بسم الله الرحمن الرحيم
انا حجزت صيانة ال 15,000 كم يوم السبت 14 يناير باذن الله (العداد لسه عامل 8,500 كم) ولكن عشان فترة ال 3 شهور وانا مش بمشى كتير بالعربية فمواظب على الصيانات طبقا للشهور وليس الكيلومترات
عندى شوية ملاحظات هقولهم عليها فى الصيانة بس حبيت اخد رأيكم عشان اكون على دراية بابعادها قبل ما اروح الصيانة وابقى فاهم بتكلم فى ايه .. هسردها على حضراتكم ولو حد مشكورا عنده رأى او حل يتفضل يقولهولى لو تكرمتم:
1. رعشة محسوسة فى دواسة البنزين والفتيس والعربية بصفة عامة مع القرص على الدواسة خصوصا فى الطلعات على الاول والتانى
2. عضة الفتيس المعروفة واللى بشتكى منها كل مرة الغيارات تقيلة بشكل فظيع خصوصا لما الجو سقع فياترى ايه حلها من الاخر هل تغيير الزيت او فيه حل تانى لان انا قولتلهم على الموضوع ده اكتر من مرة ومفيش فايدة .. مع العلم ان ركبت عربيات جديدة ولقيت الغيارات سهلة جدا وده اللى استفذنى
3. وطيان الدبرياج هل ممكن تعليته؟ انا متعود على الدبرياج العالى فى اللانوس علاوة على ان الدواسة بردو خشنة وتقيلة مقارنة بالعربيات التانية .. وهل ده له علاقة بالتسقيفة البسيطة اللى فى العربية على الغيار التانى لو رجلك مش حساسة اوى على الدبرياج؟
4. لمبة الشنطة بتعلق مع فتح الشنطة يعنى لازم ارفع الشنطة بايدى الاول بحيث العربية السنسور يديلها الاشارة تنور والشنطة نفسها احيانا بتخلى الانذار يشتغل لو فتحتها من الريموت .. كنت سمعت من اخ عضو هنا ان كان عنده نفس المشكلة وقالولو كالون الشنطة كله محتاج يتغير بس لسه مش موجود فى التوكيل
اسف للاطالة .. اتمنى ان لو اى حد عنده معلومة يقدر يفيدنى جزاكم الله خير
المفضلات