خبرتك فى مجال العمل الخيرى

**tkamal** · 06-01-2012 04:02 AM

ياريت لو فى حد عندة خبرة فى العمل الخيرى او التطوعى
يقول الخبرة عشان الكل يستفيد

ان شاء الله فى موضوع خيرى فى المسجد داخل عليه كمشارك اساسى
بشراء عشر ماكينات خياطة لتدريب اكبر عدد من نساء وفتيات المنطقه على الخياطة
وتعليم حرفه للعمل بها فى السوق

ان شاء الله المشروع كله خيرى لوجهة الله وليس بغرض المكسب
دعواتكم وخبراتكم

**A.Saad** · 06-01-2012 08:20 AM

الدعاية
تنظيم الوقت
اختيار المدرب او المدربة
تحديد التكلفة
فى الحالة دى وفقك الله
الخامات على مين
لو بيدفع نقود بتكون بايصالات مختومة من الشئون الاجتماعية

**A.Saad** · 06-01-2012 08:20 PM

المشاركة الأصلية كتبت بواسطة a_taamer

الحمد الله احنا لسه فى مرحله الدراسه ومعرفه الخبرة من الاخرين امثال حضرتك
بس شايف ان الناس بتستسهل اكثر ونفسها فى الفلوس وخلاص وتوزعها على الناس 10 فى 20 جنيه وخلاص

والناس نفسهم الى عايزين فلوس مش متحمسين للعمل وعايزين قرش سهل بلا وجع دماغ

ربنا يعلم انى بحلم بالمشروع دة من خمس سنين

انت هتشوف من كدة كتير
وحتى المتطوعين نفسهم هتشوف منهم تعب
مرة كنت عند رسالة
واحدة عمالة تشحت باستماتة
قلت لها ادخلى الجمعية هيدوكى
قالت لا رافضين
قلت لها يبقى متستحقيش

**شريف** · 07-01-2012 07:33 PM

وفقك الله للخير

**م/مصطفى محمود** · 07-01-2012 08:14 PM

كان عندنا مرة فى الجمعية ناس عملوا كشك لسيدة أرملة علشان تشتغل فية ، بعد شهر باعت الحاجه ودخلت الدخل كلة للبيت ، الشهر اللى بعده باعت الكشك كلة ، ده لأننا عملنا المشروع ليهم ومتابعناش وهي مكانتشي على المستوى اللى تدير مشروع وكده ، فلازم حد يدير المشروع ليهم ولازم المشروع يكون بيكسب

ناس كتير منهم للأسف إعتادت على القرش السهل ، بس بجد أحييك على المشروع بتاعك

أنصحك تشوف مشغل أو حد عندة مصنع نسيج محترم ، وتخلية يساعدك بالمجهود ، أنت هتعمل المشغل وتجيب المكن وهو يشرف على الشغل ويبيع شغلك مع شغلة ، لأنك لازم لازم يكون معاك حد فى المجال ده علشان يسهل عليك التوزيع والتسويق والخامات وكده

أسأل فى نفس المنطقة وشوف مشغل يكون صاحبة راجل محترم وخير ، وأعرض علية المشروع

لازم حد فيكم يكون مسؤول عن المشروع ، والناس اللى هتشتغل هتاخد دخلها عادي (كأنهم بيشتغلوا فى مشغل عادي ) ومكسب المشغل يروح لدعم نشاط آخر أو كفالة ناس أكتر