التسقيف رجع تانى يارجالة اعمل اية
السلام عليكم
دلوقتى العربية كانت بتسقف فى اغلب الاوقات بين النقلات اقل من 3 اربى ام تسقف وانا الصراحة قلبى بيوجعنى من التسقيف بحث ان الدنيا بترزع فى بعض المهم
روحت للميكانيكى ووصفتلة الموضوع كشف على البوجيهات لقيناها عليها هباب مش نظيفة وعايزو تتغير غيرناها وبالمرة غيرت فلاتر هوا وبنزين
اطلع جرب العربية الحمد لله اتظبتت واتعمد انقل على 2اربى ام عشان لو الموضوع قل بس مرحش هيبان كلة تمام زى الفل دة بخلااااف ان الرشاشات عايزة تتغير بس انا سايبها بس عشان قريب جدا هغير سيور وكدة هخليها معاها وكلة خبطة واحدة .
من حوالى اسبوع بدأت احس الموضوع تانى بس لسة على بسيط قولت يمكن البنزين وحش روحت بنزينة تانية نفس الموضوع وانا اصلا مش بحط من بنزينة معيتة بس مش عارف بقى البوجيهات رجععت تهبب تانى ولا اية هل ممكن الرشاشات تكون هيا السبب وبترمى بنزين زيادة مثلا فا مش بيحرق كل البنزين فابيسبب الهباب دة ويقلل قوة الشرارة
ولا نسب الخليط (هوا ـ شرارة ـ بنزين ) مش مظبوطة
مش بحط 80 خااالص شغال 90 واحيانا 92
همتكم معايا ياشباب بالله عليكم موضوع الاصوات دة بيقلقنى
خصوصا انتوا عرفين ان التسقيف مش كويس خصوصا لما يبقى كل شوية غير لما كل فين وفين لما العربية تسقف
معلومة صغيرة اخيرة هل ينفع اركب حساس تسقيف فى المكنة ال1500 نوبيرا ولا لأ انا اعرف ان فية نوبيرا فيها حساس تسقيف وشكرا