الموضوع: استفسار قانونى

السلام عليكم يارجاله

دلوقتى انا فى تنازع قضائى من حوالى سنتين بينى وبين شركه بنت تيت فى مجال المستلزمات الطبيه تتعلق بتوزيع منتجات منتهيه الصلاحيه و بعد رفض المبداء اترفع قضايا علينا منها بتبديد وسرقه ونصب واحتيال و تزوير امضاء وزير الصحه ومنعنا من السفر يعنى كان فاضل يتهمنا بالتجسس


المهم وكيل النيابه كان راجل محترم وبيفهم و اختصر كل الدش دة فى تبديد و اتحولت لخبير و الخبير طلب منه مايثبت التهمه وهو مقدمش اى حاجه تانيه و رفع 3 قضايا تانين تافهين وخسرهم و القضيه الاساسيه لسه منظور فيها فى خبرا وزارة العدل

طبعا قاضى اول درجه ادى حكم سنه و اتلغى فى اول جلسه استئناف الباشا خد ورقه الحكم دى ووزعها على كل الاماكان اللى بنتعامل معاها كمستشفيات و ماشابه ودة عادى انا نفضت


انما ابن التيت يبعتلى صورة منها على الجامعه انا ممكن انفخه بدعوى التشهير لان الجامعه مش جهه اختصاص اساسا انه يبعتلها

انا دمى بيغلى ومش عارف اتصل بالمحامى علشان الفجر بس ان شاء الله من الفجر هروح اجيب منها صورة بس لو حد يرد عليا بهل ينفع ولا لا علشان اتطمن بدل ماتشل وانا قاعد فى البيت لحد الصبح

المشاركة الأصلية كتبت بواسطة a.saad

اهم حاجة اثبات انه سلمها للجامعة ازاى
وانك تثبت انه عارف حكم الاستئناف

عارفه طبعا لانها اتحولت لخبراء وزارة العدل و اللى اتبعت اتبعت بالفاكس وخد دورة كامله فى الجامعه وله رقم وارد وبعت للجامعه القديمه كمان يعنى باعتها مرتين