الموضوع: مش قادر أفهم الشباب عايزين ايه !!!

انتا هتقولى على العمال كل ده كوم و فئه المعمار و البناء كوم تانى
بصراحه من غير قله الادب مبيشتغلوش و سرقتهم و غلطتهم بفوره ربنا يتوب علينا بقا

المشاركة الأصلية كتبت بواسطة mazagangee

طموحات ايه ........... دول عمال و كبيرهم دبلوم صنايع
امال احنا نعمل في تفسنا ايه بقى لما دول عندهم طموحات يبقوا اصحاب مصانع

انا هقول لحضرتك على حاجه لانى عاصرت الموضوع ده فتره طويله واتعاملت مع العمال لفتره طويله عن قرب

كنت فى فتره عندى محل وكان شغال معايا صديق ليا وزميل دراسه قديم
كان بياخد مرتب معقول وكان عنده طموح عادى جدا
كنت دايما اهزر معاه فى موضوع الجواز وكان يقولى انا معنديش مانع
خد مرتبى كله وانا هاكل وهشرب فى بيت ابويا وهاجى كل يوم مشى مش هركب حتى ميكروباص وورينى هتجوزنى ازاى
لما يحسب مرتبه بالكامل وازاى يقدر يجيب شبكه وعفش وفرح بيلاقى انه محتاج عمر طويل علشان يتجوز (غير انه معندوش شقه وهيأجر فى الاخر )
غيره شاب كان شغال فى الشركه معانا كان بياخد مرتب اعلى من اللى حضرتك بتقوله وبرده نفس المشكله بس ده فى القاهره وطبعا الظروف اصعب
الطموح مش انه يكون صاحب شركه او مصنع
بس فكره انه صعب يكون انسان طبيعى ويقدر يتجوز ويفتح بيت ويتقدم لبنت ويوافقوا عليه مش موجوده وبتخليه معندوش استعداد يشتغل
تخيل انك بتقول المرتب كبير بس بالنسبه له هو مجرد تقضيه وقت عمرها ما هتوصله لحاجه
فبيضطر انه يقضيها ايام ويعيشها والسلام وبالنسبه له الشغل مبيحققش له اى حاجه ولا هو فرق كبير عن اى مكان تانى علشان يتمسك بيه
يعنى عندك هياخد 750 وبره ممكن ياخد 500 وفى مكان تالت ممكن 1000
كله هيفرق فى مجرد نوع السجاير اللى بيشربها
بس دى مش هتحقق له حلم ولا طموح ولا التانيه
وانسان بلا طموح او حلم مش هيقدر يشتغل ولا ينتج
الحاجه الوحيده اللى بتخلى الواحد يعيش ويشتغل هو الامل فى بكره وعند العامل ده الامل شبه معدوم