الى كل الناس اللى بتشم رائحه البزنين فى الصالون ربنا كرمنى ولقيت الحل
بقالى فتره مش كبيره بشم ريحه البنزين فى الصالون ولما روحت انجد الكراسى واصلحهم فكيت الكنبه اللى ورا ولقيت تحتيها مكان عوامه البنزين اللى هيا بتنقل للمؤشر اللى فى التابلوه حاله تانك البنزين ايه وهى عباره عن غطا مربع حوالى 15سم *15سم تقريبا
فكينا الغطا ده لقيت تحتيه غطا تانى عباره عن دايره قطرها حوالى 7 سم فكينا الغطا هتلاقى تحت العوامهوفيها فرده سلك فكها هتطلع معاك وفى تحتيها زى جوان كده جلد مدور
اى حد عنده القصه بتاعت الريحه دى يراجع الكلام ده وهو سهل مش صعب ويشوف الجوان ده مقطوع ولا مش موجود اصلا ويغلق القصه دى باحكام واهم حاجه انه مايوقعش حاجه فى الفتحه اللى قطرها 7 سم دى لان ده التانك وجواه اكيد بنزين وماينفعش توقع اى اتربه او اتساخات جوه التانك
وبعد الغلق المحكم هتلاقى ان الحمد لله مافيش اى ريحه
واللى كان بيحصل كالاتى انك لو اخدت مطب جامد شويه البنزين بيخرج من الفتحه دى وطبعا بيلاقى قدامه الكنبه الخلفيه وبتشربه ومابيبانش اى حاجه وعلى فكره بتبقى حاجات خفيفه اوى بس البنزين ريحته فعاله جدا
انا حبيت انقلكو تجربتى اللى لقيتها بالصدفه الحمد لله