هيونداي ماتريكس الجديدة استناها و لا نلحم في السيراتو

**adhamsabry51** · 26-05-2008 12:31 PM

سلام عليكم يا جماعة الحقيقة انا اول مرة ابعت بس بصراحة المنتدي كله ناس بتفهم ماشاء الله الحقيقة انا محتار جدا لاني قريب ان شاء الله حاشتري عربية بس محتار جدا بين السيراتو ولا استني الماتريكس الجديدة بس ماحدش عارف هي امتي حتنزل ايه رايكم و ايه نظام الأتنين في موضوع البنزين من حيث الأستهلاك ياريت الاقي النصيحة يا جماعة
:)

**dr.amr** · 26-05-2008 02:53 PM

طبعا سيراتو
ولو النترا يبقي فضل

**Sharky** · 26-05-2008 03:14 PM

رأى الشخصى سيـــراتو

**adhamsabry51** · 26-05-2008 03:56 PM

و الله يا جماعة انا زيكم ميال الي حد كبير للسيراتو بس مش عارف ايه نظام البنزين و التوكيل و لكلام ده كله

**YoussefMostafa** · 26-05-2008 04:25 PM

و الله يا جماعة انا زيكم ميال الي حد كبير للسيراتو بس مش عارف ايه نظام البنزين و التوكيل و لكلام ده كله

البنزين زي اي عربية 1600

وناس كتير بتشكر في التوكيل

**banboty** · 26-05-2008 04:27 PM

طب مفيش يا جماعة صور للماتريكس الجديدة

لانى من الناس اللى برضوا مستنيها

**Abdo_Eldesokey** · 26-05-2008 04:32 PM

السيراتو أكيد يا باشا ... والتوكيل لسه متغير قريب بعد المشاكل الكتير الي كانت موجودة في التوكيل القديم ...

فأكيد لازم يكونوا كويسين عشان يكسبوا السوق

**loai-omar** · 26-05-2008 04:33 PM

السيراتو أكيد يا باشا ...

**Ahmed Anwer** · 26-05-2008 05:07 PM

الإثنين ميتقارنشوا ببعض ،،

دي MPV و دي Compact Cars

شوف حضرتك احتياجاتك و حدد علي أساسها ،،

شخصيا افضل الماتريكس عشان الإنتشار و قطع الغيار و اعادة البيع

**liquidator** · 26-05-2008 05:12 PM

المسأله مش سيراتو أو ماتريكس ... لان مفيش وجه شبه بين الاتنين أصلا .. دي سيدان و دي ميني فان ... شوف ايه احتياجاتك و انت عايز ايه و قرر علي أساسه ... يعني لو عندك عيله و عايز عربيه واسعه و عاليه و تشيل حاجات كتير و انت بتسافر كتير و محتاج أماكن تخزين كتير و خصوصا أماكن لتخزين الأشياء القيمه يبقي الماتريكس , لانها باختصار ملعب علي أربع عجلات ...

لو عندك عيله مش كبيره أو شاب أو من النوع اللي بيحب يلعب بعربيته و من هواة الجري و بتدور علي النعومه يبقي السيراتو أو الالنترا لان الماتريكس نظرا لطبيعتها عربيه ناشفه و أرشحلك الالنترا لان الالنترا الجديده تعليقها متطور كتير عن الالنترا القديمة اللي هي نفس السيراتو في التعليق و العفشه و حتي نفس موتور السيراتو القديمة , السيراتو الجديده موتورها هو موتور النيو الانترا لكن نفس تعليق الالنترا القديمه .
تحياتي لك .