محتاجة مساعدة بسرعة بليييييييز

أنا من أسكندرية و عاوزة أروح شارع التسعين فى التجمع الخامس بس عن طريق القطار لأن العربية بايزة و محتاجة أروح بكرة الساعة 11 الصبح أكون هناك عشان عندى مقابلة شغل فبليييز محتاجة مساعدة ضرورى..............

ميزانيتك للمواصلات كام؟ اسهل حاجه بس مكلفه هو تاكسى ... غير كده هتاخدى ميكروباص للحى العاشر و من هناك هتلاقى موقف التجمع و تركبى حاجه للمكان اللى انت عايزاه

حضرتك هتنزلى من القطار تركبى تاكسى للتجمع الخامس و شارع التسعين ده الشارع الرئيسى فى التجمع الخامس يعنى هتلاقى كل الناس تعرفه و خط سيره فى اكتر من طريق بس هيطلع كوبرى اكتوبر و ينزل من منزل مدينه نصر و يكمل على طول من جنب المنصه لحد الاخر و بعد كده يدخل طريق السويس و يكمل عليه لحد فتحه الطريق الدائرى و يمشى عليه و عند النفق التانى يدخل يمينه و تلفى الصينيه و بكده هتكونى فى شارع التسعين.

زى ما الأخوة قالو
فى برضك حل وسط انك تاخدى ميكروباص بيروح الحى السابع و تنزل تاخدى تاكسى من هناك هياخد فى حدود 30-25 على حسب الطريق
و فى الحالتين خدى التاكسى الابيض علشان بعداد و محدش يضحك عليكى