ححكايتى مع شراء الفيرنا الاوتوماتيك

**malta** · 06-01-2012 09:59 AM

السلام عليكم
انا عايزاحكى القصة بتاعتى عشان تقولولى رايكم فى اللى حصل معايا ,بعد صراع طويل و تفكير اطول قررت شراء الفيرنا الاوتوماتيك من معرض سيارات اسمحولى احتفظ بالاسم عشان مش عايز انتظر الوكيل المهم انا لما روحت عشان استلم العربية اولا بصيت على العداد لقيته عامل 73 كيلو كتير طبعا كان فى عربية اختها عاملة 22 كيلو بس المهم بصينا عليها و روحنا مشينا فى الاجراءات و جينا عند الاستلام لسه بنقول ياهادى فى تشغيل الكاسيت و فكو و تركيبه الكاسيت طلع و مارضيش يركب تانى كذا محاولة و بعدين جابو المهندس جرب كذا مرة و راح شاف فيرنا تانية و رجع قالنا الكاسيت بايظ!!!! و عايز يتصلح تسيوا العربية و تيجوا تاخدوها بكرة تخيلوا لسه مشفناش اى حاجة فى العربية ولا تكييف و لا مرايات كهربا و لا اى حاجة خالص لسة بنقول بسم الله الرحمن الرحيم يعنى بعد الواحد كان مهيأ نفسة و فرحان و مستعجل بدل ما يروح بعربيته يسيبها عشان فيها حاجة بايظة لا و الانكى من كدة المندوب بتاعهم يقولك احمد ربنا اللى جت فى الكاسيت فى ناس بتمشى بالعربية و بعد اسبوع بتجيب فتيس بالافات الجنيهات طبعا ما رضيتش و استرديت فلوسى و مارضيتش اخد اى لون تانى غير اللى انا عايزه و لما سالت التوكيل لقيته قافل لغاية يوم الاحد و الاستلام اخر الشهر و يا عالم ايه رايكم هل دى ممكن تكون نتيجة الاستخارة اصرف نظر عن الفيرنا اللى انا اصلا شاريها و حاطط ايدى على قلبى و بقول يارب انت عالم الواحد جاب الفلوس دى ازاى وخايم من القصص اللى بسمعها و شوفتها مع ناس قرايبى بس اعمل ايه مفيش عربية اوتوماتيك سيدان ب 80 الف دلوقتى غيرها اية رايكم افيدونى افادكم الله

**original** · 06-01-2012 10:39 AM

اتوكل على الله وهات نيو أكسنت أوتوماتيك كورى كسر زيرو وماتقولش عايز أكون أول واحد راكبها لأن الفيرنا جديدة كأنك المالك الرابع للعربية
وأنضف من الفيرنا بكتيييييييييييييييييييييي يييييييير

**engaass** · 06-01-2012 11:03 AM

وشوف برضه البروتون ساجا الاوتوماتيك ب 75000
بس نصيحة طالما هتيجيب اتوماتيك يبقى دور على الماركة الاول قبل موضوع الزيرو والمستعمل
يعنى لانسر اوتوماتيك مستعملة احسن من فيرنا اوتوماتيك زيرو بس طبعا لازم تكشف عليها كويس
وبالتوفيق

**original** · 06-01-2012 11:17 AM

كلام مضبوط
الماركة وقطع الغيار أهم حاجة

**malta** · 06-01-2012 01:02 PM

يعنى اصرف نظر عن الفيرنا الاوتوماتيك؟ هل هى سيئة الى هذه الدرجة و بعدين عايز اعرف هو صح اللى انا عملته و لا انا مأفور الموضوع يعنى فعلا كنت استلم العربية و هى معيوبة و ثانيا 73 ك لعربية زيرو عند الاستلام كتير و لا ايه؟

**mahmoudelazab** · 06-01-2012 01:38 PM

أنا معاي الأوتوماتيك بتاعتها بقالى 3 سنين إلا 33 يوم العربية مافيهاش أى مشاكل ميكانيكا الفتيس زى الفل و الموتور كويس جدا هى بس بتاكل بنزين 180 كم فى الصفيحة قطع غيارها فى التوكيل غالية شوية لكن التقليد الجيد سعره رخيص جدا انا عامل بيها 57000 كم لغاية دلوقتى التوكيل بوجه عام ولاد ستين كلب لو فى حاجة بايظة او عايز تغيرها لازم تكون معاك فواتير كل الصيانات إللى فاتت لو معاك الفواتير و الحاجة بايظة مش بسببك بيغيروها على طول انا على 30000 غيرت مساعد أمامى جاب زيت و على 35000 غيرت كمبريسور تكيف كان بيعمل صوت صرخة مع انه كان بيسقع عادى القطع التقليد الفانوس الأمامى من 90 إلى 160 حسب جودته وكورى ولا صينى و الخلفى من 90إلى 120 و الأكصدام من 110 إلى 150 و الرفرف من 90إلى 130 و التيل بتاعها الأصلى ب250جنيه و ماتغيروش فى التوكيل روح لميكانيكى لحسن مصنعيتهم غالية و بيحسبوا ضريبة كمان بوجه عام العربية مشاكلها صغيرة و قليلة و إن شاء الله متعملش معاك مشاكل و انصحك دائما بفرع ابو رواش هو إللى تعمل فيه صيانة

**original** · 06-01-2012 05:07 PM

هيا الفيرنا مش وحشة بس إنك تشتريها جديدة وفيها عيوب وحشة جداااااااااااا
دى لو مستعملة مش هتلاقى العيوب دى

**walidzakzok** · 06-01-2012 06:57 PM

هي المشكلة ان النيو اكسنت كسر الزيرو قلبلة وسعرها عالي جدا

**original** · 06-01-2012 10:11 PM

أنا الحمد لله جبتها ب 70 عاملة 9500 كيلو أتوماتيك 2010
طبعا كورى وعيبها الكاسيت والإنذار بتوع غبور ولقيت الكاسيت مش كويس والتوكيل كشف عليه وغيره فى الضمان