يا جماعة هو معقول عشان أركب جنوط 16 مكان طاسات 15 يكون الموضوع مكلف أوي كده

السلام عليكم ورحمة الله و بركاته
يا جماعة أنا عايز أشتري جنوط للابيزا 2012 عشان الطاسات شكلها سيء جدا الكاوتش بتاع العربية مقاس 15 و عشان اجيب جنوط 16 لازم أغير الكاوتش و اجيب مقاس 16
أنا سألت في أشرفكو بتاع مدينة نصر قالي ان جنوط 16 سعرها حوالي 2300 جنيه قلت ماشي
بس عشان اجيب كاوتش 16 فردة الكاوتش الواحدة بريدجستون ب 800 جنيه يعني عشان أركب جنوط 16 الموضوع هيكلفني 5500 جنيه تقريبا و ده سعر عالي جدا بصراحة و لو عايز كاوتش ارخص قلي فيه كاوتش تركي بكفاءة البريدجستون سعر الفردة الواحدة 550 جنيه و كده المجمل هيكون سعر عالي اوي و مفيش قدامي اني اركب جنوط 15 و بكده مش هحتاج اغير الكاوتش و سعرها هيكون 2000 جنيه بس انا شايف ان جنوط 15 هتكون صغيرة و نفسي اجيب 16 فهل يوجد حل اني اركب جنوط مع كاوتش بسعر مناسب بس يكون الجنوط و الكاوتش كويسة مش تعبانه
أرجو المساعدة ضروري لاني مبفهمش في موضوع الجنوط و الكاوتش

----------------------------------------------
ممنوع الكتابة باللون الاحمر لانه مخصص بالمداخلات الادراية
برجاء مراجعه قواعد المنتدي
م 7
10:52
6-1-2012

مفيش ياباشا
هيا دي اسعار الكاوتش :)

انا لسه سائل علي الكومهو انهارده لقيته ب580 جنيه
الحل التاني انك تجيب الكاوتش مستعمل

نصيحه واحد غير من جنوط 13 ل 14 لو شايف مقاش عربيتك وحش والفلوس مش مقضيه استنا لما تجمع فلوس وهات ال ف دماغك انا كنت عايز اغير من 13 ل 15 بس الراجل قعد يقنعني بال 14 كان ناقصني بتاع 600 جنيه وانا روحت جايبه وندمت بعدها اني مجبتش المقاس ال ف دماغي عشان لقيت الفرق مش كبير اوي ومش باين انه جنط 14 وحرمت امشي ورا كلام البياعين:flower4u:

ههههههههههههههههههههههههه
بالظبط اللي حصلي
بس خد بالك بردو البياع ده كويس وبيفهم
يعني احنا عارفين ان اللي احنا عاوزين نعمله ده غلط

بس الشكل هوا المهم
وبعدين انا قررت اجنط ان شاء الله 16
ليه بقي
لان العفشه عندي بعد ما جنطت 14 وسمعت كلام البياع والنت والمعادلات
المساعدين عندي اهي قعدت سنه بالظبط وضربت
وحدفع فلوس تاني واغيرهم
يبقي الواحد يستمتع بقي بشكل واداء رياضي
طالما كده كده حندفع فلوس في مساعدين

eshta :D

http://www.nilemotors.net/Nile/263843-16.html
ده زميل في المنتدي بيبيع 16 مستعمل

هوا البياع كان عايزني اشتري وخلاص المهم يبيع :verygood:
وعموا الجنط مش وحش للدرجه شكله من بعيد بيبان كبير شويه

لو الفلوس مش مكملة حاول انك تستنى شويه وتكمل المبلغ وتشترى طقم ال16
او تشترى طقم مستعمل جنوط بالكاوتش
او تجيب طقم جنوط جديد وطقم كاوتش مستعمل

لو مش مستعجل
استنى لحد ما العمر الافتراضي بتاع الكاوتش بتاعك يخلص , و تبقى كده كده هاتغير الكاوتش
ساعتها تشتري كاوتش 16 بدل 15 و هاتبقى غرمت بس فرق السعر في الاربع كاوتشات
و اشتري الجنط اللي انت عايزه سواء جديد او مستعمل و بيع جنوطك القديمة و دمتم

اشتري كاوتش مستعمل حالة ممتازة ممكن تلاقيه عن حد بتاع استيراد الجنوط بالكاوتش او الكاوتش بس او فيه ناس بتبقى متخصصه تجيب الحاجات دي انا جبت جنط 15 وجبتله اربع فرد شبه جداد بأمانه صناعتهم قريبه استيراد مستعملين حسبهم ليا بـ 500 جنيه وماشي بيهم وزي الفل ومفيش اي مشاكل ولو حاجة جديده خالص مستعمل هتلاقيها عامله 800 -900 وكدا مش هتدفع كتير ممكن تبيع اللي عندك كمان هتلاقي الفرق بين الأتنين حاجة بسيطه نصيحه اضافيه لو الصلي بتاع حضرتك 15 ياريت تغير لـ 17 معلش بس علشان تحس بفرق حقيقي ومتندمش

معالي الباشا ناصيحة اخويا لو عندك علي القايم مكتوب انك تقدر تزود ل 16 اعمل كدا ولازم يكون جنط نضيف اما لو اخر العربية الجنوط ال 15 يبقي غير بس جنوط العربية ال 15 طاسات بجنوط اسبور علشان العفشة وكمان لو حد ركب ورا متحكش وحاجات كتير انت ف غنى عنها
وانا منكرش ان الجنوط بتدى منظر رائع للعربية من برة واستيبول وكل حاجة بس متنساش ان دى عربية جديدة ولازم تحافظ عليها وعلي عفشتها وف النهاية يامعالي الباشا دى وجة نظر مع العلم ان انا كمان كان نفسي اركب جنوط 16 بس انا اضريت التزم بالمقاس الاصلي وركبت جنوط 15 تايلاندى منعا لوجع الدماغ
وف النهاية ربنا يحفظلك عربيتك ويحفظك منها ويبركلك فيها
وبالتوفيق ف القرار السليم

امال انا اعمل ايه الكاوتش بتاعي 215\45\18
:Copy of majd(4):