الموضوع: عاوزة اعمل جواز سفر

بيتعمل في قسم الجوازات اللي بيخدم منطقة السكن (السكن حسب البطاقة طبعا) حضرتك بطاقتك في منطقة ايه؟

و ساعات كذا منطقة بيخدمهم نفس المكتب يعني مدينة نصر بيخدم مدينة نصر و القاهرة الجديدة (التجمعات الاول و التالت و الخامس و الرحاب و مدينتي و الشروق) و البعوث الاسلامية بيخدم الدراسة و الظاهر و العباسية

1- بطاقة حضرتك + صورة منها

2- لو البطاقة مذكور فيها متزوجة و اسم الزوج تمام

مش موجود تجيبي القسيمة و صورة منها

3- لو المهنة اللي في البطاقة هي اللي هتتكتب في الباسبور خلاص

لو حاجة تانية تجيبي اثبات ليها (حسب المهنة بقى حاصلة على بكالوريوس ليسانس ماجستير الخ الخ بتجيبي المؤهل .... اي مهنة اخرى قطاع عام او خاص تغيري البطاقة الاول)

4- صورتين بخلفية بيضاء 4 في 6

5- اصل اخر جواز عند حضرتك + صورة من صفحة البيانات (لو كان مميكن) أو تصوير من صفحة 2 إلى صفحة 9 (لو كان باسبور يدوي)

6- الاستمارة مجانا من قسم الجوازات

7- اخيرا و ليس اخرا نصيحة اطلبي طباعة اسم الزوج بالانجليزي و يكون بنفس الهجاء بتاع اسمه بالانجليزي في باسبوره .... و دي بتمضي اقرار في استمارة حضرتك بذلك ...... و دي مفيدة لو سافرتم سوا دولة اسلامية غير عربية (ماليزيا او اندونيسيا مثلا) ....

8- الرسوم 135 جنيه و الاستلام بعد 3 ايام و لا يتم مصادرة الجواز القديم و لكن يتم الاطلاع عليه و رده لك فورا اثناء التقديم

9- الاطفال بقوا على جوازات مستقلة مفيش حاجة اسمها جواز يضم شخص اخر