الموضوع: اتخنقت من النفسنة بتاعت السواقين

سيبك منهم و أمشى فى طريقك و يضربوا راسهم فى الحيط

المشاركة الأصلية كتبت بواسطة shaddadfalcon1

طيب انت بتنزل نص ساعه ولا حاجه بتكره نفسك
هو بقي طول النهار وكل يوم في المولد ده
الواحد فينا لو عمل كام مشوار في نفس اليوم بيكره نفسه وبيبقي مش عايز يسوق لمدة اسبوع

بلاش نفتكر ان اي حد بيعمل كده يبقي منفسن والكلام ده جايز يكون مضايق او مخنوق زي اي حد فينا لما بيسوق فتره طويله
جايز هو طبيعته كده ومخه كده

انا ساعات ببقي ماشي في طريق زحمه وحاره واحده بس واللي قدامي اتحرك وبقي في مكان 4 عربيات مثلا وانا لسه متحركتش بس كده كده اللي قدامي وفق تاني ولاقي اللي ورايا نازل كلاكسات ونور وملاكي برده مش نقل ولا حاجه والله لما يبقي نقل مش بيتكلم ومعظم اللي بيعمل كده معايا بيبقي ملاكي مش طايق نفسه
وده موقف يعني يظهر مدي غباء الشخص ده لاني ببساطه لو فضلت ساعه برده هدوس بنزين والاقي نفسي واقف ورا اللي قدامي تاني ومفيش حد هيدخل قدامي وفي الموقف ده بضحك علي غباء الناس

+1111111

الحمد لله انه فيه ناس كتير زيى
كل المواقف دى بتحصل معايا وانت ماشى فى شارع مكسر و الى بيلزق فيه ويرمى عليك ويكسر ادامك
ولا التكاتك امبارح واحد بتاع توك توك رايح يدخل فى وش العربيه بقوله اهدى شويه بيقولى يلا انجز عدى وغور طب ده اعمل معاه ايه ولو وقفت الطريق هيقف و هتبقى زيطه وبعدين انا مش هعرف اتعامل مع واحد بالحقاره دى
برضه من فتره على الطريق مطب ونازل من عليه الى قدامى وقف ضربت اشاره و داخل وفيه نقل جاى فى الشمال ومش هيقف وقفت لحد ما يعدى لقيت النقل بيحدف عليا و كان هيطيرلى جمب العربيه وخبطلى المرايه اول ما خبط المرايه لقيت كلاكسات من ورا مش بتقف الى هو اياكش تتحرقوا بجاز انتم الاتنين بس ما تقفلوش الطريق
انا كل يوم بيعدى عليا بكره البلد والناس بقت كلها همجيه بشكل مش ممكن حسبى الله ونعم الوكيل

يا فندم كنت رايح الجامعه الصبح المفروض بطلع من البيت 8 عشان بيكون عندي محاضره 9 المهم طلعت متاخر في يوم الساعه 8:30 قولت مفيش فايده بقئ نشد الحزام ونشد شوية المهم طلعت علي الطريق شبه السريع لان كل 4 او 5 كيلو مطب جيت في تاني مطب وواحد بتاع نص نقل تلاجه شفني وانا طالع منه من علي اليمين وعامل سبرنت والعربية شكلها معفن معفن يعني تقريبا قال بقئ العربية المعفنه دي تعديني المهم جبني في المطب الي بعده انا طبعتي قبل المطب بمسافه كويسه جدا بفصل حركة خالص وبسند فرامل خفيف عشان مش اكبس فرامل مره واحده لقيت صحبنا معدي من جمبي وداخل علي المطب واربعه بيدوسو معاه فرامل لحق نفسه المهم وعدي المطب وانا عديت المطب ولسه هعمل الاسبرنت بتاعي لقيت ده بيولع في العربية قولت مش لي فيه المهموانا داخل 120-130 لقيته بيقفل الطريق عليه نزلت وراه 80 لقيت صحبنا بيرمي يمين وشمال بيرقص العربية واشارات وحركات قولت يا فرحة امك بيك ودخلنا علي مطب وعملت اسبرنت بس اسبرنت فاجر (وصايا) شوية وربنا كرمني بحته فيها مايه وانا ماشي 100 نزلت 80 وجبته ورايا خليت العربية بتعته لونها اسود في بني قعد يشغل المساحه يمسح الازاز جبته جمبي وخليته شاف المووت سبت الطريق بتعنا ودخلت انا وهو في الشمال وكل ما عربية تيجي ادخل يمين شوية يدوب اعدي الي يجي يشد اشد معاه يهدي اهدي معاه مفيش عربية جايه في الاتجاه التاني مش شتمته وربنا كرمه بنقل كبيره خليته داس فرامل هو والمندوب ويمكن كان هيجيب الشركه كلها تدوس معاه