لو رجع بيك الزمن هجيب سيراتو كوبيه

**masterzmind** · 04-01-2012 08:51 PM

لو رجع بيك الزمن هجيب سيراتو كوبيه اصلها بتزن فى دماغى الايام دى والواحد بيفكر فيها

**masterzmind** · 04-01-2012 09:56 PM

محدش بيرد ليه يا جماعة

**shod90** · 04-01-2012 10:39 PM

كنت هاجيبها بردو بس تكون عفشتها احسن شوية :)

**pirlo2000** · 04-01-2012 11:45 PM

ياه يا مان انت كل ده لسة مجبتش.... انا قلت انت زمانك جبت... يالا ربنا معاك و تجيب الكوبيه او احسن منها كمان...

بصراحة متناهية هاقولك الاتي:

انا جبت الكوبيه لاني بعشق شكلها كنت اشوفها في الشارع تاخد عنيا معاها.... كانت هي و عربيتيتن تانيين بعشقهم.... بونتو ايفو و جولف 6.... انت كنت هجيب جولف 6 الماني يا معلم بس قلقت اوي من موضوع الفتيس و مشاكله.... قلت خليني في الايفو برضه ايطالي و بحبها اوي... بس قلقت جدا من وكيلها .... ماكنش فرق معايا ان موتورها ضعيف حبيتين لاني مش بتاع جري و كلام من ده... بس ناس خوفتني من وكيلها و توافر قطع غيارها..

قلت يبقي توكلت علي الله هي الكوبيه... انا اهم حاجة تبقي العربية عاجباني من جوه و من بره و الحمدلله ده موجود في الكوبيه ... و مش موجود في عربيات تانية كتير...

هي بس عيبها ان عفشتها مش مريحة خالص.... لما بركب سيفيك او مازدا 3 ببقي مش مصدق نفسي !

بس ان اتعودت علي موضوع العفشة و مبقتشي فارقة معايا.... بس بتقعد فترة عشان تاخد علي الموضوع... حوالي 5000 كيلو..هاهاهاها

من الاخر لو رجع الزمن هجيب برضه الكوبيه لاني بموت في شكلها... بره و جوه... و انتشارها لذيذ... و مش فارقة معايا انها مش عائلية...بس دلوقتي ممكن ابص علي الفلوستر.... (بس سعر مبالغ فيه 168000)!!!

(لو علمتم الغيب لاخترتم الواقع)

**mohamed_mohsen** · 05-01-2012 11:46 AM

بصراحه يا كنت هجيب مازدا 3 أو شارك
هي السيراتو جميله و كل حاجه
بس العربيتين دول اثبت و انعم من عندنا

**masterzmind** · 05-01-2012 05:22 PM

والله يا pirlo2000 خايف اجبها بعد كدة اندم بس والله الفلوس موجوده والحمد لله كل شويه يطلع مشكله فى العربية من العفشه من الثبات من دراع النور ............. الخ من المشاكل والله الى بعمله دلوقتى عمال بدور على هوندا سيفيك روحت شوفت واحدة بتاعت شاب عامله 77 الف بس قولت بلاش اشوف حاجة احلى وادينى بدور لو ملقتش هجيب سيراتو