صوت التسقيف او التخبيط....

**Carrira911** · 03-01-2012 10:24 PM

بسم الله الرحمن الرحيم
وعليكم السلام ورحمة الله وبركاته علي كل المنتدي

عندي مشكلة في العربية الجين تو يا رجالة... ياريت لو حد عنده علم عنها يقولي

هي عبارة عن صوت تسقيف او تخبيط "زي ما يكون الشكمان مفكوك" لما بكون طالع مطلع او بنقل من غيار لغيار او بتحرك من الغيار الاول من غير ما ادوس بنزين!!!

وانا في صيانة ال5000 التوكيل قالي ده عيب بنزين ..قلتلهم انا مش بمون من بنزينه واحده...قالولي لا مون من الوطنيه او امارات والصوت هيروح!!!
وقد كان... من ساعتها بمون من الوطنيه اللي جنب الشغل بقالي اكتر من شهرين وبردو مع الوقت الصوت بيزيد اكتر!!!

و في واحد صاحبي قالي البنزين ملوش دعوة.... دي كهربه العربيا مش مظبوطه!!!

بصراحه انا مش عارف اصدق مين التوكيل " اللي المفروض يحل كل المشاكل؟!!" ولا صاحبي.

عشان حتي بناءا" عليه اقدر اعرف اروح لمين يحل المشكله دي!؟

ياريت يا رجاله اللي عنده فكره عن المشكله يساعدني

وشكرا

**eng.m7md.ali** · 03-01-2012 11:00 PM

التوكيل .. قصدي وكالة البلح اللي في ابو رواش مش هيعرف يعمل حاجة في المشاكل دي
روح لمركز عصام وصفا هيقولك العربية فيها ايه ولو في حاجة هتتغير هيقولك تروح التوكيل قولهم كذا كذا كذا

**Carrira911** · 03-01-2012 11:11 PM

المشاركة الأصلية كتبت بواسطة eng f3lix

التوكيل .. قصدي وكالة البلح اللي في ابو رواش مش هيعرف يعمل حاجة في المشاكل دي
روح لمركز عصام وصفا هيقولك العربية فيها ايه ولو في حاجة هتتغير هيقولك تروح التوكيل قولهم كذا كذا كذا

ههههههههههههههه
اجمد حاجه قلتها تشبيهك للتوكيل في ابو رواش ... برنس و الله

وشكرا" لمساعدتك يا كبير.....هاجي علي نفسي واروح لعصام وصفا
مع اني بردو سوابقهم معايا مش لذيذه....وان كنت اشهدلهم باحترامهم الكبير

ويارب تتحل المشاكل دي ... لاني انا خلاااص بجيب اخري من العربيه وانا لسه مجبتش 7000ك حتي :(

**eng.m7md.ali** · 03-01-2012 11:15 PM

ياباشا العفو ربنا يباركلك فيها ويديك خيرها
غالبا الموضوع متعلق بالبوجيهات
ولو حبيت تغير متجبش من التوكيل لان اللي عنده كله (زبالة) سوري طبعا في اللفظ بس انا جبت من عندهم في صيانة العشرين وطلع فيهم عيب غيرتهم تاني بعد حوالي 4000 كيلو وطبعا كله بحسابه مفيش حاجة ببلاش

**Carrira911** · 03-01-2012 11:24 PM

المشاركة الأصلية كتبت بواسطة eng f3lix

ياباشا العفو ربنا يباركلك فيها ويديك خيرها
غالبا الموضوع متعلق بالبوجيهات
ولو حبيت تغير متجبش من التوكيل لان اللي عنده كله (زبالة) سوري طبعا في اللفظ بس انا جبت من عندهم في صيانة العشرين وطلع فيهم عيب غيرتهم تاني بعد حوالي 4000 كيلو وطبعا كله بحسابه مفيش حاجة ببلاش

يا ساتررر
بوجيهات في اول 7000...حقه لو كده هخليهم يغيروها علي الضمان يأما هعملهم صياح وألم عليهم الناس :)

عموما شكرا" لمساعدتك يا ريس ....ربنا يكرمك ان شاء الله

**eng.m7md.ali** · 03-01-2012 11:55 PM

للاسف كان غيرك اشطر يا باشا :) هههههههههههههههههههههههه
لو طلع العيب في البوجيهات هتدفع انت وتغيرهم ياكبير هيقولك الضمان ملوش فيه :)

**tutankhamoun** · 04-01-2012 06:46 PM

ليه يا جماعة
أنا اللي أعرفه أن بوجيهات بتاعة الجين 2 أن جي كا ngk ياباني و اللي في التوكيل بالظبط زي الي بتيجي مع العربية .

و أنا بصراحة بتعامل معاهم من 2007 و الحمد لله ما قابلنيش أي مشكلة مع أي قطع غيار .

موضوع التسقيف له سبيبين
البنزين و كهرباء العربية
فلو أنت جربت تغير البنزين
يبقى شوف عصام و صفا يكشفولك على الكهرباء .