لان انا عربيتى لانسر بومه 1300 اوتو 2008 ومبتدورش بسهوله الصبح غير بعد 3 مرات فاقترح الفنى وضع بوجيهان ان جى كيه 3 شمعه بدلا من واحد شمعه اللى هو راكب وبرغم انه جديد وبصراحه خايف هل كده صح ولا غلط
هل ينفع ام لا وهل ال 3 شمعه يزيد من الاستهلاك للبنزين ؟
دخلت ع موقع ان جى كيه ولقيت اللانسر الموجوده اما من 2005 وحتى 2008 وكلهم اما 1600 او 2000 سىسى
او اكتر من 2001 وفيهم 1300 ووووووو غيره
طب انا 1300 2008 ازاى اوائمها
بص هي الفكره كلها في الشمعه او الاتنين او التلاته هي فرصة لقط الشعله مثلا لو انا عندي شمعه يبقى الاحتمال عندي 50 في الميه تلقط و50 في الميه لا لو شمعتين يبقى الاحتمال ده بقى 25 في الميه مش هاتلقط لو 3 شمعات الاحتمال ده بقى 6.25 في الميه وهكذا ..... معتقدش ان له علاقه بالبنزين والمشكله بتاعتك اشك انها اصلا عشان البوجيه شمعه واحده اصله لو بتاعها وجديد استحاله يعمل كده ...لو البوجيهات اللي عندك دي قديمه يعني بقالها اكتر من 40 الف كيلو غيرها بس هات الاصليه اللي علبتها عليها ختم ميتسوبيشي وركبهم لو مظبطتتش يبقى مش البوجيهات ... شوف بقى الرشاشات فلتر البنزين ...وربنا معاك
اضمن حاجه ان حضرتك ترجع للكتالوج بتاع العربيه و شوف مواصفات البوجيه ايه لان اللى كاتبه صانع العربيه و اذا لقيت البوجيه اللى راكب فيها هو ده المضبوط و هو راكب قريب تبقى المشكله من حاجه تانيه
بص يا ريس علشان متحترش كتير خليك في الاصلية من اي موزع معتمد واتاكد انها متكنش مركونة عندو وتمنها تقريبا 150ج وبتقعد 40 الف كم في ظروف الاستخدام العادي (يعني راحة بال)
بص يا باشا انا معايا 2005 اوتو 1300 ولما راجعت الكتالوج لقيته مكتوب شمعه واحدة ngk -11 اسمها كدة مكتوبه بالاخضر شرطه تحت ال 11
وهوا دة انسب نوع بوجيهات على حسب كلام الميكالنيكى بتاعى وبعض ميكانيكيه الحرفيين وهما ب 55 جنيه بس نادر لو لقيتهم والله اعلم