اتخنقت من النفسنة بتاعت السواقين

**eng.m7md.ali** · 03-01-2012 11:24 PM

اتخنقت بجد من النفسنة بتاعت السواقين سواء ميكروباصات .. نص نقل او تاكسي
لو انت خارج من شارع زحمة والطريق واقب تلاقي واحد من دول لازم في اللي قدامه مش عايزك تيجي مكانه .. في حين ان سواق الملاكي بيبقى عنده زوق شوية عنهم
بجد حاجة تخنق جدا
وياسلام بقى لو راكب عربية غالية شوية او متعدلة تلاقي بقى النفسنة وصلت لاقصى حد
يفضل يزنق عليك او يرمي عليك ماهو عارف انك هتخاف على العربية وتقف تستنى الباشا يعدي والا هيخبطلك العربية (ماشي بمبدء ابعد عن حيحا)
ولا لما تكون ماشي في شارع متكسر وماشي براحتك تلاقي واحد من دول جاي وراك وعمال كلاكسات ويلقب نور بطريقة متخلفة وهمجية جدا زي مايكون بشتمك انك خايف على عربيتك وماشي على مهلك وهو يكون مستعجل
ولا لما تكون واقف في زحمة تلاقي المتخلف منهم واقف وراك وبيقلبلك نور جامد على اساس انك انت اللي موقف الطريق .. تيجه تقوله الدنيا واقفة قدامي يقولك انا بقلب نور للي قدامك .. منتهى التخلف بردو
ولا لما تكون ماشي وفجأة تقف علشان تعدي حد ولا حد يدخل مكانك لو ماشي في زحمة .. تلاقي وصلة كلاكسات وتقليب نور بدون اي مبرر

ولا ولا ولا ولا ولا ........
المواقف كتير جدا وتدل على البيئة اللي جايين منها
طبعا المواقف دي بتحصل من كل سواقين الميكروباصات وبالنسبة للتاكسي وده طبعا الفئة العظمى منهم بالطريقة دي

حاجة تخنق بجد انا كرهت السواقة وكرهت نفسي بسبب البلد دي

**TaoTao** · 03-01-2012 11:29 PM

روق بالك، اللي بيعمل كدة معايا باقوله "مع نفسك" واعمل فيها "فريد الاطرش" .. هو اللي اعصابه بتتحرق :)

**osama.m** · 03-01-2012 11:32 PM

دا حالنا كلنا و بقت حاجة تزهق فعلا
للاسف مبقتش اشوف سواق ميكروباش او تاكسي محترم .. حتى الناس الكبيرة في السن يقت عصبية جدا و شتيمة عمال على بطال بردو

**MOK3336** · 03-01-2012 11:46 PM

ايلي بيدقني بجد موضوع الشارع المكسر ده
لما تمشي براحة و يجي واحد وراك عايزك تمشي بسرعة و لما يعدي يبصلك كأنك ان ايلي غلطان و يقوله ايه انت ماشي علي قشر بيض

**shaddadfalcon1** · 04-01-2012 12:00 AM

طيب انت بتنزل نص ساعه ولا حاجه بتكره نفسك
هو بقي طول النهار وكل يوم في المولد ده
الواحد فينا لو عمل كام مشوار في نفس اليوم بيكره نفسه وبيبقي مش عايز يسوق لمدة اسبوع

بلاش نفتكر ان اي حد بيعمل كده يبقي منفسن والكلام ده جايز يكون مضايق او مخنوق زي اي حد فينا لما بيسوق فتره طويله
جايز هو طبيعته كده ومخه كده

انا ساعات ببقي ماشي في طريق زحمه وحاره واحده بس واللي قدامي اتحرك وبقي في مكان 4 عربيات مثلا وانا لسه متحركتش بس كده كده اللي قدامي وفق تاني ولاقي اللي ورايا نازل كلاكسات ونور وملاكي برده مش نقل ولا حاجه والله لما يبقي نقل مش بيتكلم ومعظم اللي بيعمل كده معايا بيبقي ملاكي مش طايق نفسه
وده موقف يعني يظهر مدي غباء الشخص ده لاني ببساطه لو فضلت ساعه برده هدوس بنزين والاقي نفسي واقف ورا اللي قدامي تاني ومفيش حد هيدخل قدامي وفي الموقف ده بضحك علي غباء الناس