شكرا للرد يا فندم س بصراحه اللى مخوفنى منها اسعار قطع الغيار و الصيانه و عايز اعرف حاجه كمان لو سمحت هى الفانتازيا اول فئه فيها ايموبيليزر ضد السرقه
عرض للطباعة
الايموبلايزر حاجه فى العربيات الالمانى من زمان
انا برشح الفانتازيا
وقطع غيارها مش غاليه ولا حاجه
التيل فى التوكيل ب 400 جنيه تقريبا
برا التوكيل اقل بكتير
فلاتر سيور كلها اسعار طبيعيه جدا جدا جدا
و ناس كتير بقت شغاله فى الاوكتافيا
والعربيه فى السوق من زمان و محفوظه
قطع الغيار عندك استيراد و اصلى توكيل و اصلى برا التوكيل و صينى و تايوانى و حاجات كتييييييييييير
يعنى مثلا الرفرف ممكن تجيبه ب 170 جنيه !! و ممكن تجيبه ب 1200 جنيه :)
و العربيه ثابته جدا ..سحبها مرضى جدا (لكنها مش زى الالنترا بسبب فرق الوزن)
فخمه
كماليات الفئه الاولى ممتازه ..تاره ملتى ..بلو توث ..سى دى ..مثبت سرعه ..فوجات ..كل انظمه الفرامل و 2 ايرباج
و من وجهه نظرى ..اكثر عربيه محتفظه بقيمتها فى السوق
شكرا يا خالد باشا للرد انا متابع مواضيعك فى قسم سكودا وبجد كلامك فى موضوع الفتيس كان ممتاز و ان شاء الله قريب تقبلونى صديق فى قسم سكودا. بس ياريت حضرتك تعملنا تقرير حلو عن الفانتتازيا زى تقريرك الرائع عن الفتيس لان بصراحه انا بثق فى كلام حضرتك وفى كمان حاجه انت متوقع تغيير شكل الاوكتافيا قريبا خاصة ان شكلها من 2008 معلش تقلت عليك وشكرا
والله شرف ليا ان حضرتك تقول الكلام ده عنى ..
ان شاء الله قريب هعمل تقرير مدمج ..بين الفانتازيا و الفيكترا السى ..هيوضح مزايا و عيوب الاتنين و نقاط ضعف و تفوق الاتنين ..
بالنسبه لتغيير الشكل عشان مبقاش بفتى بصراحه معرفش لانى الفتره دى مش متابع اوى ..ومحليا محدش بيعرف التوكيلات بتقول الشكل هيقعد 100 سنه عادى ..فالحاجات دى بتتعرف من الاخبار العالميه لان برا بيعلنو عن تغيير الشكل قبله ..
لكن "اعتقد" ان 2012 مش هيبقى فى تعديل و سكودا عموما بتقعد الشكل فتره طويله شويه
وانا من رايى الفانتازيا دلوقت صفقه كويسه بالفتيس ده ..لانها فى طريقها للنزول بالفتيس ال dsg الى بينزل فى الجيتا و الباسات و الى للاسف اثبت فشل كبير جدا فى مصر ..
وانا تحت امرك ولا تقلت عليا ولا حاجه بالعكس انا مبسوط ان حضرتك بتثق فى كلامى ويا رب اكون عند حسن ظن حضرتك