأي الشخصي -

وبابها شايف ان ده حق ليها ولازم يتكتب

ياريت اسمع المشوره منكم

**HeMa_LanCeR** · 03-01-2012 05:39 PM

انا اللي اعرفه انك لو هتدفع مهر (فلوس يعني) يبقي اللي هتكتب في القايمة اللي هي جابتة بس
لكن لو بالمهر هتجبلها حاجات يبقي هتتكتب في القايمة مع حاجتها
والمءخر ده بالأتفاق طبعا مالهاش دعوة نص ولا ربع
نصيحة مني خليك ناشف شوية في المعاملة :)

**X_MM_X** · 03-01-2012 05:48 PM

المشاركة الأصلية كتبت بواسطة hema_lancer

انا اللي اعرفه انك لو هتدفع مهر (فلوس يعني) يبقي اللي هتكتب في القايمة اللي هي جابتة بس
لكن لو بالمهر هتجبلها حاجات يبقي هتتكتب في القايمة مع حاجتها
والمءخر ده بالأتفاق طبعا مالهاش دعوة نص ولا ربع
نصيحة مني خليك ناشف شوية في المعاملة :)

ياباشا اللي مخليني متردد ان ليا صحابي كتير بيقولوا عادي والوضع هنا كده واحنا عملنا كده والبلد كلها كده هتيجي انتا وتتفذلك

بس انا عن نفسي مش راضي بالحكايه دي معتبرها تخوين وعيلتي نفس الكلام خيلاني لما جوزوا بناتهم كان من غير حاجه

**HeMa_LanCeR** · 03-01-2012 06:10 PM

يبقي اللي انت شايفه صح يتعمل
علشان مترجعش تندم
وصدقني لو قولت مش مهم واتنزلت في الأول يبقي هتخسر كتير قوي بعد كده
خلي القرار قرارك انت
وفي حكمة بتقول الأصول متزعلش

**A7MED_PHARMA** · 03-01-2012 06:28 PM

لو مافيش سابق معرفة بين العيلتين
يبقا يمكن هما حاسبنها إن ده تأمين للبنت مش أكتر
والله أعلم

**mr_sameh** · 03-01-2012 06:45 PM

انا اللي اعرفه ان كل الفرش بيتكتب في القايمه باسم الزوجه

**M.Zaher** · 03-01-2012 06:47 PM

ممكن يكون قصده بكتابه كل العفش للبنت ان كل العفش يتكتب في القايمة وده الطبيعي

و نصيحة مدام انت بره و بتجربه اصحابي كتير في الغربه كانوا بيدفعوا دم قلبهم بس لمجرد انهم بره
انشف في التعامل ومش كل حاجة حاضر

**شريف** · 03-01-2012 06:49 PM

المشاركة الأصلية كتبت بواسطة hema_lancer

يبقي اللي انت شايفه صح يتعمل
علشان مترجعش تندم
وصدقني لو قولت مش مهم واتنزلت في الأول يبقي هتخسر كتير قوي بعد كده
خلي القرار قرارك انت
وفي حكمة بتقول الأصول متزعلش

+1

دخل حد كبير و اسحب نفسك من سكه الاتفاقات دي خالص
خلي دايما الوسيط او الاهل هما اللي يتفقوا

**أحمد كمال** · 03-01-2012 06:50 PM

المشاركة الأصلية كتبت بواسطة member

أنا شايف ده عادي .. لو البنت كويسة ماتخسرهاش عشان شوية ماديات بسيطة

ماهو التفكير ده اللي بيودي الراجل في داهية ...... تخليك large بس ده بيخليك تتركب

-

الموضوع: انا في مشكله ومحتاج رأيكم

LinkBack

أدوات الموضوع

عرض

انا في مشكله ومحتاج رأيكم - انشر الموضوع فى :

-

-

-

-

-

-

-

المواضيع المتشابهه

فيرناوى جديد ومحتاج رأيكم

محتار ومحتاج رأيكم

مشورة عاجله ... ومحتاج رأيكم

محتار بين العربيات دى ومحتاج رأيكم

نازل اشترى ومحتاج رأيكم

الكلمات الدلالية لهذا الموضوع

المفضلات

المفضلات

ضوابط المشاركة