طب نوعهم او صناعتهم ايه ؟؟
فلتر الهوا ع حسب حالته بس لو حالته كويسه ممكن يقعد شوية و تغيريه و الأفضل تغيريه دلوقتي و تخلي الفبريكة زي استبن
و فلتر البنزين لو مش بتتبعي نظرية تنضيفه يبقي غيريه بالجديد و خلي الفبريكة برده استبن
طريقة تغيير الفلتر هتجيبي مفتاح ربط و تفكي المسمار في العمة من فوق اللي في الوسط ( العمة علبة سودا مدورة ) و تفكي الكلبسات التلاتة اللي شابكين الغطا بالعمة و تشيلي الغطا و تشيلي الفلتر القديم و تحطي الجديد
و تعيدي نفس الخطوات بالعكس تحطي الغطا و تربطي بالمسمار و الكلبسات بس كده
فلتر البنزين محتاج الواحد يعمل فيها بلية لمدة 3 دقايق تحت العربية فممكن اي حد يغيره ليكي و فكه بسيط هو موجود قدام العجلة اللي ورا شمال هيتفك الافيس من عند الان و الاوت و يتشال و لازم يتعرف الان و الاوت فين و الجديد يركب بنفس الطريق زي مقولت مراعاة الان و الاوت و الافيس يتربط و نتاكد انه مش بينزل بنزين بس خلاص
و هننتظر تقرير بتغيير الفلاتر ان شاء الله :)