والله شكلى كده هاغير النشاط قريب على ايديكم يا جماعة الخير
اصل الحاجات دى بتفرق والمعلومات اللى عندك كمان خاصة لما بتتعامل مع تجار
من يومين واحد صاحبى معاه لانوس 2 وعاوز يغيرلها كاوتش وقصدنى لأنه عارف انى ليا فى العربيات قولت اروح معاه وهو بيتفرج واسهل عليه اخذ القرار
طريقة كلامى مع التجار وعلامات ورموز الكاوتش وصناعته وغيرها بتفرق من واحد لواحد
يعنى جه يقوله على فردة ماكسيس سرعات فى مقاس 175/70-13 .. قولتله وهاتفرق فى ايه هو لو قفل عداد مش هاتجيب اكتر من 170 يعنى لو فردة s اخرها 180 او t اخرها 190 شغال طلع يقصد الh اللى اخرها 210 مع ان السرعات يعنى v و w اخرهم 240-270 !!
ده غير رموز اقصى تحميل زى 91 = 615 كجم على سبيل المثال
وواحد تانى لقينا عنده سوميتومو يابانى عجلة تحفة مالهاش حل ع الطريق (جربتها فى بولونيز زمان مقاس 175/80-13 ما بقتش تنزل اساسا) يقولى ما تاخدهاش عشان باخاف من جوانبها بتتقطع من كتر الحك فى الرصيف وانت بتركن!!! .. مع ان جسم اللانوس خارج برة العجل وشبه مستحيل حد يحك فى الرصيف
وروحنا اخيرا لوكيل بريدجستون عندنا وجبتله اسعار كل الماركات اللى عنده
من الاخر الكل بيفتى وخلاص وعن نفسى لازم اكون مقتنع بكلام اللى قدامى ومفيش حد كلامه زى التانى وكل واحد بيحلى البضاعة اللى عنده وخلاص
المفضلات