الموضوع: تقرير عن صيانة ال35000 كم وتركيب زينون بالفوجات بأوتو إيجيبت

المشاركة الأصلية كتبت بواسطة ahmed.tv

الف مبروك الصيانة يا احمد بيك .. وعقبال صيانة المليون يارب

تقرير محترم ونقد محترم وبناء

بخصوص الزينون .. انا كنت فاكر لما كنت معاك .. ان مهندس هانى مدير قطع الغيار قالى انه صينى فعلا .ز وده قبل ما انت تعرف .. وبعدين لما جه واحد تانى قالك انه تايوانى .. استغربت .. بس فرحت قولت يمكن هو اللى يعرف مثلا .. بس واضح انهم اتلخبطوا وده كان اول يوم بيركبوا الاكسسورات وكان فى كذا واحد

وكمان بصراحة عرفت انهم كانوا مفروض يستنوا شوية على عرض ورص الاكسسوراات عشان يكون كل حاجة متظبطة

المهم لما عرفت انك قولتلى انهم قالوا انه تايوانى انا كمان فرحت .. ولما جينا عند نقطة التركيب .. روحنا وسالنا مدير الصيانة احمد الرزاز وقال انه مش بيتوصل فى الضفيرة ..

وعشان كدا انا حتصل بيه واتاكد من القصة دى .. لان بردوا الواحد لازم يتاكد .. لان لو كلامه صح واتضح انه تم التوصيل بالضفيرة يبقا لازم نرجعلهم .. ولا كلامه صح واتوصل بالبطارية فعلا .. يبقا الكهربائى اللى بص بص على حاجة غلط او قديمة عندك وحصل لخبطة .. لان تقريبا انت كنت مركب زينون قديم قبل كدا

فا انا على العموم حتاكد منهم فى المركز عشان المصدقية اهم شى طبعا

وبخصوص سعر الزينون بره اذا كان ارخص .. من جوة .. وحتى اللى جوة تايوانى تقفيل صنى .. او حتى كان صينى كله .. الصينى درجات

ممكن ماركة ال hd فى موردين بيستوردوها درجة تانية عشان يقدر يكسب منها .. وممكن حد تانى نفس الماركة يستوردها درجة اولى بسعر اعلى شوية بس تكون مضمونة

وبعدين دى بتتابع جوة التوكيل وحتى بغض النظر عن ان التوكيل بيحط مكسب فيها .. الا ان بيعطيك ضمان فعلى عليها حقيقى .. وتريح دماغك لو حصل فيه حاجة .. وبمنتهى الهدوء بيتم التغير .. على عكس لو الواحد شارى من محل .. والواحد يروح بيتعب قلبه معاهم .. وندخل فى نقاش ان مين الغلطان .. لان ممكن يقولك المحل ابسط شى اللى ركبلك ووصل حرق الزينون والمديول .. وقصة بقا وشد وجذب ..

لكن فىا لتوكيل انت بتقعد مرتاح .. لانك مركبه عندهم وبتقولهم الجهاز فيه كذا كذا .ز وهما عشان سمعتهم بيغيروا الجهاز بهدوء .. عشان يرضوا العميل ..

وكمان انت بتاخد ضمان على الجهاز وعلى العربية اذا لقدر الله الجهاز ده عمل حاجة فى كهربة العربية

وانا باذن الله حتاكد تانى من موضوع تركيب الجهاز على الضفيرة ولا على البطارية وحرجعلك

وبخصوص موضوع الفلتر بتاع البنزين .. هو فعلا كل عربيات الصنى والتيدا وكل عربيات نيسان الفلتر جوة الطلبمة .. ودى اكيد سياسة تصنيع .. وماشية على كل العربيات .. وصعب انها تتغير

بس ححاول اوصل واعرف السبب فيها من المصنع .. واعرف هما عمالين كدا ليه

لان خالى بالكم .ز نيسان على دراية كويس اوى بنوعيات وخامات البنزين عندنا وعارفين انه سئ .. وعشان كدا مش عايزين ينزلوا عربيات تربوا فى مصر .. عشان حتى كفاءة البنزين ال95 فى مصر .. مش كويس

بس على العموم ححط الموضوع ده فى دماغى باذن الله

هى عربيتك يا احمد بيه .. موديل كام .. وماشية كام الف كيلو

تحياتى ليك

والف مبروك الصيانة

والواحد كان سعيد جداااااااااااااا انه اتعرف عليك يوم الصيانة فعلا

وان شاء الله نشوفك فى اقرب فرصة باذن الله

شكرا يا أستاذ أحمد على المتابعه والاهتمام ، بس أنا كنت هستنى معرض فورميويلا اللي حضرتك قولت لي عليه في شهر 2 علشان أشتري زينون أورجينال ، ولكن لما لقيت الزينون تايواني قولت يبقى كويس وشاورت سيادتك فيه ، وأنا أكدت على مهندس هانى مدير قطع الغيار إنه تايواني بالكامل قالي بالكامل قولت مثلا ممكن يكون تايواني متجمع في الصين رجع أكد لي على المعلومه ، وعلشان كده ركبته عندهم .

بس لما شوفت العلبه وجدته صيني رجعت له تاني وبعد رده عليَ إن الموديول هو اللي تايوني ، حسيت إن هناك سؤ فهم ، نظرا لأن المهندس هاني رجل كله أدب وذوق ومش ممكن يكون بيورطني ، فالخطأ وارد ، وموضوع الضفيره ممكن تكون التعليمات مكانتش واضحه للفنيين بضرورة تركيبه على البطاريه مباشرة ، وكل ما سبق يمكن تداركه لأن المركز لسه فاتح جديد ويهمه العميل وإحنا كلنا هنكون زبائن دائمين ومش معنى إن حد حصله مشكله إن كل الشغل بيكون فيه مشاكل ، لأن في الغالب بيكتبش موضوع إلا إللي عنده مشكله مستعصيه أو كبيره أما اللي راح وعمل صيانه أو ركب قطع غيار ومفيش فيها مشكله بيكون ده العادي وبالتالي لا يتم تداول ذلك على صفحات المنتدى إلا من القله من الأعضاء الناشطين .

لذا أحب أن أنوه أن مركز الصيانه التابع لأوتو إيجيبت يستحق الإعجاب والاهتمام نظرا لمستوى الخدمه المتميز والفنيين الممتازين ولا يعبهم إطلاقا شيء بسيط مثل ما حدث معي في الزينون والدليل على ذلك إهتمامهم بمشكلة ال abs الخاصه بالأستاذ سامح وما نقلته حاولت تحري الموضوعيه فيه قدر الإمكان دون تحيز أو شطط ، فذكرت المزايا والعيوب آملا أن يكون لديهم كل ما هو مميز دون أي عيوب .

وبخصوص سيارتي فهي تيدا 2010 فول أوبشن بلس ، 35000 كم


شكرا لكم مرة أخرى يا أستاذ أحمد ومنتظر ردكم

مبروك يا باشا على الصيانة وعقبال صيانة 1000000