المقابلة الأولي لقسم هيونداي في 2012

**Samir Elshahawy** · 04-01-2012 12:19 PM

الاخوة الكرام أعضاء و محبي هيونداي....
أسعد الله صباحكم بكل الخير ووقانا ووقاكم من كل شر و سوء

كل عام و حضراتكم بخير بمناسبة حلول العام الميلادي الجديد 2012 و أدعو الله أن تكون سنة جديدة سعيدة علينا جميعا و ان يسود السلام و الوئام مجتمعنا و أن ننعم جميعا بالخير و الرخاء الذي ننشده

بمناسبة حلول عام جديد أتقدم لكم بدعوة لعمل لقاء جديد و متجدد لعضاء و محبي هيونداي من كل أرجاء مصر خلال شهر يناير الحالي و أقترح لها الموعد و المكان علي النحو التالي :

*المكان :
(أ).. مدينة الرحاب بالقاهرة الجديدة
(ب).. المقطم
(ج).. حديقة الأزهر

* الزمان :
(أ).. 25 يناير 2012 لنحتفل معا بالعيد الأول للثورة و بلقائنا الأول
(ب).. 26 يناير 2012 ليوافق يوم خميس كي نستطيع أن نطيل مدة السهرة لأن ثاني يوم اجازة
(ج).. 27 يناير 2012 ليوافق يوم جمعة و هو أجازة أيضا

الأخوة الأعضاء ..
أرجو من حضراتكم المشاركة بفاعلية و تسجيل الأسماء و أرقام التليفونات لمن ينوي الحضور و أتمني ان تكون مقابلة كبري و تاريخية لهيونداي نتباهي بها جميعا

كما أقترح علي حضراتكم المواضيع التالية لطرحها للنقاش خلال المقابلة :
1- أنشاء رابطة لمالكي هيونداي نستطيع من خلالها توحيد مطالبنا و الوقوف معا امام الوكيل و مراكز الخدمة
2- تقييم السيارات الجديدة (النترا 2012 - نيو أكسنت - فيلوستر) و التعرف علي المزايا و العيوب و أعداد تقرير فني حرفي عنها يتم نشره بالمنتدي
3- تكوين مجموعة عمل لأعداد دراسة عن قانون المرور و أفضل السبل لتعديله بالتعاون مع أدارة المرور
4- أطلاق حملة للتوعية باداب و قواعد المرور

مرة أخري ....
أرجو من الجميع المشاركة و التفاعل الجاد لنبدأ معا في عمل نقلة نوعية كبري لقسم هيونداي و منتدي "نايل موتورز" و من ثم مصرنا الغالية

**AHMEDCAR** · 04-01-2012 12:30 PM

و الله كنت لسه بفكر فى حاجه زى كده بس قولت القسم نايم على الاخر و حالته زفت :)

انا معاك فى اى مكان من دول يا كبير و ان كنت افضل الرحاب او المقطم

ماتفرقش اليوم لان كده كده هجى بعد الشغل

**el_nahal2004** · 04-01-2012 01:59 PM

فى المقابلة انشاء الله
المقطم او حديقة الازهر
وبرده فى انتظار باقى الاعضاء

**CryptonX** · 04-01-2012 02:55 PM

ياريت حضرتك تضيف استطلاع فعلا.

انا موافق على يوم الجمعة في الرحاب او المقطم.

**ASKAFRAWY** · 04-01-2012 03:03 PM

الخميس او الجمعه بس يكون مكان سهل الوصول ليه
او ياريت فى الرحاب

**Ashraf_Ibrahim** · 04-01-2012 03:19 PM

يوم 26 يبقا كويس جدا بالنسبالي
المكان اللي تحددوه مش هتفرق معايا
نلقاكم على خير يا شباب ان شاء الله وياريت تبعدوا عن الاربع والجمعة دول بالذات عشان احتمال كبير هسافر فيهم ان شاء الله

**el_nahal2004** · 05-01-2012 03:18 AM

المشاركة الأصلية كتبت بواسطة se_coralsea

متشكر جدا علي الردود و لو أني كنت متوقع مشاركة أكثر من كده , ده هيونداي مالية الشوارع في مصر , و بصراحة عايزين نقرر بسرعة قبل يوم الأحد الجاي علشان يكون عندنا وقت للأعلان و الاعداد للمقابلة بشكل جيد أن شاء الله

أما بالنسبة لأضافة استطلاع للموضوع بصراحة مش عارف أضيفه منين ياريت لو حد يقدر يفيدني في الموضوع ده

-ياباشا ده تقريبا مفيش منسق للقسم

- مش عارف ينفع تعمل اضافة للاستطلاع الراى ولا لأ
بس ممكن تعمل موضوع جديد فيه استطلاع راى بالاماكن بس

-

-

مشاهدة نتائج الإستطلاع: مكان وموعد المقابلة

الموضوع: المقابلة الأولي لقسم هيونداي في 2012

LinkBack

أدوات الموضوع

عرض

المقابلة الأولي لقسم هيونداي في 2012 - انشر الموضوع فى :

-

-

-

المواضيع المتشابهه

المبادرة الخيرية الأولي لقسم نيسان نايل موتورز للعمليات الجراحية

المقابلة الاولى لقسم ستروين - بيجو

المقابلة الأولي لأعضاء نادي شيفروليه - نايل موتورز (مقابله رمضان)

إعلان عن المقابلة السريونية الأولي في التاريخ الإنساني

الكلمات الدلالية لهذا الموضوع

المفضلات

المفضلات

ضوابط المشاركة