الموضوع: هل الضرائب و الرشاوي و الواسطه....حلال ام حرام في هذا الزمن!!!!!!!!

المشاركة الأصلية كتبت بواسطة TaoTao

هو الواحد كان محتار فعلا في موضوع الرشوة/الإكرامية اللي الواحد بيمشي بيها مصالحه ..
النص الصريح بيقول "الراشي والمرتشي في النار" طيب المبلغ البسيط اللي لازم -وأكرر لازم- ندفعه عشان المصلحة تنقضي وإلا ... انتو عارفين !
يعني لو المرتشي بس اللي هاياخد العقوبة كان ماشي، يغور في داهية بالخمسة جنيه اللي هايقلبها .. إنما العقوبة تشمل الراشي والمرتشي !! والعمل؟

بالنسبة للضريبة والجمارك دي موارد سيادية للدولة، لا أعرف وضعها الشرعي ولكن الضرائب معروفة منذ فجر الإسلام أيام خلافة سيدنا عمر بن الخطاب

حاحكيلك حكاية

مرة كنت مسافر فرنسا
ورحت أخد الفيزا الشنجن من القنصلية الفرنسية في اسكندرية
عملت المقابلة وأخدت الموافقة وقالتلي الموظفة تعالى خدها بكرة وكان بكرة ده الخميس
والنظام في القنصلية إنك بتستلم الباسبور من فرد الأمن على البوابة مبتدخلش جوة تاني

المهم رحت تاني يوم الصبح فرد الأمن قال لي الباسبور مطالعش تعالى الساعة 3 العصر

سيبت شغلي ورحتله تاني الساعة 3, قعد يبص في الدرج بصه أي كلام , قاللي لسه في القنصلية جوة تعالى أول الأسبوع الجاي
رحت بعد ويك إند طويل (مش فاكر يمكن بيفتحوا الإتنين أو حاجة زي كده) رحتله الصبح , قالي لسه مافيش باسبور باسمك
فقلت له أنا عاوز أعمل مقابلة تانية
دخلت وأخدت دور وبعد عدة ساعات وصلت للموظفة اللي وافقتلي يوم الأربع وقلتلها الباسبور ماستلمتهوش من يوم الخميس زي ما وعدتيني , استغربت قوي وقالتلي إزاي بسبورك على البوابة من يوم الأربع أصلا

فرحت طالع للحيوان إللي أجلي سفري 4 أيام وهزأته وأخدت باسبوري اللي كان معاه من يومها ومشيت

بالله عليك لو أنا كنت لاقدر الله مسافر أعمل عملية مستعجلة , كنت أدفع له من الأول العشرة جنية وألا أتعطل كل ده وألا أطبق في زمارة رقبته ؟؟؟؟؟؟؟

المشاركة الأصلية كتبت بواسطة ruqi

فكرة وصانا عليها القرآن

وعلى الأقل هناك حتعيش مواطن درجة تانية و أنت عارف ليه , إنما هنا إنت عايش مواطن درجة ثالثة ومش عارف ليه !!!!

بِسْمِ اللَّهِ الرَّحْمَنِ الرَّحِيمِ

إِنَّ الَّذِينَ تَوَفَّاهُمُ الْمَلَائِكَةُ ظَالِمِي أَنْفُسِهِمْ قَالُوا فِيمَ كُنْتُمْ قَالُوا كُنَّا مُسْتَضْعَفِينَ فِي الْأَرْضِ قَالُوا أَلَمْ تَكُنْ أَرْضُ اللَّهِ وَاسِعَةً فَتُهَاجِرُوا فِيهَا فَأُولَئِكَ مَأْوَاهُمْ جَهَنَّمُ وَسَاءَتْ مَصِيرًا (97) إِلَّا الْمُسْتَضْعَفِينَ مِنَ الرِّجَالِ وَالنِّسَاءِ وَالْوِلْدَانِ لَا يَسْتَطِيعُونَ حِيلَةً وَلَا يَهْتَدُونَ سَبِيلًا (98) فَأُولَئِكَ عَسَى اللَّهُ أَنْ يَعْفُوَ عَنْهُمْ وَكَانَ اللَّهُ عَفُوًّا غَفُورًا (99) وَمَنْ يُهَاجِرْ فِي سَبِيلِ اللَّهِ يَجِدْ فِي الْأَرْضِ مُرَاغَمًا كَثِيرًا وَسَعَةً وَمَنْ يَخْرُجْ مِنْ بَيْتِهِ مُهَاجِرًا إِلَى اللَّهِ وَرَسُولِهِ ثُمَّ يُدْرِكْهُ الْمَوْتُ فَقَدْ وَقَعَ أَجْرُهُ عَلَى اللَّهِ وَكَانَ اللَّهُ غَفُورًا رَحِيمًا (100)

سورة النساء

طيب هو الهجرة بالساهل يا ريت حد يقولي اهاجر إزاي
زمان الواحد كان ياخد بعضة ويسافر حتي لو هياخدها مشي علي رجلية. لكن دلوقتي جواز سفر وتأشيرة و موال كبير. والله الواحد اتعقد وتعب نفسيا لو حد عنده حل يا ريت يقولي

المشاركة الأصلية كتبت بواسطة madyyuri

طيب هو الهجرة بالساهل يا ريت حد يقولي اهاجر إزاي
زمان الواحد كان ياخد بعضة ويسافر حتي لو هياخدها مشي علي رجلية. لكن دلوقتي جواز سفر وتأشيرة و موال كبير. والله الواحد اتعقد وتعب نفسيا لو حد عنده حل يا ريت يقولي

السودان ... الحل هو السودان

طب مالها الصومال

عَنْ أَبِي ذَرٍّ ـ رضى الله عنه ـ
أَنَّهُ سَمِعَ النَّبِيَّ صلى الله عليه وسلم يَقُولُ ‏

"‏ لاَ يَرْمِي رَجُلٌ رَجُلاً بِالْفُسُوقِ، وَلاَ يَرْمِيهِ بِالْكُفْرِ، إِلاَّ ارْتَدَّتْ عَلَيْهِ، إِنْ لَمْ يَكُنْ صَاحِبُهُ كَذَلِكَ ‏"‏‏

صحيح البخاري