يا جماعه عربيتي جين 2 مانيوال 2008
بتعمل في الصفيحه ال20 لتر حوالي 120 كيلو
انا هتجنننننن يا تري العيب فين بالظبط ومين اللي يظبطللي الموضوع ده غير التوكيل طبعا لان الضمان خلص
خالص تحياتي
عرض للطباعة
يا جماعه عربيتي جين 2 مانيوال 2008
بتعمل في الصفيحه ال20 لتر حوالي 120 كيلو
انا هتجنننننن يا تري العيب فين بالظبط ومين اللي يظبطللي الموضوع ده غير التوكيل طبعا لان الضمان خلص
خالص تحياتي
انا بردو نفس المعدل ده...بس بمشي في طرق زحمه جدا"
يعني تقريبا بمشي حوالي 15كيلو في حوالي ساعة ونص
فاعتقد اني ده استهلاك طبيعي
قيس علي كده بقي وشوف ايه ظروفك يا معلم
استهلاك طبيعي ايه بس
انا عندي نفس المشكلة بنفس الارقام بالظبط ( بس اخر مرة عملت معايا 122 كيلو )
وعربيتي لسة في الضمان والتوكيل معرفش يحل المشكلة وبردو ملهاش حل خالص
في السفر المفروض تعمل اكتر من كدة كمان
انا لو مسافر اسكندرية ومثبت على 160 او 170 باخد تفويلة وشوية .. يعني اكتر من 60 لتر
متابع
يا جماعة أستهلاك البنزين في العربية (لو العربية مظبوطة له عوامل كتيرة )
الأول طبعا تكون كهربا العربية مظبوطة (و دي لو الموتور سليم يبقى تمام )
نيجي بقى للحاجات التانية
أولا محدش يقيس الأستهلاك في الزحمة و داخل المدينة و يشتكي .
لازم القياس الصحيح يكون على طريق مفتوح و على سرعة ثابتة لا تزيد عن 90 كم - س
أنا مجرب الأستهلاك في الموتور القديم فتيس مانوال موديل 2007 و الموتور الجديد فتيس أوتوماتيك موديل 2010
أولا القيادة الهادئة بتأثر جدا في الأستهلاك .
ثانيا .نوعية البنزين طبعا و المحافظة على دورة البنزين تكون نظيفة بأستمرار .
ثالثا ضغط الكاوتش ..... لازم يكون مظبوط على 30 و العربية باردة تماما و الأفضل نيتروجين طبعا علشان مش بيتأثر بالحرارة .
المعدل الطبيعي للأستهلاك على سرعة 90 كم - س يعني حوالي 2600 لفة - دقيقة للموتور
بتعمل من في الصفيحة على الأقل 220 كم و بتوصل ل 250 كم
الرك على كل العوامل السابقة و طبعا طريقة السواقة .
إنما القيادة داخل المدن مش مقياس نهائيا علشان أنت كدا موتورك شغالك بدون تحرك لمدد كبيرة و بالتالي أنت بتحسب أيه على أيه ؟
و القيادة بسرعات عالية معناه بنزين مضاعف علشان معاكسة الهوا للعربية بتتضاعف فوق 100 كم - س
و بالتالي مجهود أكتر من ا لموتور علشان يدفع العربية و بالتالي أستهلاك بنزين و طاقة أعلى .
ازي حضرتك يااستاذ توت
انا جربت اختبار التوكيل اللي تمشي 50 كيلو بسرعة 90 ثابتة بدون تكييف
النتيجة ان المسافة دي خدت 6 لتر او 6 لتر ونص كمان
يبقى من هنا نقدر نقول ان العربية فيها مشكلة .. طب ايه المشكلة ؟؟ التوكيل مش عارف
بتعمل معايا حوالي 300 الي 320 كيلو في الصفيحة
+1111111111 نفس المشكله برضه 120 كيلو في الصفيحه ومفيش حل ليها برضه
متابع
بصراحة مش عارف
بس المفروض المسافة دي أستهلاكك يكون على الأقل 5 لتر
طيب كشفوا على الموتور بالكمبيوتر ؟ يمكن يكون فيه حاجة في الكهرباء ؟؟
طيب بقولك أيه
ما تيجي نعمل شويه حاجات نجرب بيها و مش هاتخسر حاجة
هات منظف رشاشات و فول عليه
و بعدين أتأكد من ان ضغط الكاوتش 30 أو 31
سوق على مهلك و أثبت على سرعة 80 لمدة 50 كم - س
و مرة تانية على سرعة 90 لمسافة 50 كم - س
و شوف كدا الأستهلاك أيه ؟
و برضه أنت أخبار البوجيهات أيه ؟؟ و أخبار العادم بتاعك رحته و شكله عاملين أيه ؟
يا باشا أنت اللي محتاج تجاوب على الأسئلة دي بخصوص شكوتك
أنت قلت أستهلاك عالي بدون أي تفاصيل
على العموم لو عايز توصل للأستهلاك ده ممكن جدا
سرعة 75 كم - س أو 80 كم - س بالكتير مع ثبات سرعة المحرك على أقل من 2500 لفة - دقيقة
كمان لازم تتأكد من ضغط الكاوتش .......... بيفرق في السحب و بيفرق في الاستهلاك
و أبقى طمنا ........ و كمان أدينا تفاصيل أكتر
يا جماعة الناس اللي بتقيس الأستهلاك جوه البلد ...... ده غلط
لأنك بتكون واقف لأوقات طويلة و الموتور برضه بيحرق في بنزين
بالتالي لو حد عنده شكوى من أستهلاك البنزين يقولنا
هو بيشتكي من الأستهلاك على السريع و لا على جوه البلد ؟
كشفت كتير على العربية بالكومبيوتر لدرجة اني بقيت احط الجهاز في العربية وادخل بنفسي اكشف في مركز عصام .. والعربية مسجلة عيب واحد اللي هو miss fire يعني عيب بنزين وده طبيعي في مصر لاي عربية هتكشف بالكومبيوتر
وكتير حطيت منظف رشاشات مع التفويلة وكل مرة في التوكيل المهندس يقولي اعمل كدة وتعالى نجرب .. وبعد التجربة يطلع الناتج 6 لتر او 6.5 لتر على سرعة 90 ثابت
يعني الموضوع بيبقى في ساعتها بعد مابحط منظف الرشاشات
البوجيهات غيرتها على ال 20الف مع الصيانة .. ومع صيانة ال 25 الف غيرتهم تاني ودفعت طبعا لان البوجيهات الاولى كانت مرطبة يعني بايظة
العادم عادي مفيهوش حاجة بس طبعا مع اول تدوير للعربية في الجراج بشم ريحة بنزين لدرجة اني شكيت في الرشاشات ممكن تكون ( بتسيل ) بنزين
وعملت المستحيل والعربية مش مسجلة اي حاجة غير الmiss fire انا هتجنن بجد
ماحنا لو حسبنا استهلاك بنزين عربية زي الe46 بتعمل في الصفيحة في عز الزحمة حوالي 190 -220 كيلو .. 2000 سي سي العربية دي
كمان لو جربنا اللانسر شارك بتعمل حوالي 220 كيلو واكتر كمان في الصفيحة
لو جربنا جولف 2 عليها موتور vr6 6 سلندر بتعمل حوالي 170-180 في الصفيحة .. بنزين 95
وغيره وغيره عربيات كتير بسوقها بنفسي وبتقعد معايا فترة كبير
نيجي للبروتون بتعمل حوالي 120-130 كيلو في الصفيحة .. بنزين 95 او 92 مش فارقة كتير ومع التكييف بتعمل 80 كيلو في الصفيحة
الطرق هيا هيا ..الزحمة هيا هيا .. اللي بيسوق هو هو
يبقى العيب في ايه؟ اكيد في العربية .. طب ياجدعان العيب في ايه في العربية ؟؟ منعرفش . ده استهلاك طبيعي جدا لمواتير الكامبرو
التوكيل محسسني ان الكامبرو ده عامل زي مواتير فيراري :oho:
معدل استهلاك البنزين معايا جين 2 موديل 2006 مانيوال داخل البلد حوالي 250 بدون تكييف
في 20 لتر
جرب انك تغير فلتر الهواء وتنظيف بوابه الهواء لان ليهم تاثير كبير علي استهلاك البنزين
ممكن تروح مركز عصام وصفا احسن من التوكيل واسرع واسعارهم اقل كمان
وناس فاهمه
االقياس ده عملتة من حوالي شهر وكانت معظم طرقي اكتوبر في اوقات الليل يعني بعيدا عن زحمة خروج الموظفيين والطلاب وكدا .. وفي بعض الاحيان دائري ..
وانا بمشي حوالي 80 الي 110 ان كان معظم الوقت 90 95 ..
العربية جين 2 اتوماتيك 2010
وعامل صيانة الـ 20 الف من حوالي شهريين ومغير البوجيهات وكدا ..
بنزين 92
وانا من النوع الي مش بيحرق ويخلي الار بي ام يعلي وكدا ..