ايه هو الوقت المستخدم لتسخين العربيه انا بفضل مستنى لحد المؤشر ما يوصل لمكانه الطبيعى ال هو تحت النص بشرطه ودا بياخد حوالى خمس او ست دقائق هل كده صح ولا بمجرد ما المؤشر يبتدى يتحرك يبقى العربيه سخنت وابتدى اتحرك خاصه فى فصل الشتاء :3_3_102[1]:
عرض للطباعة
ايه هو الوقت المستخدم لتسخين العربيه انا بفضل مستنى لحد المؤشر ما يوصل لمكانه الطبيعى ال هو تحت النص بشرطه ودا بياخد حوالى خمس او ست دقائق هل كده صح ولا بمجرد ما المؤشر يبتدى يتحرك يبقى العربيه سخنت وابتدى اتحرك خاصه فى فصل الشتاء :3_3_102[1]:
من اللي قريته في الكتالوج ... مكتوب استني 30 ثانية وبعدين سوق العربية بسرعة منخفضة لمسافة متوسطة لان كتر التسخين على الواقف بيسبب تراكم العادم او شيء من هذا القبيل
بس انا على سبيل الاحتياط وعشان اضمن الزيت ينتشر كويس لجميع اجزاء المحرك بستني من دقيقتين ل 3 وبتحرك بسرعة منخفضة لحد ما مؤشر الحرارة يعدي اول درجة من تحت وبجري زي مانا عايز لانها خلاص دخلت مدى حرارة التشغيل operating temperature !
ال انا سمعته ان الواحد ميمشيش بالعربيه الا لما تاخد وقتها علشان الزيت بيكون متراكم تحت بسبب الركنه من بليل وميحصلش احتكاك زياده فاستنى لحد الزيت ما يوصل كمان واضح من المناقشات ان اختلاف انواع الزيوت منها التقيل ومنها الخفيف يبقى اكيد وقت التسخين بيختلف على حسب نوعيه الزيت ومؤشر السياره
اللي انا قريته ان الزيت التخليقي بياخد حوال 3 ثواني عشان ينتشر نظراً لخفته والمعدني بيوصل ل 11 ثانية
الامر المحير بقى ان كتالوج اللانوس هو اللي بيقول كدا .. ومعظم كتالوجات السيارت الحديثة هتلاقيها بتقول نفس نفس الكلام .... الوقوف لثواني وبعدين التحرك ببطء نسبي وهو دا أفضل طريقة للتسخين
اكيد هما ادري .. وطبعا الخبراء هنا لسه هيفيدوك ويفيدوني
انا جربت كل حاجة ....
1- جربت اسخن 30 ثانيه و اطلع بالعربيه بالراحه
لقيت العربيه بتبقي تقيله و صوت الموتور عالي و المؤشر بياخد وقت لغايه ما بيوصل للحراره الطبيعيه اللي هيا تحت النص بشرطة . و لقيتها بتستهلك بنزين زياده
2- جربت اسخن لغايه اول ما مؤشر الحراره يبتدي يتحرك و بعدين اطلع براحه
لقيت العربيه بقت افضل في المشي و صوت الموتور اهدي شويه و خدت وقت اقل في الوصول للحراره الطبيعيه .
3 - جربت اسخن لغايه ما المؤشر يوصل لدرجه الحراره الطبيعيه و دي خدت عده دقايق و بعدين اتحركت
لقيت اراء كتير بتقول انه غلط .
بقيت اعمل الطريقه رقم اتنين و خير الامور الوسط :tumb:
انا قبل كده شوفت محمد ممدوح قال ان المفروض نسخن العربيه 10 ثوانى
وبعدين نمشى بيها
انا عن نفسى بدورها و لو فيه مثلا تراب على العربيه بنزله بالفرشاه
وافتح المرايات واتوكل على الله
يعنى فى رينج 30 ثانيه ومش حاسس باى مشكله
ومعلومه ان الزيت بيبقى متراكم تحت دى ونستنى شويه عشان يطلع مش صح
هو فعلا الزيت بيبقى نازل فى الكارتيره
بس مع اول تدويره الزيت بيتضخ بطرمبه الزيت وفى ثانيه بيكون ابتدت عمليه التزيت والا الماتور هيبوظ لو مكانش دا بيحصل
30 ثانية وامشي بس خلي غياراتك علي 2 الي 2.5 ار بي ام لحد المؤشر مايوصل لوضعه الطبيعي