تجربتي مع صيانة c4 والمهندس ايهاب جلال

**hanytahia** · 04-01-2012 08:39 AM

قررت اني اعمل صيانة ال120 الف وفكرت اعملها فى التوكيل ولا اجيب الحاجات من التوكيل واعملها بره ولو عملتها اعملها فين ولكن كان ليا سابق معاملة مع المهندس ايهاب جلال فى صقر قريش وحسيت انه فاهم ومحترم فبعد بحث وسؤال عن اسعار قطع الغيار واسعار المصنعيات عند اكتر من واحد اكتشفت اني اروح للمهندس ايهاب عشان علي الاقل عارفه قبل كده وروحت له وكانت مفاجأة بالنسبة لي بجد راجل محترم جدا جدا ومتعاون لاقسي درجة جيه معايا بنفسه اثناء شراء قطع الغيار وشاف الكويس من اللي مش كويس وكان عنده قطع غيار جديدة اصلية بعهالي بسعر اقل من السوق بكتير وبيرشدني علي الافضل بصراحه معاملة اكتر من رائعة وكان لزاماً عليا اني ادي للراجل حقه واوصي كل من يملك سيتروين بالتعامل معاه فألف شكر ليك ويارب نلاقي مهندسين وصنيعية كتير بنفس مستوي التعامل وتمت صيانة ال120 من تغيير فلاتر وسيور وزيوت وجوان كمان لوش التيكهات وبلي الكاتينة والحمد لله العربية ممتازة معايا ... هي تجربة قد تفيد البعض خاصة مالكي الc4 ... أخيكم هاني فتحي

**A.Adel** · 04-01-2012 08:05 PM

يا ريت تكتب اسعار قطع الغيار و المصنعيات لو سمحت
و يا ريت لو جربت حد غيره تقول
و دى اسعار بعض قطع الغيار من التوكيل و دى من غير الضريبة
فلتر زيت 73
فلتر هواء 97
فلتر بنزين 50
فلتر تكييف 113
بوجيهات 4*53=212
4 لتر زيت 266
تيل فرامل امامى 462
اسبراى فوم 35
اسبراى بوابة 45
لمبة فانوس خلفى 7
ده اللى اتغير عندى فى صيانة ال 30 الف بتاريخ 17/12/2011
و بالنسبة للمصنعية كانت 642 و بعد الخصم 480
و يا ريت اكون فدتكم بحاجة

**ashraf79** · 05-02-2012 01:42 PM

فين مكان المهندس ايهاب جلال؟

**A.Adel** · 05-02-2012 03:57 PM

صقر قريش المعادى
و ده رقمه 0123104438

**azkol2005** · 20-03-2012 01:45 PM

المهندس ايهاب محترم جدا وعلى خلق رفيع
لكن مركز شغله في الموديلات الحديثة فقط ويجيد التعامل معاها
وبالتوفيق للجميع

**Eng.Sameh** · 24-03-2012 02:35 AM

أنا اتعاملت معاه ايام مكانت معايا ال c4 .. شهادة حق هو فعلا محترم جدا ومعتدل جدا في اسعاره وغير مبالغ فيها اطلاقا ، وفعلا فاهم كويس جداً وكتعاون لأقصى درجة.

**elmohandes1** · 25-04-2012 11:04 PM

انا باتعامل معاه دايما فى عربيتى الإكسارا و بصراحه انا بارشحه لأى حد عنده إكسارا

تحياتى

**S O P H O S** · 27-04-2012 05:24 PM

مشكور علي التجربة
تسلم

**mangawy2012** · 27-04-2012 08:42 PM

ممكن اعرف ايه سبراي فوم والاسبراي البوابه؟

**specialmomo** · 01-05-2012 03:14 AM

حصل معايا موقف لازم أقولهولكم كان عندي مشكلة فى الفتيس بتاع العربيه مكنتش بتنقل فمكنتش عارف امشي فروحت لمكانيكي جنب البيت عملي قصه وقالى هفكلك الجيربوكس و شغلانه سوده كلمت ايهاب جلال ورحتله ماشي على نقل تالت بس مكنش فى نقلات تانيه وقفت قدامه الصبي بتاعه 10 على 10 فاهم جدا فتح الكبوت في دقيقة راح قايلى المشكله فى ويرات النقلات و راح ربطهالى وقالي المهندس ايهاب قطعه الغيار دي مش عندي لكن انا عملتهالك تقدر تمشي عليها روحت مديله قهوته وشكرا قمه فى الأمانه و المفهوميه كان ممكن يعملها قصه ولو كنت لبست فى فك الجيربوكس والقصص دي كنت هتقول على العربيه السلام