الموضوع: نيسان صني 2002

كتيييير جدا 300000 ألف كيلو وسعرها ميزدش عن 45

المشاركة الأصلية كتبت بواسطة meller

بس بصراحة انا شايف ان الراجل صريح وكان ممكن يقلب العداد من غير ما اعرف ويحط الرقم الا هو عايزه والا كان ممكن اي حد يعرف اصل العداد اية وبعدين كمان هو قالي انه كان بيسافر بيها كتير وبخصوص السعر هو بيقولي انه مركب كاسيت dvd وبازوكا وسماعات بيونير اصلي وعامل شوية شغل في العربية وانا بحاول انزل من سعرها بس بردوا عايز راي الرجاله

انت عارف يعني أيه عربيه عامله 300000 ألف كيلو

بيتهيألى انا من فترة قريت موضوع مشابه لنفس مواصفات العربية دى وكانت ماشية كتير برضه ومحتاجة تغيير عفشة كاملة وماخفى كان اعظم
وشوف الموضوع ده لما عضو كريم راح كشف على عربية مستعملة فى التوكيل من امبارح
http://www.nilemotors.net/Nile/264670-a.html
نصيحة بلاش السعر القليل يزغلل عينك وتشتريها وبعدين تفاجأ بمصاريف لا حصر لها لأن قطع غيار الصنى الاصلى غالية شوية مقارنة بالكورى بس اقل من يابانى تانى ومش كتير من اصحاب المستعمل بيصرفوا على عربياتهم ويهتموا بحالتها وصيانتها
ووش كده الموتور هايحتاج مصاريف لأنه 300.000 كم
والاهم من حالة العربية هو صاحب العربية لأنها بتفرق كتير صدقنى وده اللى مكرهنى فى سوق المستعمل
تبقى العربية زيرو باكياسها وتلاقى صاحبها رايح شارى جركن زيت وفلتر ويركبهم برة وماشى بيها لا تربيط عفشة ولا تدوير عجل ولا زبط زوايا ولا حتى زبط ضغط العجل !!!!!!!!!!!