الموضوع: هم ليه تجار العربيات المصريين لازم يعملوا حركات مش ولا بد ؟

السلام عليكم

بقالى فترة بايع عربيتى فى الإمارات لظروف و مأجر عربية.....و بعد ما قررت أشترى عربية تانية حصل موقف مش ظريف من تاجر عربيات مصرى وهو صاحب المعرض مش شغال فيه.

الراجل ده معرفة واحد صاحبى.....و كنت بكلمه لما يكون قدامى عربية أستشيره فى السعر.....و طبعاً كنت بسأله لو عنده الموديلات اللى بدور عليها.

المهم الخميس اللى فات رحت أتفرج على عربية عنده بعد لما كرهنى فى عربية تانية كانت قدامى و كانت ماشية 29 ألف كيلو بس.....العربية اللى عنده معجبتنيش و شوفت واحدة تانية و عجبتنى.....و قولتله أنى هرد عليه بالليل.

يومها بالليل كلمته و قولتله أنى هتوكل على الله......هنبدأ الأجراءات أمتى.....قالى أصبر لما ورق العربية يوصل علشان الورق لسه مجاش......طيب أديك عربون علشان تحجزها.....قالى لما الورق يجى بس.

كلمته أسأل على الورق يوم السبت و الأحد و الأتنين....و مكلمتهوش الثلاثاء....و رجعت كلمته الأربعاء.....بعتلى رسالة قالى أنه مسافر دلوقتى....و ادانى رقم شريكه( مصرى برضه)....كلمت شريكه إمبارح و أتفقت أنى أروحله النهاردة...رحت النهاردة....و كانت المفاجأة......بيفرجنى على عربية تانية.........

-يا عم دى مش اللى أنا عاوزها........انا عاوز الرمادى
-أيه ده هو أنت مكلم شريكى على الرمادى ؟
-أيوة.......و من أسبوع
- بس ده أنا لسه واخد عربون فيها أمبارح بالليل
- يا عم أنت أنا مش مكلمك عليها من أمبارح ؟
- قالى أنا كنت فاكرها دى مش الرمادى
- ده أنا بقالى أسبوع مستنىيها......و قولت لشريكك أدفع عربون قالى أصبر لما الورق يجهز.

و فى النص غلط و قالى أنه بايعها على سعر أعلى ب 3 الاف درهم من السعر اللى شريكه أتفق معايا عليه.

هو ليه التجار المصريين لازم يعملو حركات نص كم ؟؟؟؟؟؟؟؟

حسبى الله و نعم الوكيل..........ضيعو عليا أسبوع من الشهر الأيجار على الفاضى.....و لا بدور على عربيات ولا اى حاجة....و مش عارف هلحق أجيب عربية تانية قبل ما شهر الإيجار يخلص ولا لأ.

المشاركة الأصلية كتبت بواسطة M.Zaher

للاسف اسوء تعامل بالخارج مع المصريين الا من رحم ربي وهم قليل جدا بالمناسبه

معاك حق إلى حد كبير

المشاركة الأصلية كتبت بواسطة نور القمر

هي دي فهلوة المصريين
مدام بيماطل يبقى الموضوع فيه ان

للأسف كلامك صح

المشاركة الأصلية كتبت بواسطة omaroof

اخى العزيز التجار هما التجار مايهمهوش جنسيتك كل اللى يهمك حايطلع منك بكام
لسه واحد صاحبى اتنصب عليه من تاجر يمنى
ينى المبداء واحد عن كل التجار

ده طبيعى يا باشا و أنا عارف كده بس كنت فاكر أنه هيعمل حساب للمعرفة......مش شرط الحساب يكون أنه يعملى خصم........بس على الأقل أخد منه عربية نضيفة.

المشاركة الأصلية كتبت بواسطة wel00000

وحضرتك ليه اتجهت للتعامل مع التجار والمعارض .... ممكن تدخل على dubizzle وتشوف الى انت عايزة و هتلاقى كل حاجة موجودة...

للأسف العربية اللى كانت معروضة عنده سعرها أقل من dubizzle بحوالى 6 ألاف درهم
و أنا مضغطتش عليه فى السعر اللى قالهولى نهائى.

و أنا من قبل ما أروحله و أنا بدور على dubizzle و ما زلت.

ربنا يكرم.