حد جرب بنزينة توتال اللي في المعادي

**Walidghali** · 26-05-2008 12:10 PM

السلام عليكم يا جماعة
للمرة التانية على التوالى اجرب بنزينة توتال اللي في مدخل المعادي بنزبن 92 وبعده مباشرة صوت الموتور بيبقى زى الموتور الديزل دا غير الغش في التفويل الله اعلم ولا هو علشان البنزين بايظ بيطير بسرعة؟؟
احذروا هذه المحطة ولو حد صادفته المشكلة دي من نفس البنزينة يقول لو سمحتم
وليد

**Adham_Sabry** · 26-05-2008 12:22 PM

كذه مره افول منها وبحس ان العداد بتعها بيعد كتير .. يعني المفروض افول ب 40 لتر .. العداد يعد 45 لتر ..
ابحث في المنتدي .. الموضوع ده مكرر وموجود كلام كتير عليه ..

**abou_ruqi** · 26-05-2008 01:00 PM

دا أنا محروق من توتال
توتال معروفة بالملزقيين بتوع النظافة
أول ما تدخل بنزينة توتال تلاقي واحد دلق على العربية جردل مية بصابون , طبعاً حضرتك كده بتكون لبست ومتقدرش تتحرك غير لما يمسحلك الهباب اللي نيله ده , فحتسكت
وبعدين حيظهرلك أربع رجالة من تحت الأرض نازلين مسح في العربية

إدليت يا معلم

حصلت معايا أول مرة ,أنا التسعيرة بتعتي كانت (وأحقولكم ليه كانت ) تسعيرتي كانت نص جنية للي بيمسح الإزاز
فقلت أحس على دمي ورحت مطلع جنيه ونص اللي كانوا معايا فكة بعد حساب البنزين

راح الراجل بصصلي كده , وقلي يا محترم دول أرع رجالة اشتغلولك في عربيتك ؟؟

قلتله وإيه اللي يخلي الأربع رجالة يشتغلولي في عربيتي ؟؟؟
أنتوا دلقتوا الصابون من غير ما اطلب ومسحتوه من غير ما أطلب !!!

قالي بس غسيل العربية عندنا بخمسة جنية

وقلتله غسيل العربية عندكوا ده عافية وألا حسب الطلب ؟؟ ورحت سيبه وماشي

مرة تانية في توتال تانيه

وأنا راجع من السفر في يوم الحر وأنا بحط بنزين راح اتنين من المفتحين دول رميين مية بصابون على الأربع فرد
وده طبعا ميري يودي الكاوتش في ستين داهية ويخليه يشقق وأن حاطط طقم بريدجستون جديد

ما أحكيلكش على اللي عملته في البنزينة

المهم طلع كل صحابي ليهم زكريات مؤلمة فقررنا نشد فاكس للإدارة

تعرفوا إيه الاي حصل ؟؟؟؟

ولا حاجة من رمضان اللي فات

**Walidghali** · 26-05-2008 01:04 PM

حلو يبقى انا كدة متأكد من اللي بيحصل عندهم :
عددادهم بيعد اكتر من اللازم رحت بالعربية فيها حوالي 6 او سبعة لتر وهو حط كمان 45 وحاسبني عليهم وبعد مامشيت قلت ازاى التانك ياخد 50 لتر او زيادة ادى اول مقلب
وامبارح طلعوا لي بنتين من تحت الأرض قعدوا يقدموا في عروض وحركات ونسيت الراجل اللي بيمون ومشيت زى الأهبل رحت التحرير ورجعت حلوان لقيت التنك أكني ما مونتش أصلا
طبعا دا غير البنزين البايظ جدا وبيخلي العربية مبرجلة معايا

ربنا ياخدهم

**prs_eg** · 26-05-2008 01:06 PM

أنا فولت مرة من بنزينة تعاون بنزين 90 فى اليوم اللى ارتفع فيه سعر البنزين ولكن قبل الزيادة بعدها وجدت تسقيفة غريبة فى الموتور استمرت كام يوم، رحت للميكانيكى قاللى عادى أكيد بنزين مخلط ، استنيت لما التانك قرب يخلص ورحت فولت من نفس البنزينة 90 ولكن استمر الصوت ، قلت اجرب 92 بعد ما اخلص ال90 اللى فى التانك، وبالفعل أول ماحطيت 92 راحت التسقيفة دى ، واستمريت على 92 حتى الآن مع أن قبل كده كنت بفول 90 على طول .!!!؟

**abou_ruqi** · 26-05-2008 01:26 PM

المشاركة الأصلية كتبت بواسطة Walidghali

حلو يبقى انا كدة متأكد من اللي بيحصل عندهم :
عددادهم بيعد اكتر من اللازم رحت بالعربية فيها حوالي 6 او سبعة لتر وهو حط كمان 45 وحاسبني عليهم وبعد مامشيت قلت ازاى التانك ياخد 50 لتر او زيادة ادى اول مقلب
وامبارح طلعوا لي بنتين من تحت الأرض قعدوا يقدموا في عروض وحركات ونسيت الراجل اللي بيمون ومشيت زى الأهبل رحت التحرير ورجعت حلوان لقيت التنك أكني ما مونتش أصلا
طبعا دا غير البنزين البايظ جدا وبيخلي العربية مبرجلة معايا

ربنا ياخدهم

أه صحيح
نسيت موضوع مندوب المبيعات , كان عاوز يبعلي رحلة عمرة
أنا عمري ما شفت واحد بيتفق على عمرة وهو في بنزينة !!!!
طبعاً ده كان من الأسباب الي خلتني مامنعش مهزلة الصابون دي

علاج توتال هو المقاطعة
لحد ما يتربوا