**-- دعــــــوة مجــــــانيــــة لكــــل الأعضــــــاء --**

قبل ما أتكلم عن الدعـــــــوة أحب أخص بالشـــــــــكر العضو الفعال الذى أضاف الكثير و الكثير لنايل موتورز ألا وهو العضو درش صــاحب الدعوة الكريـــــمة لكل أعضـــــاء نــايــل موتـــورز الكرام :) --أعضاء بس مش جيران و معارف الأعضاء ههههه--

و قبل الدعوة برده لازم نهنى درش و نباركله على وصــــــــــول أحـــــــــدش جـــــــهاز ضبــــــــــط زوايـــــــــا مش فى مصر بس لأ ده فى الشرق الأوسط كله :)

وبمناسبة وصول الجهاز الجديد درش بيدعوا كل الأعضاء الكرام بالكشف المجانى على الجهاز الجديد فى أى وقت فى يوم الأحـــــــــد القـــــــادم بعون الله الموافق 17-6-2007

الدعوة عامة و الكل مدعوا إن شاء الله بس ياريت درش بقى يكلمنا حبه عن مواصفات و محاسن الجهاز الجديد و يكلم الناس عن وصف المكان عشان إللى عنده الزوايا معقداه :)

على فكـــــــرة أنا أكثر واحد عربيتى دوختنى مع بتوع الزوايا و الكل كان بيفتى و بيعمل فاهم و محدش صلح و ظبط غيـــــــــر درش و أعتقد الكل أو معظم الناس سمعوا حكاياتى مع الحدفة و الزوايا قديما حتى ظهر أبو درش الله يكرمه هو إللى ظبطها :)

انا جاي انشاء الله يا درش مقدرش اقاوم الدعوات المجانية :mrgreen:

في انهي فرع يا محمود وياريت العنوان علشان خدمة البحث الانت حارمنا منها :wink:

بس بلاش شرح المكان بال GPS احسن انا ابيض خالص فى البتاع ده :lol:

يعنى مثلا انا جى من مدينة نصر او المعادى فى اليوم ده, اوصل المطرية ازاى؟

و لا اخد المترو و اربط العربية فيه من ورا :mrgreen:

واحده واحده يا جماعه ونبي

أيوه كده

تعالو بقى عشان أعرفكم على الجهاز والماركه والصناعه والأمكانيات بتاعت جهاز "درش" إللي هوه مش هايقدر يوصلها لكم

ومش هايقدر يوصل لكم أمكانيات جهازه عشان الراجل ده مابيحبش يتكلم كتير عن نفسه ولا عن شيء يملكه

عشان كده سيبوني انا أقول لكم على القصة كلها

درش راجل بتاع زوايا بس مش زي أي حد ... ليه ؟ عشان هو بيحب التكنولوجيا ومابيحبش الوقوف عند حد معين وخلاص

الراجل ده اول معرفتي به شوفت الجهاز إللي عنده من سنتين لقيته أحدث جهاز على الأطلاق في ظبط الزوايا حاجه كده بدون أسلاك ولا أحبال ولا يحزنون كله WIRELESS وتلاقي العربيه بعدها أتظبطت توماتيكي توماتيكي
وتشوف بنفسك على الشاشة عربيتك وهيه بتتظبط توماتيكي توماتيكي كل ما الصانيعي يربط صاموله تلاقي الشاشاه عليها جرافيك محاكي لما يقوم به الصانيعي تحت في المجرى

المهم مش هاطول عليكم بعد ما أتعرفت على درش وبقينا أكثر من أصحاب رحت وأتدربت عنده لمدة شهور على ظبط الزوايا ومن خلال معرفتي به لقيت نفسي عاوز أفيد الراجل ده باي حاجه وربنا قدرني ورديت جزء صغير جدا جدا من الجميل إللي في رقبتي له (كفاية أنه كان مستحمل بليه زيي)
ومن كتر حب درش في التكنولوجيا قدرنا نجيب أجهزة حاسب ألي في الفروع وقدرنا نربط الفروع ببعض عن طريق "النت" وكمان عملنا برنامج مخصوص للعملاء عشان يبقى في لكل عربية ملف خاص بها لدى المركز وحاجات كتير قوي درش مابيتأخرش ابدا في عمايلها طالما في مصلحة العميل وبالتالي في مصلحة المركز لان رضا العميل يجعله يتمكسك بالمركز

جهاز درش
http://www2.0zz0.com/2007/06/13/23/69975243.jpg
http://www3.0zz0.com/2007/06/13/23/91197910.jpg
http://www4.0zz0.com/2007/06/13/23/47644192.jpg
http://www4.0zz0.com/2007/06/13/23/82367540.jpg

واخيرا "درش" جاب الجهاز الأحدث من الجهاز الحديث إللي هوه احدث من أحدث جهاز وبقى عنده الجهاز إللي أحدث من الجهاز اللي أحدث من الأجهزة ههههههههههههههههههههههههه ههه


طبعا أنا منحاز لصاحبي وبكتر في الكلام وعارف أنكم مش هاتزهقوا مني

المهم قولولي كتر يا "بايوو" كتر

هاقول لكم أن درش جاب جهاز نيتروجين لنفخ العجلات في فرع المطريه والجهاز ده بقى هو مش عازم حد عليه مجانا لكن أنا بدبسه قدامكم أهه وبقوله خاللي اليوم الأول للجهاز بتاع النيتروجين مجانا يا درش (هو صاحبي بس أنتم حبايبي هههههه ولازم أدبسه برضه)

ها قلت أيه يا "درش" ؟

يا بايو باشا عاوزين نعرف نوصل هناك ازاى؟

ؤصفة لواحد اول مرة يجى المطرية بالعربية

اقتباس:

---

المشاركة الأصلية كتبت بواسطة معاذ الشرباصى

يا بايو باشا عاوزين نعرف نوصل هناك ازاى؟

ؤصفة لواحد اول مرة يجى المطرية بالعربية

---

عينيه الأتنين يا دكتور معاذ

بس هاستأذنك بكره عشان انا عاوز انام بعد أذنك وطلبك ده أول حاجه هانفزه بكره إن شاء الله

يا باشا خد وقتك مفيش استعجال

و متشكرين, دايما كده تعبينك معانا

يا جماعه والله أنا مش عارف أقول أيه أقل واجب أني أعمله معاكم أني أدعوكم عشان تشوفوا أحدث تكنولوجيا في مصر والشرق الأوسط وبكل فخر لي أن تشرفوني بان تقوموا بتجربة هذا الجهاز مجانا لجميع أعضاء المنتدى
وجبت كمان جهاز النيتروجين في فرع المطريه
وجهاز النيتروجين أنا صممت أني اجيبه بعد ما طلبتوه مني

ياريت يا أبو درش تشرح وصفه للناس القادمة للورشة تكون سهله :)

اقتباس ( يا جماعه والله أنا مش عارف أقول أيه .) درش


ولا حاجه تقول بس الناس توصلك ازاى لان الظاهر ان بايو نسى .

ههههههههههههههههههههههههه ههههههه


بارك الله فيك وفى امثالك واعانك على نايل موتورز واعضاؤه .

تحياتى لحضرتك يا استاذ / درش
السلطان ابو النجا الاول

جهاز نيتروجين لنفخ العجلات ؟؟؟؟؟؟؟؟؟؟

إية جهاز النيتروجين دة يا جماعة وإية فوائدة عن الهواء العادي

أولاً:- الف شكر لجميع المجهودات العملها الأستاذ \ درش والتدبيسات العملها بايو فيه هههههههههههه
ثانياً :- الفففففففففففف مبروك على الجهاز
أنا أن شاء الله قادم لأنى بصراحة نفسى أروحلوا من زمااااان مش عشان الدعوة مجانى والله
لأنى عندى السيارة بتحدف يمين بس بسيط وكمان أعوز أعرف حكاية النتروجين
بس يا ريت تقول المكان بالظبط لأنى جى من الهرم :wink:

ألف مبرزك يا درش على الجهاز الجديد و عقبال مية جهاز و من ازدهار لإزدهار
العنوان يا بايو لو سمحت

الف مبروك يا درش, انت راجل محترم وتستاهل كل خير وربنا يباركلك ويوسع فى رزقك ان شاء الله :)
للاسف انا من المنصورة ومش هقدر اجى لان اخرى فى السفر بورسعيد.

الف مبروك يا درش, انت راجل محترم وتستاهل كل خير وربنا يباركلك ويوسع فى رزقك ان شاء الله

بس عاوزين الوصفة علشان نعرف نوصل للمكان و نملى العجل نيتروجين

:D :D :D :D

الف الف مبروك يادرش وربنا يجعلة فتحة خير على المحل

الف مبروك يا درش وربنا يباركلك ويكرمك
انا ان شاء الله حاجي يوم الاحد بعد الشغل على طول يعني ممكن على 7 كده ان شاء الله
بس ياريت وصف دقيق انا ساكن في الهرم بس الشغل في وسط البلد قولي بقى اجي منين وازاي
وبارك الله فيك وجزاك كل خير

ألف مبروك و شكرا على هذه الدعوة الجميلة و ربنا يوسع عليك كمان و كمان . هذا المنتدى جميل .

انا ياجماعه مش عارف اشكركو ازى على الردود الطيبه دى
وللعلم جهاز الزويا فى فرع عين شمس
وجهاز النيتروجين فى فرع المطريه

هاقول لكم أن درش جاب جهاز نيتروجين لنفخ العجلات في فرع المطريه والجهاز ده بقى هو مش عازم حد عليه مجانا لكن أنا بدبسه قدامكم أهه وبقوله خاللي اليوم الأول للجهاز بتاع النيتروجين مجانا يا درش (هو صاحبي بس أنتم حبايبي هههههه ولازم أدبسه برضه)

ها قلت أيه يا "درش" ؟
اوك يابايو احلامك اوامر :lol:
وازى انا كونت كريم يبقى انت تستاهل :lol:
يوم الاحد الزويا والنيتروجين مجانا :lol:

كده اما محتار انا عايز اعمل زوايا ونيتروجين
كده اروح انهي فرع وانت يا درش حتكون في انهي فرع عالساعة 7 كده عشان اجي اشوفك واتعرف عليك وده اهم والله من الزوايا والنيتروجين طبعا

خالد باشا
يوم الاحد طوال اليوم فى عين شمس
ومجند للخدمه

أنا بصراحة مش حأقدر أشكر في الباشمهنس مصطفي ( درش ) طبعا لأن شهادتي مجروحة ..
علشان الراجل عمل معانا أكبر واجب وهو فعلا زى ما بيقول بايو .. يحب يحتك بالتكنولوجيا ويطلع علي كل جديد بعكس ناس كتير قوى في البلد ..

رحنا طبعا أنا وميمو الحفناوى ومحسن باشا .. وجه بعدنا شريف باشا .. وكانت فرصة جميلة للمقابلة مع الناس الحلوة دى
والراجل عمل أكثر مما كنا نتخيل .. فبألإضافة لموضوع الجهاز الحديث .. هو كان مهتم جدا ومعاه بسم الله ماشاء الله طقم فنيين زى الفل .. ضبطوا العربيات وجربوا معانا .. والأهم عملوا المعجزة وضبطوا عربية ميمو إللي كانت مدوخاه وإللي طلع السبب بعد ضبط الزوايا طبعا .. موضوع الكاوتش ... المهم أنا كمان العربية بتاعتي الحمد لله زى الفل دلوقتي بعد الضبط وإن كانت أبتدأت تلعب تاني علي خفيف وحأرجعهاله .. تاني برضه إن شاء الله .. لو حصل فيها مشاكل علشان أحنا واخدين ضمان تقريبا اربع خمس سنين علي كل ضبط زوايا عنده ..

المهم .. دى خريطة مبدأية لورشة المطرية .. أتمني أنها تفيد أى حد يحاول يوصل له بإذن الله ..
مع خالص شكرى وتقديرى للباشمهندس درش .. والجماعة الشباب الحلوين قوى بتوع المنتدى ..

معلهش يا جماعة ..
علشان الخريطة بعد ما عملت لها Download من المنتدى طلعت الأسماء مش واضحة .. فأسمحولي أكتب الأسماء تاني ..
1- ميدان المطرية
2- جامع ميدان المطرية
3- شارع المعاهدة ( مسطرد )
4- كنيسة المعاهدة
5- شركة البترول ( للقادم من الطريق الدائرى - عند منزل الخصوص ومسطرد )
6- قسم المطرية
7- جامع المطراوى
8- ميدان المسلة
9- شارع السواح
10-شارع الكابلات
11- كورنيش النيل ( ترعة الإسماعيلية ) ( للقادم من المظلات وشبرا والمهندسين والهرم )
12- شارع ترعة الجبل ( للقادم من كوبرى القبة وقصر الطاهرة )
13- محطة مترو الحلمية
14- ميدان الحلمية
15- كوبرى الحلمية ( للقادم من شارع جسر السويس عند منطقة التجنيد )
16- شارع الورش ( وبه علي اليسار موقع الورشة )

إيه يا باشمهندس الوصفه الجامده دى ربنا يباركلك و ياريت كل واحد يدعيلك من إللى رايحين لأن الناس مكنتش هاتعرف توصل لوحدها أبدا :)

سؤال معلش: هو مش المفروض درش فى العنوان ده 65 ش الأربعين من جسر السويس خلف حديقة بدر؟

و لا هو فى المطرية؟

عنوان درش


عين شمسhttp://www4.0zz0.com/2007/06/15/20/76897129.jpg



المطريهhttp://www2.0zz0.com/2007/06/15/20/70343390.jpg
http://www2.0zz0.com/2007/06/15/20/64336825.jpg

ليه يابايو باشا بتبوظ علينا الطبخة .. علي كل قطعت جوجل قول كل خطيب .. والتكنولوجيا تكسب ..

ماشي ياباشا .. ما هو صاحبك ..

وشكرا ياميمو باشا علي المجاملة .. ومعلهش تتعوض في وصفة تانية .. بس ما يبقاش فيها جوجل إيرث .. ولا هاني بايو ..

الله ينور يا / بايو باشا طبعاً يا عم ماهو صحبك هههههههههه
و جزاكم الله خيراً جميعاً :lol:

شكرا ليك يا درش وللامام دائما ولي سؤال هل النيتروجين ده متوفر في كل مكان يعني نفرض مثلا اني نفخت العجل نيتروجين وبعد فترة لقيت العجل قل شوية ومافيش مكان ازود فيه نيتروجين فهل يمكني زيادته بالهواء العادي

اقتباس:

---

المشاركة الأصلية كتبت بواسطة prince semsem

شكرا ليك يا درش وللامام دائما ولي سؤال هل النيتروجين ده متوفر في كل مكان يعني نفرض مثلا اني نفخت العجل نيتروجين وبعد فترة لقيت العجل قل شوية ومافيش مكان ازود فيه نيتروجين فهل يمكني زيادته بالهواء العادي

---

الشكر لله يا برنس
هو النيتروجين مش موجود كتير بس عادى ممكن تزود هواء
وسعتها هتحس الفرق بين الهواء والنيتروجين :lol:

الف مبروك يا باشا وان شاء تكون زباين أكيد بس انا براءة من الدعوة المجانية بقا علشان مساقر بس خلاص بقيت زبون علشان انا ساكن قريب اوي من حديقة بدر

اقتباس:

---

المشاركة الأصلية كتبت بواسطة etch007

الف مبروك يا باشا وان شاء تكون زباين أكيد بس انا براءة من الدعوة المجانية بقا علشان مساقر بس خلاص بقيت زبون علشان انا ساكن قريب اوي من حديقة بدر

---

تنور ياباشا مكانك ويارب نيجى عند حسن ظنك
وعموما تيجى بسلامه :lol:

ألف شكر يا درش على مشاركتك الجميلة, كنت أتمنى أجى علشان اتعرف عليك بس الجايات أكتر

اقتباس:

---

المشاركة الأصلية كتبت بواسطة Abouelela

ليه يابايو باشا بتبوظ علينا الطبخة .. علي كل قطعت جوجل قول كل خطيب .. والتكنولوجيا تكسب ..

..

---

بس إللي أنا عملته ما ينفيش مجهودك الواضح لخدمة الأعضاء وكفايه أنك مهتم أنك توصف للاعضاء المكان يا باشا

كود:

---

ماشي ياباشا .. ما هو صاحبك ..

---

هوه صاحبي وأنتم حبايبي

كود:

---

ومعلهش تتعوض في وصفة تانية .. بس ما يبقاش فيها جوجل إيرث .. ولا هاني بايو

---

بس قول يارب يكون لينا اصحاب كتير يقدموا خدمات اكتر للأعضاء هنا

فل يسمح لى المهندس مصطفى (درش) وباقى الأعضاء الكرام ..
منذ فترة وأنا متابع نشاط المهندس مصطفى بالمنتدى وتقريباً هو الوحيد الذى أعلن عن نفسه كمقدم خدمات لأعضاء المنتدى وكصديق ..
وقد عجبنى فى المهندس مصطفى أنه متطور جداً ليس فقط فى نوعية الأجهزة التى يأتى بها بل أيضاً تواجده فى أماكن التجمعات الخاصة بمجال عمله .. وهذه الموعية من العقليات نادرا ما تعثر عليها فى مجتمعنا .. فهنيئاً لنا تواجد المهندس مصطفى معنا ..

وطبعاً لا تكفى كلمات الشكر للتعبير عن عروضه لأعضاء المنتدى .. وخاصة لو كان الشكر عن طريق غير مباشر .. فإذا شاء الله ونزلت مصر لابد أن أحضر إليه للنعرف على هذه الشخصية الرائعة ..

ألف مبروك على الأجهزة الجديدة وبالتوفيق إن شاء الله ..

وتقبل احترامى ..

متشكرين ياهاني باشا ..
أصل بصراحة درش عمل معانا أكثر من واجب .. وكان شخصية لطيفة ومتفهم ..وأبن بلد قوى .. وده نادر جدا في المجال الفني
فعندك حق في كل إللي قلته .. والراجل بصراحة يستاهل كل خير ..
وأنا هنا بأكرر شكرى .. وإن كنت حأراجع معاه العربيه تاني قريب إن شاء الله بعيدا عن الدعوات العامة ياعم ..

وبعدين في فرق كبير قوى بين جوجل إيرث .. وأبوالعلا إ]رث .. فالتكنولوجيا تكسب ..
وتقبل تحياتي ..

للتذكرة فقط

ألف مبروك يا باشمهندس مصطفى (درش)

و أكيد هاجيلك إن شاء الله ، بس بعيد عن الدعوة المجانية :lol: :lol: :lol: