-
مشكلة مش لاقيلها حل
العربية لانسر بومة 2006 اتوماتيك
المشكلة ان مفتاح الزجاج اليمين الامامى مش عايز يشتغل
رحت للراجل بتاع مكنة الرفع والحمد لله شغالة
رحت للكهربائى فقال ان البوردة الرئيسية زى الفل
جبت مفتاح يمين استيراد وجربته مش شغال
جربت مفتاح استيراد تانى مش شغال
اعمل ايه:flower4u:
حد عنده حل:3_3_102[1]:
-
اتاكد من الفيوزات والاسلاك ممكن يكون في سلك مقطوع في الدايرة بتاعتو
-
المفروض الكهربائي لو بيفهم هيعمل قافله في البورده ويشوف العيب من الزرار ولا من البوردة
يعني لما يعمل قفله الازاز هيطلع وينزل ولا لأ
لأن كده اكيد مش عيب الزرار نفسة
-
نفس المشكله عندى فى الكرستاله بس فى الشباك اليمين الى جنب السائق
وطلع العيب ان الارضى مقطوع
فالكهربائى وصلى ارضى بالزرار نفسه والتحكم ملغى من البورده الرئيسيه الى فى باب السائق
والزرار نفسه شغال
-
انا كان عندى نفس المشكله فى لانسر 2007 بس العيب من الغسيل فى البنزينه العامل غسلى الفرش بالمسدس فبوظ المفتاح وضرب حاجه فى البورده شبه الكتاوت بتاع جهاز الانزار فالكهربائى شالها بكاويه لحام وجاب كتاوت جهاز الانزار ووصلها باسلاك ولحمها مكان الكتاوت الاصلى واشتغلت زى الفل بس الاتو ماتيك بتاع الزجاج بقى بينزل على مرتين مش مره واحده الكتاوت دا فى البورده حجمه حوالى سم مكعب مش اكتر والمياه كانت بوظته انا اسف للاطاله
-
كهربائي حمار مين الي شافها
يعني طالما العيب مش من المكنة ولا من اللوحة
يبقا اكيد الوصلة
بس إتأكد ان مفتاح قفل الدايرة مش مقفول من اللوحة بتاعت السواااااااق الاول
Content Relevant URLs by
vBSEO 3.6.0 PL2