تجربتي مع صيانة c4 والمهندس ايهاب جلال

**a7m8n** · 10-03-2014 07:27 AM

طيب بالامانه كده يارجاله انا بفكر فى الستروين c4 الجديده وكنت بقارن بينه وبين الفلونس الفولنس ناس كتير بتشكر فيها بس بحس ان الستروين اوروبى اكتر متقفله فى فرنسا كمان فيها نظام ESP بس سمعه الستروين فى مصر مقلقانى شويه ايه رأ يكم ؟

**Marwan yahya** · 10-03-2014 01:57 PM

وانا برضه بفكر في الستروين c4 بس مستنى معرض اتوماك عشان اقارن بينها وبين البيجو والميجان

**hamaka** · 10-03-2014 05:04 PM

يا باشا سيبك من السمعة و الكلام ده ، فى العربيات الأوروبى اللى تعجبك اتوكل على الله و هاتها و متقلقش من فكرة السوق عنها لأنها كده كده بتخسر فى اعادة البيع أكتر من العربيات الأسيوية بغض النظر بقى عن ماركتها ، اذا كان العربيات الألمانى سعرها بيقع و يقولك أصل قطع غياره غالية ، و الفرنساوى سعره يقع يقولك أصله معقد و صيانته صعبة ، اللى هيمشى ورا كلام السوق المصرى يبقى ميفكرش فى حاجة غير الكورى و كام عربية فى اليابانى و شكراً على كده ، ده حتى بعض العربيات ال superior فى اليابانى زى السوبارو بموديلاتها و لانسر EX و مازدا 3 مالهاش سوق فى مصر أوى

**yasserelshakwe** · 13-03-2014 08:59 AM

هل هذا الرجل محترف في الرينو فلونس 2014 اتوماتيك

**amirz** · 21-03-2014 10:36 AM

البيكاسو اخبارها ايه يا رجاالة

**Mohamedbarrema** · 15-05-2014 02:48 AM

معلش يا جماعه سوال بسيط
هي ال c4 ارتفاعها عن الارض قد ايه عشان المطبات

**Mohamedbarrema** · 19-05-2014 11:57 PM

هيا ال c4 مافيهاش ليدات ولا ايه
وهل فيه c4 2015 ؟؟؟

**DR_SALMAN** · 11-07-2015 11:38 PM

السلام عليكم يا جماعة الخير
انا كنت بفكر فى ال C4 Grand Picasso عشان عندى عائلة كبيرة
بصراحة انبهرت بموديل 2015 اللى شفتها فى المعرض
انا عندى استفسار عن الاتى
1) نوع البنزين المستخدم، هل 92 ينفع فى مع العربية ولا هيعمل لى مشاكل مع طول الاستخدام
2) هل فى فرصة لعمل صيانه خارج التوكيل؟ هل قطع الغيار متوفرة داخل وخارج التوكيل؟
اعتقد انها افضل عربية فى مصر فى الفئة ده، والمنافسين هم كارينز، بيجو 5008، فولكس توران، سوزوكى ايتراج

**dr.ahmed_wagih** · 15-01-2016 05:36 PM

السلام عليكم
بجد تحياتى لكل المشاركين هنا على المنتدى ودى تقريبا اول مشاركة ليه
حابب اشترى عربية جديده ستروين سى 4 ودى مواصفاتها
سيتروين/c4/اتوماتيك).موديل2006لون فضى ميتالك."فرش كالزيرو".جميع الكماليات اتوماتيك.ستب ترونك.مثبت سرعة.تحكم بالطارة.تكيف تاتش2وحدة.كاسيتcd.فوج لايت.اشارات بالمرايات.سبويلر.صيانات منتظمه عداد120000كم."الاستبن لم يستخدم.رخصة سنة.كاوتش جديد.تم تلميع الجانبين.(السيارة فابريقة بحالة نادرة).سعر الكاش80000جنيه

هل السعر كويس ، وبالنسبة لقطع الغيار وتوفرها وسعرها بالمقارنه بعربيات تانى زى السيراتو او النترا ؟
اعلى ولا اقل ولا متقارب

ياريت تفيدونى

**fepsceasar** · 20-01-2016 09:32 AM

المشاركة الأصلية كتبت بواسطة dr.ahmed_wagih

السلام عليكم
بجد تحياتى لكل المشاركين هنا على المنتدى ودى تقريبا اول مشاركة ليه
حابب اشترى عربية جديده ستروين سى 4 ودى مواصفاتها
سيتروين/c4/اتوماتيك).موديل2006لون فضى ميتالك."فرش كالزيرو".جميع الكماليات اتوماتيك.ستب ترونك.مثبت سرعة.تحكم بالطارة.تكيف تاتش2وحدة.كاسيتcd.فوج لايت.اشارات بالمرايات.سبويلر.صيانات منتظمه عداد120000كم."الاستبن لم يستخدم.رخصة سنة.كاوتش جديد.تم تلميع الجانبين.(السيارة فابريقة بحالة نادرة).سعر الكاش80000جنيه

هل السعر كويس ، وبالنسبة لقطع الغيار وتوفرها وسعرها بالمقارنه بعربيات تانى زى السيراتو او النترا ؟
اعلى ولا اقل ولا متقارب

ياريت تفيدونى

بصراحة انا متحيز للسي 4 وبحبها بس حاسس انه مزود السعر حبتين حاول تنزل معاه شوية
قطع الغيار وتوافرها موجود ما تقلقش بالذات لو انت من القاهرة او اسكندرية.. والسيراتو والالنترا قطع غيارهم مش رخيصة مقارنة بالسي4 ..حاول تسال بنفسك عن قطع معينة وقارن ..بس لو هتقارن يا اما تقارن توكيل بتوكيل او تجاري بتجاري
هو بالمناسبة كل سؤال من اللى فوق ينفع موضوع لوحده ..يا ريت اصحاب التعليقات يحطوها في مواضيع جديدة علشان ما تتوهش