عرض للطباعة
السلام عليكم و رحمه الله و بركاته
شباب كنت عايز اشتري تلفزيون ال سي دي و لقيت ماركه اسمها pluto نازله تبع الهيئه العربيه للتصنيع
التلفزيون بلوتو ده 32 بوصه نازل في عرض كارفور ب 1700
ياتري اللي عايز شاشه ال سي دي و بس من غير اي اضافات من بتاعت اليو اس بي و تقسيم الشاشه الخ الخ يتكل علي الله في ده ولا اعلي شويه و خليني في ماركه hiscence 32 بوصه ب 1849
كده كده الفرق بسيط ما بين الاتنين
عايز نصيحه لو حد مجرب الماركات دي
و شكرا
هاي سينس تبع المصانع الحربية و اسمع عنه سمع خير
اهم حاجة في الحالتين الضمان اد ايه
متخليك احسن فى LG و هما عاملين عليها عرض فى كارفور بقت ب ٢٠٩٩ بس ماركه كويسه و معروفه و الرابط التالى عليه معلومات عن العروض كلها و ممكن يفيدك (منقول من مشاركه تانيه )
http://3orod.net/hyper-markets/carre...4jan-2012.html
ال hiscence في بي تك عليه ضمان 3 سنين و بالنسبه لبلوتو مش فاكر بصراحه
انا جبت lg led من 5 شهور كانت ب 3200 و زمانها رخصت ......و فيها كل الحبشتكانات الذرية
الشاشه دي هتكون في ريسبشن العياده و مش مطلوب منها اكتر من انها تكون واضحه و مريحه للعين فالحبشتكانات مش هتفيدني بحاجه خصوصا ان العياده شطبت عليا بجد
من كام يوم كنت بدور على شاشة LCD سامسونج مقاس صغير ولفت نظري تيليفزيون اول مرة اشوفه
bluepanket
بلوبانكت ماركة محترمة جدا ومعروفة في عالم الصوتيات وبصراحة اول مرة اشوفها وخليت الراجل يجربلي الصورة بصراحة انبهرت ومفرقتش كتير عن السامسونج نفس المقاس
الشاشة كانت 32 انش ب 1999 جنيه
شوفتها في بي تك مكرم عبيد
المعرض اشتري المصري في ارض المعارض عامل عروض كويسه
sony
samsung
samsung
samsung
lg
اه لو علشان العياده يبقى مافيش داعى فعلا تجيب حاجه غاليه. ممكن تجيب. CAIRA و هتلاقيها فى الرخيص او hicsence لو معاها ضمان ٣ سنين و أنا باشوف. CAIRA دى فى عيادات كتير فواضح انها عمليه و اقتصاديه و تؤدى الغرض و كانت من شهرين تلاته فى كارفور ب ١٦٦٦ و ضمان ٣ سنين و تلاقيها رخصت عن كده الان اما hicsence فهى احسن منها لكن اغلى فى السعراقتباس:
المشاركة الأصلية كتبت بواسطة amir
يبقى لازم تجيب ماركة نضيفة و مش مهم الاوبشنز فعلااقتباس:
المشاركة الأصلية كتبت بواسطة amir
بس لازم ماركة نضيفة لان دي هتشتغل يوميا 5-6 ساعات من غير ما تفصل
لو ماركة اي كلام مش هتعمر
نصيحة مني و عن تجربة بلاش الماركات اللي مش مضمونة , خليك في المضمون أحسن
عندك القاهرة للمبيعات منزل انواع كويسة بأسعار لقطة
توشيبا 32 بوصة ب 1999 جنيه
Toshiba Tornado 32 inch:32CD12 HD LCD HDTV - Cairo Sales Stores
و LG ب 2089 جنيه 32 بوصة برضه
LG TV 32LK311 (32-inch LCD) - Cairo Sales Stores
أنا سمعت أن مكونات ال pluto هى مكونات السامسونج بس الجيش بيستوردها من غير جمارك ولاضرايب فعشان كدة سعرها رخيص (مكونات سامسونج كورى بس تقفيل الهيئة العربيه للتصنيع)
جيش؟ ده انا بطلت افول في وطنية
في رايي ال 32 مفيهوش اصلا امكانيات كتير .. ومعظمهم شبه بعض .. يعني في رايي وفر فلوسك وهات حاجة صيني .. وكلهم زي بعض كايرا وبلوتو وهايسنس .. وكلهم حلوين وشغالين مع ناس كتير محدش اشتكى منهم .. انا عندي سامسونج وجبته غالي عشان كنت بفكر في الفروقات بس طلع مفيش فرق محوري يستاهل الفلوس
خلي بالك ده استعمال عيادة يعني متوسط 6 ساعات في 5 ايام في الاسبوع في 4.5 اسبوع في الشهر يعني في الشهر شغال 135 ساعة ..... يعني هيتهلك فلو ماركة هيعيش اكتراقتباس:
المشاركة الأصلية كتبت بواسطة mody3on
كلام حضرتك مضبوط طبعا بس الفكره انهم سعرهم رخيص مش علشان بيبوظوا بسرعه لكن علشان ال resolution ضعيفه شويه و دى مش هتففرق لانها فى عياده مش بيت لكن يشتغلوا ٥ او ٦ ساعات عادى جدا و عامه لو حصل فيهم عيب صناعه معاهم ضمان ٣ سنيناقتباس:
المشاركة الأصلية كتبت بواسطة أحمد كمال
متشكر بجد علي النصايح القويه دي
بالنسبه للقاهره للمبيعات عندهم تلفزيون ال جي 40 بوصه ب 3000 جنيه
بس بلازما مش ال سي دي
ياتري اجيبه علي اساس ان فرق السعر ما بين السامسونج ال سي دي 32 و بينه مش كبير ولا بلاش علشان فكره انه بلازما؟
انا عندي البلازما دي جايبها من حوالي سنة تقريبا , وماشاء الله ممتازةاقتباس:
المشاركة الأصلية كتبت بواسطة amir
و سيبك من الكلام اللي بيتقال عن البلازما , على فكرة عمرها الافتراضي من الكتالوج 100 الف ساعة تشغيل
اقتباس:
المشاركة الأصلية كتبت بواسطة a_h_m_a_d
طيب في نقطه محيراني بخصوص البلازما
هل فعلا شاشه البلازما بتعكس الاضاءه بتاعت النور ؟؟
بس يا جماعة البلوتو دا صورته وحشة اوي بالنسبة للسامسونج .. ازاي يبقى مكونات سامسونج
اعتقد اللي سعرهم في اللذيذ الhisense toshiba sharp
و السامسونج و LG افضل حاجة ... احسن من سوني كمان!!
اه بتعكس الاضاءه وفي مشكله اكبر كمان وهي حرق الشاشه او التطبيع يعني لو في اي مشهد ثابت لمده ساعتين هتلاقيه طبع علي الشاشه وابسط مثال علي الشعارات بتاعت القنوات بتلاقيها طبعت علي الشاشه ولذلك حاليا بتلاقي اغلب الشعارات متحركه وطالما هتخليها في العياده لذلك ما اعتقدش حد هيكون مهتم بيها علشان يقلب باستمرار لتفادي موضوع الطبع ده نصيحه خليك في ال lcd احسن وكمان بتتفوق في الوضوح عن البلازما وخاصه ان العياده بتكون فيها الاضاءه قويهاقتباس:
المشاركة الأصلية كتبت بواسطة amir
موضوع الطباعة على الشاشة ده ملوش حل ؟؟؟اقتباس:
المشاركة الأصلية كتبت بواسطة naser_56
اصله حصل مع واحد صحبي بس في موبيل
اعتقد موضوع الطبع ده ملوش حل حتي اغلب الشركات الكبيره الحل الوحيد هو ان الشاشه بتعمل تحديث كل فتره او موضوع كلين للشاشه بعد اغلاقها علشان تتفادي موضوع الطبع ده ولكن الغريب ان شاشه الموبيل ما بتكونش بلازما واعتقد اقل قياس في البلازما بيكون ٤٠ بوصه حتي ال ٣٢ بوصه بتكون موديلات نادره اذا كان في اصلااقتباس:
المشاركة الأصلية كتبت بواسطة aly_hosny
لسة جايبها من يومين ب 2800اقتباس:
المشاركة الأصلية كتبت بواسطة أحمد كمال
full hd وفيه كل حاجة
يا فندم الاحسن بتحدد حسب الموديل و جيل الشاشه و نقاء الشاشه و التكنولوجيا و الامكانيات اللى فيها مش بالماركه :)اقتباس:
المشاركة الأصلية كتبت بواسطة autotycoon