عرض للطباعة
ياااااا رجااالة نيسان انا محتاج مساعدة ضروري .... دلوقتي انا ان شاء الله هانضم ليكم و اجيب نيسان صني مستعملة و كنت عايز اكشف في التوكيل بكره و اتفاجئت ان سعر الكشف في السبع 300 جنيه :Copy of majd(4): ياريت حد يقولي احسن و ارخص توكيل اكشف فيه و رقم تيليفون التوكيل عشان احجز و ده طبعا قبل بكره :crying2:.
متابع ..
اتصل بأوتو إيجبت واسألهم على الكشف عندهم بكام لعل وعسى يكون ارخص ورقمهم 16666
ان شاء الله هاتصل بيهم بكره الصبح بس المشكلة اني خايف الاقيهم غاليين :eee: وكده انا هاحتاس لاني وقتها هاتكون العربية معايا ومش عارف اوديها فين :crying2:اقتباس:
المشاركة الأصلية كتبت بواسطة sehsss
وانا شايف ان 300 جنيه كتييييير :120146b يارييت لوفي حد يعرف اسعار الكشف ايه في التوكيلات الباقية و بالذات في اوتو ايجيبت.
لو زنقت معاك، بنزينة التعاون اللي تحت كوبري الدقي فيها كشف على السيارات على حالة الموتور والعفشة وكمان عندهم جهاز صغير بيعرفك العربية دي لو رشة بره رشه نظافة ولا حادثة لا قدر الله وأنا كنت كاشف على عربية عندهم من حوالي سنتين بـ 120 جندياقتباس:
المشاركة الأصلية كتبت بواسطة meado_2005
اهلا بيك معانا .. وان شاء الله ربنا يوفقك للخير
موضوع الكشف حسب ما انت عايز .. بمعنى
هل كشف ميكانيكا وعفشة وحالة ماتور بس .. ولا كشف سمكرة ودهان .. ام الاتنين معا
وبصراحة انا شوفت التقرير اللى مع اتو ايجيبت عن حالة العربية كان روعة وبيفصصوا العربية فيه
التقرير ده غير اللى بياخدوه الاعضاء بتاع الصيانة
تقرير مفصل عن العربية جداا
بس مش فاكر كان بكام بصراحة اعتقد فى حدود 200 او 250 .. وممكن بكرة اتاكدلك .. من مدير الصيانة بنفسه
وده رقمى وكلمنى 01288814049
وبعدين متروحش بنزينة بعد تقرير الصيانة اللى شوفته فى اى مركز خدمة لان البنزينة ليمكن تكون زى المكرز .. طالما حتدفع دم قبلك .. فمتبخلش على نفسك وتتطمن بدل ماتوفر 150 فى كشف العربية وتتفاجا فى الاخر بعد ما تشتريها بمبلغ وقدره وتلاقى بتدفع عليها دم قلبك تصليح
الكلام اللى بقولهولك عن ثقة فى تعاملى مع نيسان على مدار سنتين .. مش كلام بغرقك وبدبسك فيه
عشان تتطمن عشان حضرتك عضو جديد ولسه متعرفناش فى القسم
تحياتى ليك
ولو احتجت اى خدمة انا تحت امرك
اقتباس:
المشاركة الأصلية كتبت بواسطة ahmed.tv
جزاك الله كل خير أستاذ أحمد
قال رسول الله صلى الله علية و سلم
خير الناس انفعهم للناس http://illiweb.com/fa/empty.gif
التوكيل أحسن
حيقوللك العربيه فيها أيه ومحتاجه أيه وكفاءه الموتور أد أيه
:verygood::verygood:اقتباس:
المشاركة الأصلية كتبت بواسطة M.Nabeeh
أوعي تروح التوكيل وأوعي تسمع كلام ahmed.tv ده عايز يدبسك و خلاص
أسئلني أنا عنه :)
حبيبي يا أبوحميد
طبعا يا night_whisper زي ما أخونا ahmed.tv وM.Nabeeh قالولك التوكيل أفضل علي الأقل هتبقي مطمن
وبعدين ايلي يقولهولك أحمد ahmed.tv تعمله و انت مغمض و هتعرف ليه بعدين لوحدك
التوكيل اضمن من اى حته تانيه حتى لو اغلى و فكر فيها بطريقه تانيه. لو كشفت على العربيه فى بنزينه مثلا ب ١٠٠ جنيه فقط مثلا و قالك مثلا العربيه زى الفل و بعد كده طلع فيها حاجه بتاع البنزينه ما خدش باله منها علشان معندوش كل ادوات الكشف و التشخيص اللى عند التوكيل على الاقل بصرف النظر عن الخبره؛ الحاجه دى أيا كان صغرها هتبقى اكيد اغلى من ال ٢٠٠ جنيه اللى حضرتك وفرتهم و بنفس المنطق تخيل بقى انها مشكله كبيره لاقدر الله، يبقى ساعتها ايه الحال؟
و لو اكتشفت المشاكل اللى فى العربيه اللى عايز تشتريها ده هيساعدك تسعرها مضبوط و تخصم ثمن الحاجات اللى محتاجه تغيير و كنت هتدبس فيها و هتشترى العربيه بسعر اعلى من تمنها و كده كده لازم هتغيرها بس طبعا علشان كل حاجه تبقى مظبوطه مش معقوله تتفرج على ٣ عربيات تقوم دافع ٩٠٠ جنيه لكن فى البدايه خد معاك حد تعرفه يكون بيفهم فيها علشان تبقوا وجهتين نظر لاتخاذ رأى مبداى ولو استقريتم على عربيه واحده ابقى اطلع بيها على التوكيل و اتوكل على الله و بالتوفيق
ما تحسبهاش بالفلوس لأن مش كل يوم الواحد بيشترى عربية سواء زيرو ولا مستعملة وانا من رأى الردود اللى فضلت الكشف فى التوكيل وده لمعرفة حضرتك مافيش مخلوق هايعرف فى العربية قد اللى بيعملولها صيانة كل يوم وعشرات ومئات العربيات نفس الماركة وبالمقارنة بين السبع واوتوايجيبت او غيرها من توكيلات نيسان
انا شايف اوتوايجيبت الاجدر والادق فى تشخيص حالة اى عربية وده بيتم اوتوماتيك فى اى صيانة دورية وانا لمسته بنفسى فى صيانة ال60 الف كم وبصراحة ده اللى يهمنى موتور - فتيس - عفشة - كاوتشات - .... الخ وده من خلال ورق ودرجات متحددة مسبقا غير الكشف الظاهرى حتى لو كان باجهزة هاتختلف عن اللى موجودة فى توكيلات لأنى شايف البنزينات دى مجهود ذاتى وخبرة شخصية ليس الا
انا مثلا ممكن اكشف على عربية ظاهريا واعرف انها رشة برة ولا جوة ولا مخبوطة لكن مش هافك عجل وابص ع التيل واقيس سمكه ولا اكشف على جلب مقصات وترشيح زيت وتشقيق خراطيم فى اماكن خفية
الكشف قبل الشراء مهم جدااااااااا بدل ما تفرح بالسعر الكويس وبعد كده تدفع الفرق من وقتك ومزاجك وفلوسك ولفك على مراكز الخدمة والورش وتكره نفسك
اشترى راحة بالك بأى تمن واعرف حالة العربية عاملة ايه بالزبط عشان تقدر تاخد قرارك وربنا يوفقك
اقتباس:
المشاركة الأصلية كتبت بواسطة ahmed.tv
شكرا يا استاذ احمد .. انا ان شاء الله هاكلمك بكرة الصبح عشان اعرف التفاصيل.
شكرا لكل واحد اهتم و رد على سؤالي او حتى قرأه وان شاء الله ربنا يكرمني و اكون من اصحاب نيسان الجميلة
انا عايز اقول لك اني لما جيت اشتري اول عربية في حياتي كانت تويوتا كرولا موديل 1996 و روحت كشفت عليها في التوكيل و فعلا ادوني تقرير رائع عن العربية و حتي قالولي العربية غالية بتاع 5000 جنيه لكن حالتها تستاهل الفلوس و قبل العربية ديه كنت وديت ليهم كرولا 1994 و قالولي اوعي تاخدها العربية دي عاملة حادثة و متنفعش
طبعا..
اخدت العربية 1996 اللي قالي عليها التوكيل انها تمام و علي فكرة انا اللي كنت جايب العربية ديه و كانت من علي النت كمان
بس معلش انا كان ليا قريب في التوكيل فمدفعتش اي مبالغ كشف .. بس كنت بشتري العربية و انا مبسوط جدا..
فنصيحة روح علي التوكيل و خد تقرير احسن و ممكن تخلي حد يشوف لك العربية تكون واثق فيه يعني يشوفها مبدأيا ً و لو كده روح علي التوكيل و بالمرة تشوف العربية عايزة ايه بالظبط
بالظبط كده :verygood:اقتباس:
المشاركة الأصلية كتبت بواسطة Peaceman
انا روحت النهاردة فعلا للتوكيل في ابورواش وكشفت عليها و دفعت 247.5 مش 300 عشان الناس الي حابة تعرف سعر الكشف الشامل.
ومش عايز اقولكم ايه الي طلع في التقرير ...................
شكر خاص للاستاذ احمد على مساعدته ليا و اهتمامه.
طلع ايه :what: ؟
طلع اة انا فضوليييييييييييييي
لا تحت امرك .. معلمتش غير الواجب
انا بس عايز اعرف ايه اللى طلع فى التقرير .. عشان تفيد الاعضاء زى ما افادوا حضرتك
وطبعا مفروض التقرير معاك .. ياريت تصوره او تعمله سكنر وتورينى التقرير بيكون ازاى وايه نتيجيته
عشان الافادة العامة .. ان مكنش يضايق حضرتك
:what::what::U_thin1[1]:
على فكرة التكلفة مناسبة جدآ و مش غالية
فى انتظار التقرير صورة او محتواه على احر من الجمر لافادة كل الاعضاء :3_3_102[1]:اقتباس:
المشاركة الأصلية كتبت بواسطة meado_2005
:verygood::verygood::verygood: ياريت طبعا ده اول تعامل مع التوكيل وخاصة اتوايجيبت فى الكشف على عربية مستعملةاقتباس:
المشاركة الأصلية كتبت بواسطة ahmed.tv
ان شاء الله هاخد التقرير من صاحبي الي هو صاحب العربية عشان انا اديته التقرير يراجعه.
العربية فيها
1- مقصين امامي
2- مقصين خلفي
3 - تيل و طنبورة امامي
4 - تيل و طنبورة خلفي
5 - علبة الدركسيون
6 - كوبلن الامامي
7 - و حجات تانية كتير ان شاء الله لما اجيب التقرير منه هارفعه لاعضاء القسم الكرام .
بالنسبة للمقايسة فكانت كالآتي ..... خدو نفس كبير و تمالكوا اعصابكم ......... 15416 جنيه مصري فقط لا غير و مش عارف بالضريبة ولا لا .
ملحوظة علبة الدركسيون ب 4000 جنيه و مساعد امامي 1800 و خلفي 1400 تقريبا و كله هايبان لما ارفع التقرير والمقايسة
والكشف اخد ساعة و نص
ما شاء الله !!! هو لسه فى حاجات تانيه و كتير كمان :what: طيب خلينى اسال السؤال بطريقه تانيه هما لقوا ايه كويس؟اقتباس:
المشاركة الأصلية كتبت بواسطة meado_2005
شوفت انت تحمد ربنا وتصلى ركعتين شكر كمان عشان نجاك من الوقعة اللى كنت هاتقع فيها دى وفى داهية ال250جاقتباس:
المشاركة الأصلية كتبت بواسطة meado_2005
ولو كنت روحت اى مركز غير اتوايجيبت كان طلع نص العيوب دى بس
وانا عند رأيى دايما فى المستعمل لو كان فيه الخير ماكنش رماه الطير الا فى ظروف استثنائية وربنا يهديك للى فى الخير لصالحك
وبعدين حضرتك بتقول عربية صاحبك .. امال لو حد غريب كان عمل ايه ؟!! ده شكله ما غيرش مسمار فى العربية ولا كان بيعمل صيانات
أيوه ياعم تويوتا كمااااناقتباس:
المشاركة الأصلية كتبت بواسطة peaceman
ايه ياعم ده دي محتاجه عفشه!!!!اقتباس:
المشاركة الأصلية كتبت بواسطة meado_2005
العربيه دي عامله كام كيلو وموديل كااااماقتباس:
المشاركة الأصلية كتبت بواسطة meado_2005
اقتباس:
المشاركة الأصلية كتبت بواسطة meado_2005
كل ده كتير .. ومعنى كدا ان العربية مفرومة
وحتى لو روحت بره وجبت الحاجات دى استيرد .. حتدفع نفس المبلغ دع .. وبردوا كتير على قطع غيار استيراد متضمنش حتقعد معاك قد ايه
اخلع منه بالذوق
بس كنا عايزين التقرير بس ترفعه .. عقبال ما اروح لاتو ايجيبت واجيبه من هناك للاعضاء
ومفروض تاخده منه لانك اللى محاسب عليه
الواحد مش عارف الناس دة بتهمل فى عربيتها كدة أزاى
دة الواحد بيعامل العربية كانها واحد من البيت
:11_5_14[1]:
لو حصل فيها حاجة الواحد مش بيعرف ينام الا لما يعالجها و يضمن عليها :36_2_33:
:verygood: والله عندك حق فى كل حرف وصوابعك مش زى بعضهااقتباس:
المشاركة الأصلية كتبت بواسطة night_whisper
وحياتك بدون مبالغة انا ممكن اهمل فى البيت وما اهملش فى العربية لأنها ايدى ورجلى ولو فيها اى حاجة غريبة بافضل متضايق لحد اما تتزبط ويوم ما باغسلها وتنضف كده بابقى مبسوط وفرحان دى حتى مراتى لاحظت :36_2_33:
بس نعمل ايه فى اللى بيركبوا وخلاص وفى الاخر يبيعوا ويكسبوا كمان
تصدق بالله انا مش متخيل يوم ما اجى ابيع عربيتى دى لا قدر الله هابقى عامل ايه؟ حتى لو هاركب احسن منها بس عشرة ومواقف وغيرها
[QUOTE=y2y1500;3874029623]:verygood: والله عندك حق فى كل حرف وصوابعك مش زى بعضها
وحياتك بدون مبالغة انا ممكن اهمل فى البيت وما اهملش فى العربية لأنها ايدى ورجلى ولو فيها اى حاجة غريبة بافضل متضايق لحد اما تتزبط ويوم ما باغسلها وتنضف كده بابقى مبسوط وفرحان دى حتى مراتى لاحظت :36_2_33:
والله نفس اللي بيحصل معايا بالظبط يا دكتور يوسف ....... لما باغسل العربية بابقى طاااير م الفرحة
وباقول لصاحبنا واخونا اللي كان هيشتري العربية .... فداك ال 250 جنيه .. أحسن ما كنت تتدبس في تمن العربية كلو..
وخيرها في غيرها
وتحيا اوتو ايجيبت
[/QUOTE=goudamahdy;3874029676]
والله نفس اللي بيحصل معايا بالظبط يا دكتور يوسف ....... لما باغسل العربية بابقى طاااير م الفرحة
[/QUOTE]
انت فين يا دكترة مختفى ليه كده وفين تعليقاتك ع المواضيع الاخيرة اللى ملت القسم هنا من مقابلات وصيانات واسئلة وخلافه
والله يا جماعة الحمد لله على كل شئ . بالنسبة لصاحبي عشان ما اظلمهوش هو اشتراها من 4 شهور و قالي الي يعرفه فيها و ان هي محتاجة مساعدين و هو اصلا مالوش في العربيات يعني ماعندوش قوة الملاحظة والاحساس بالعربية اذا كانت محتاجة حاجة او لا .
بالنسبة للتقرير انا سبته معاه عشان لو عايز يصلح فيها حاجة و انا هاخد منه التقرير و ارفعه ان شاء الله.
واخيرا و تستمر رحلة البحث عن عربية :pffft:
معلش حصل خير ..اقتباس:
المشاركة الأصلية كتبت بواسطة meado_2005
و ربنا لما يحب حد يبتليه ..
ربنا ييسرله أموره ..
والله يا دكتور يوسف مطحون شوية ف النبطشيات ... وباحاول اجهز عيادة فمشعول شوية .... ربنا ييسر وهابقى معاكم علطولاقتباس:
المشاركة الأصلية كتبت بواسطة y2y1500
ربنا يعينك ويقويك وما تغيبش علينا كتيراقتباس:
المشاركة الأصلية كتبت بواسطة goudamahdy
:banzai:اقتباس:
المشاركة الأصلية كتبت بواسطة y2y1500
العزيز يوسف الصديق :flower4u:
انا فعلآ مريت بالتجربة دة و انا ببيع عربيتى الأولى
فعلآ كونت زعلان جدآ :banzai: عشرة 10 سنوات
انا فاكر و احنا بنكشف عليها الراجل اللى بيكشف قال (العربية دة البايع خسران و المشترى كسبان)
بس الحمد الله ربنا عوضنى و أكرمنى بنيسان :11_5_14[1]:
انا عارف ان انا متأخر جدا بس زي ما وعدت رجالة نيسان اني هارفع تقرير التوكيل الخاص بالكشف على السيارات المستعملة من اوتو ايجيبت. وعشان تعرفوا بس انكم في بالي على طول :0002014A:
بس التقرير الاولاني معرفتش اخده من صاحبي فاستنيت لغاية ما رحت التوكيل تاني عشان اكشف على عربية تانية و اخدت التقرير و جهزته عشان الرجالة الجدعان ملاك نيسان.
بس للأسف التقرير PDF و مساحته 503 KB وده طبعا كبير و مش عارف ارفعه http://www.nilemotors.net/Nile/image...ajd%284%29.gif
حد يقولي اتصرف ازاي