الموضوع: تجربتي مع صيانة c4 والمهندس ايهاب جلال

المشاركة الأصلية كتبت بواسطة specialmomo

حصل معايا موقف لازم أقولهولكم كان عندي مشكلة فى الفتيس بتاع العربيه مكنتش بتنقل فمكنتش عارف امشي فروحت لمكانيكي جنب البيت عملي قصه وقالى هفكلك الجيربوكس و شغلانه سوده كلمت ايهاب جلال ورحتله ماشي على نقل تالت بس مكنش فى نقلات تانيه وقفت قدامه الصبي بتاعه 10 على 10 فاهم جدا فتح الكبوت في دقيقة راح قايلى المشكله فى ويرات النقلات و راح ربطهالى وقالي المهندس ايهاب قطعه الغيار دي مش عندي لكن انا عملتهالك تقدر تمشي عليها روحت مديله قهوته وشكرا قمه فى الأمانه و المفهوميه كان ممكن يعملها قصه ولو كنت لبست فى فك الجيربوكس والقصص دي كنت هتقول على العربيه السلام

نفس الموضوع حصل معايا فى الإكسارا و رحتله على النقله التالته برضه و ف 5 دقايق غيرلى تيش النقلات علشان كان نعم و فلت من مكانه

انا عايز اشترى سيتروين c4 2006بس مش عارف ايه اخبار الفتيس بيقولو فيه مشاكل فكنت عايز اتاكد وكمان لو حد بيفكر فى بيع عربيتو ممكن يقولى

المشاركة الأصلية كتبت بواسطة mohamed.sh

انا عايز اشترى سيتروين c4 2006بس مش عارف ايه اخبار الفتيس بيقولو فيه مشاكل فكنت عايز اتاكد وكمان لو حد بيفكر فى بيع عربيتو ممكن يقولى

الفتيس كويس بس بيبقى فيه رجه من الاول للتاني لو في الزحمه وده في كل عربيات 2006 بالنسبه للبيع ماتفكرش فيه الا لما تاخد خير العربيه دي وتتمتع بيها بعد كده فكر بيع

هل عيب الفتيس بيكون في موديل 2006 فقط
ما متوسط سعر c4 2008

انا كمان بتعامل مع المهندس ايهاب جلال وبصراحة قمة في الاحترام وهو الوحيد اللي ممكن اسيبله العربية وانا مطمن وامين جدا جدا علي فكرة انا مهندس ميكانيكا ومبستريحش لحد بيصلح العربية بسهولة بس هو حاجة تانية فعلا شخص محترم زجمايله مغرقاني لاني بسافر كتير وهو بيعمل كل حاجة كأنها عربيته وانا مش موجود وتخيلوا مرة كنت في اسكندرية والمارش باظ والله عمل اتصالته وقالي علي مكان واحد بيبيع المارش وارخص من اي حد سألته عليه في اسكندرية

والله ربنا يكتر من امثال الناس المحترمة دى

السلام عليكم ...................
بصراحة كلمة حق لوجه الله بعد التعامل مع م/ ايهاب و لاول مرة لانى بصراحة لسه داخل عائلة سيتروين من يوميين بس..............
المهم روحت للمهندس ايهاب علشان كنت عاوز اغير الكوعة الفبر بتاعة الميه
بصراحة الراجل محترم و متعاون جدا و دى الحاجات اللى غيرتها و اسعارها:

• كوعة ميه استعمال من غير الحساس 180 جنيه
• خرطوم ميه علوى 60 جنيه
• خرطوم ميه من الريداتير لكوعة الميه 120 جنيه
• مقاومة المروحة "اللى بتشغل السرعتيين بتوع المروحة لان المروحة كانت شغالة السرعة العالية بس" 310 جنيه

و طبعا كل الحاجات دى اصلية
و العربية كانت محتاجة تغير بطاحة المساعدين سألت قالى الاصلى الواحدة تقريبا ب 265 جنيه بس انا جبت بتوع البيجو 307 الواحدة ب 150 جنيه و جارى التجربة
و اسف على الاطالة

حد عنده معلومات عن البيكاسو ٢٠٠٤